1 Beetero 3:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Biccheha la mehe itoollaan ya, baattissiyoti toolla atin laka atin ribto. Baattissiyota la wohoo sartiin chaafo kabahcho menye, a rubeyti wahanyeyyohi Waakh ka suujoon inno ikacheekan. Baattissiyota la Yeesso Kiriistohi omoot kasookahe ka a atin ribta.

1 Beetero 3:21 Referans Kwoze

Marko 16:16

Eti rummeesti toro labaattissiyo, a lariba. Iꞌdaasenyi eti irummeysan Waakh uskeel a igoocha.

Hilassi Ergaano 2:38

Beetero la wihi us ilaabe, “Etiimba uskeeliis a kasoonokhti, antohi magah Yeesso Kiriisto ka a atin labaattissiyo, ꞌdee Waakh uskeeliin a atin ikakuto. Waakh la ꞌdee siinti Rubeyti Munyee a atin siicho.

Galaatiya 3:27

A mehe atinhi baattissiyo ka atin ichoow Kiriisto ba wohoo kalday tahiin, a iꞌdoo atin jiro Kiriisto iꞌdi gaadeet u gessatteen.

Hilassi Ergaano 22:16

Toollaka mehe sugta? Tolosso a kibaattissiyo, uskeelaah a lakaadikho geeddi at magahi Kamur wahto.’

Efeesso 5:26

Kiriisto la iꞌdane yeele, ꞌdee dikhnaanki us bicche ichoow Yeediis ka dikhe ka ururiis munyaacha.

1 Beetero 1:3

Waakkhi Aabba Yeesso Kiriistohi Kamureene koolinno. Us uurnugleeliiski buure on ka, jirotoo husube inno khajjeello a inno siiche. Jiti us waha kayeele la, a Yeesso Kiriistohi us omoot kasookahche.

1 Koriinto 12:13

Iꞌdi tahe Rubeyta kaldaye Waakh on inno tuumman sartoo kalday goya inno kabaattissite, yaafohi Yaꞌhuud ommos yaafohi Yaꞌhuud ieheynan eheetteey ka ba, bowꞌda ommos ꞌdooꞌdi lafure eheetteey ka ba. Inno tuumman la Rubeyta kalday on inno lasiiche, inno lakasookhube.

Kolossaay 2:12

Iꞌdi tahe maanti atin labaattissiye Kiriisto a atin laleehawwaale, toro miigti Waakhe Kiriisto omoot kasookahisse atin kakhuufteen ka, a atin laleesookahche.

Mattaayo 28:19

Maantaka nyaama ꞌdooꞌdi harra tuumman abattiteey kayeela. Magah Aabba ka ichoow ki Weel ka ichoow ki Rubeyti Munyee ka baattissiya.

Ibiraaniya 9:24

Iꞌdi tahe Kiriisto Meessi Lagane weeli enenyet haaggiche iyookkoti ti rummaate ma gelin. Usu goobi Waakh rubeytiissa gele. Ulla toolla Waakh ortiissa kajira, inno iyeyyeeda.

1 Timooti 6:12

Jiroti inno Kiriisto kakhuufne ka dihoti haaggan gel. Jiroti jirtuu imassanne maanti lakiwahe at wihi haaggan ꞌdooꞌdi ittaawe ortiis ka cheekatte icho la gartiche laabaan jurkhi.

2 Koriinto 7:1

Maantaka aalasseeyki an weyti ꞌdoono, Waakh wahaas tuumman a inno iayyiche gone, wihi tuummane sarteen ichoow rubeyteen biꞌdirroocho iskadikhno. Jeenteti inno Waakh ikaroorruu la, orey isohda ꞌdooꞌdi tuum munyee ateeha.

1 Koriinto 4:6

ꞌDooꞌd Kiriistokaaw jeenteti iroonotiinna wahanyeyyoha ka iyookkoteey ichoow too Aboollo ikhaate. Iꞌdane yeele ꞌdee wihi yeeda essi nah kaabattaan, “Wihi Chiirnaanneti Waakh goya kachiiran akutin.” Iꞌda ka la weynaantoo ma keeylajjaane, too la ma ꞌdarraawtaan gon.

Hilassi Ergaano 16:33

Ibeenkaas goya on eti jeela iween icho khaate, jiissicho dikhe, ꞌdeerka chirraas on usu ichoow minkiis tuummamba labaattissiye.

Hilassi Ergaano 8:36

Jit ka ꞌdulaani bicchehoo ꞌheleene eti sangꞌee la wihi us yidah, “Yey, bicche kallaayo! A iꞌdoh ani liibaattissiyin?”

Rooma 5:14

Chiꞌiche iꞌdaas tahe laka, uus maanti Aadam harrata kijire ichoowka maanti Muusa, omoot on weeli enenyet dakhatte. Aadam amuri Waakhe raahiwwaaye. ꞌDooꞌdi uskeeli Aadam yeele iyeelin laka, omoot on dakhatte. Toollaka Aadam a iyookkoti Kiriistohi yomboka yimiy.

Ibiraaniya 11:19

Aburaaham saggi Waakh Isakh omoot ka isookahcho iche kamasse. Aburaaham ka la a iꞌdoo inankiis omoot ka liisoolaabe.

2 Koriinto 1:12

Maantaka wihi nah keeylajno a waha, wihi rubeyoheenyoki haag ichoow suujoon seley saaho rumanka cheekaan, a saggi nah munyati Waakh ka jiroti fissan harrata ka ijirre, kach ka la a saggi nah ortiin ka ijirre. Waha la kharati weeli enenyete harrata ka menye, haaggi Waakhe buure on kayeelle.

1 Timooti 1:5

Jeenteti an waha yeel ikaadeeh la, a iꞌdoo ꞌdee ꞌdooꞌd Kiriisto ꞌdoonin isikhabo. ꞌDooninta la inti iche katamiit a uuri eloo rucchul laka ikhabin ichoow rubeyti suujoon inno ikacheekan ichoow kakhuufnaanki rummaate Kiriisto lakakhuufo.

Ibiraaniya 9:14

Iꞌdaasenyi Kiriisto miigti Rubeyti Waakhe jirtuu tuumman jirto ka soorriyoti miꞌdabenye Waakh isibahcho yitah. Geeddoo meheenye ꞌdeerka diig Kiriisto rubeyoheenki haag ichoow suujoon seley saaho uskeeli inno yeello omoot inno iwoyo kadikha, ꞌdee Waakkhi jiro ihilla.

Ibiraaniya 10:22

mali fissan ichoow kakhuufnaanki inno Waakh kakhuufno uurlammaal ikhabin ka, Waakh idowwaanni giꞌde. A mehe rubeyoheenki suujoon inno kacheekti diig Kiriisto ka a ladikhe, sarteen la a iꞌdoo bicchehi warraakhe lakadikhe.

Ibiraaniya 13:18

Waakh nah isoowaha. Wihi nah tissibno, rubeyohi suujoon nah ikacheekanne khabna, toro walah tuumman ka, nahi haag yeello ꞌdoonna.

1 Beetero 3:16

Toro rubeyti suujoon atin ikacheekan khaba, ꞌdee jirotiinti haaggane jeenteti atin Kiriisto ikakhuuftaan jirtaan ka atin hayhayo hankichokaas ka lakhaanyo a khaatatti.

Yoohana 13:9

Siimonhi Beetero layadeeh wihi us Yeesso ilaabe, “Kamur, ꞌdeerka luhlo kalday iidikhine, iꞌdaasenyi dahano ichoow matah laka idikh giꞌde.”