1 Beetero 3:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ A mehe Kiriisto maantoo kalday on uskeeleen iyumuyye, maantoo addan la uskeeleen ma iyamuut. Eti fissan jeenteti ki khollokkhane iyumuyye ꞌdee inno Waakh inno ikeena. Usuhi weeli enenyetenye layigisye, iꞌdaasenyi Rubeyti Munyee ka omoot lakasookahche.

1 Beetero 3:18 Referans Kwoze

Ibiraaniya 9:28

Saggaas on u Kiriisto laka koloo on lasoorriyooche, ꞌdee uskeeli ꞌdooꞌdi buure bahcha. Ulla maanti lammaatteete us soonokhti, uskeeli us toro bahcho ma iyamiite, iꞌdaasenyi ꞌdooꞌdi usu weyti sugo iche yamiite, ribnaan ikeena.

Ibiraaniya 9:26

Chirri kootte us iꞌdaas yeele la, geeddi buurenye sina lakawaaricha, uus goorat harra lasoouume. Iꞌdaasenyi toolla inno jiro ibeenneticheti yomboot kijiro la, usu maantoo kalday on yimiyye, soorriyoti jirtuu liikanokhan yitahye, ꞌdee miigti uskeel jirtuu tuumman labahcha.

2 Koriinto 5:21

Waakh Kiriistohi uskeeloo rucchul laka iyeeline meesseen ka eti uskeel leh kayeele, ꞌdee Kiriisto ka fissanoonki Waakh inno liiekkaacha.

1 Beetero 4:6

Jeentetuu la Wori Haaggan ꞌdooꞌdi tuume laka a liicheeke, ꞌdee sarticho iꞌdi enenyet u lahukkuma, iꞌdaasenyi rubey ka jiraan saggi Waakh ijiruu.

Tiito 2:14

Yeesso la jeentetane jirotiis inno isoobahche, ꞌdee hugunꞌdarri tuumman inno kasoofura, toro la inno dikha ꞌdee ꞌdooꞌdi kiisenye haag kalday imoono nateeh.

1 Yoohana 1:9

Chirri inno uskeeleen Waakh icheekanne, usu a lakakhuufa toro wihi rummaat on yeela, uskeeleen a inno ikakuta toro la khollookh tuumman inno kadikha.

Rooma 4:25

Waakh Yeesso a soodiibe, jeenteti uskeeleen iyumuyye, Waakh la usu omoot kasookahche, ꞌdee Waakh ꞌdooꞌdi fiffissan inno iekkaacha.

1 Beetero 4:1

Maantaka sar Yeesso Kiriisto jeenteteen u sina a loomhiche gone, taba atin laka saggi us imasse imalda. Iꞌdi tahe eti sartiis sina loomhiche uskeel a kasoonokhte.

Rooma 8:3

Wihi amurre Muusa yeelin iubaaꞌdan jeenteti wihi uurasseen goya kijiro uskeel imoono ꞌdarsicheen u, Waakh a yeele. Waakh weeliiski kaldaye sooerge, soorriyoti uskeel yitah. Weeliiska la iꞌdi weeli enenyet u sarti weeli enenyete uskeel lehe khabe. Waakh ꞌdeerka uskeeli weeli enenyet sartiis kijiro hukkume sina igooche,

Galaatiya 3:13

Kiriisto falohi amurre Muusa a inno kasoogatte inno soofure, iroonoteen u lafale. A mehe wihi chiiran, “Eti tuummane geey lakalooꞌdiche a falanyahe.”

Galaatiya 1:4

Yeesso Kiriisto ichoow wihi Waakkheenki Aabbaheene ꞌdoono a israahaan. Iꞌda ka jeenteti uskeeleen u a issoobahche yumuyye ꞌdee ꞌdarriti uskeele weyꞌda inno kariba.

2 Koriinto 13:4

Iꞌdi tahe maanti usu lakaahe rumanka iꞌdi weeli enenyet u a ꞌdarneet. Iꞌdaasenyi us miigti Waakh ka a jira. Saggaas on u, nahi Kiriisto ka wohoo kaldaye ꞌdarritiis a leegisanna, iꞌdaasenyi miigti Waakh ka, usu a leejirra.

Rooma 5:2

Kiriisto ka ichoow kakhuufnaanki inno usu kakhuufno ka, haagga Waakhe buurenye inno ꞌhelle iche katololla. Inno la khajjeeli weynaanti Waakh inno siisso iche keeylajna.

Rooma 1:4

Waakh maanti us Rubeyti Munyee ka Yeesso Kiriisto omoot kasookahche, jiti miige ka saggi rumanka Yeesso Kiriistohi Kamureene Weeli Waakh iyahe a tuse.

Yaakoobo 5:6

Atin ꞌdooꞌdi fiffissane atin itirrimine uskeel igoosseene toro dubunuunu bakkisseen.

Hilassi Ergaano 3:14

Atin Eti Munyeenye toro Fissan a ꞌdiiꞌddeene, etoo dubunuunu enenyet yigisye atin liisoofuro daahteen.

2 Koriinto 1:24

Anki wihi atin kakhuuftaan ka ma atin dakhanni. Iꞌdaasenyi nah hile atin leehaagginna, ꞌdee atin laka hamaaddaan. A mehe kakhuufnaanki atin Waakh kakhuuftaan ka a chuukhantahiin.

Rooma 8:11

Toro la chirri rumanka Rubeyti Waakhe Yeesso omoot kasookihisse goytiin fiddiito, saggaas Waakh Kiriisto omoot ikasookahche, saggaase Rubeyta goytiin fiddiito ka, sartiinta tamuut jiro ikasoolaaba.

Hilassi Ergaano 22:14

“ꞌDeerka wihi us yidah, ‘Waákh aacchinyeteen a kisoobahsate, ꞌdee mali us kikhabo abatta, toro la Eti Fissan agarta, toro usuhi hooyiis ka kileeyyeedo daagta.

Mattaayo 27:19

Bilaato komborti enenyet lakahukkumo kafiddiyaayi, makhaabassiis farniin isooeregte, “Etaas uskeeloo iyeelin wohoo rucchul laka ayeeline, diiggiis agelin. Iꞌdi tahe ibeenkate issilloteey ka jeentetiis u weyti sina a ikawaartee,” itidah.

Mattaayo 27:24

Chirri Bilaato saggi us wohoo iyeeline iꞌdaasenyi urur weyti iuskulaate il ibaabiicho arge ka, bicche on khaate, urur ortiis ka dahano dikhte. Wihi us yidah, “An eta wohoo rucchul laka iyeelin diiggiis ma gelo, khaata iꞌdi atin tadeehiin daha.”

Yoohana 16:10

Mali icho khabaane fissanoonki Waakh miinsan a baabul, iꞌdi tahe an Aabbahaaya iirda, atin la toro ma iagartaan.

Efeesso 3:12

Inno ichoow Kiriisto a wohoo kalday gone, toro la usu a kakhuufna gone, a geeddi inno roorro laan Waakh idowwaanni.

Ibiraaniya 9:14

Iꞌdaasenyi Kiriisto miigti Rubeyti Waakhe jirtuu tuumman jirto ka soorriyoti miꞌdabenye Waakh isibahcho yitah. Geeddoo meheenye ꞌdeerka diig Kiriisto rubeyoheenki haag ichoow suujoon seley saaho uskeeli inno yeello omoot inno iwoyo kadikha, ꞌdee Waakkhi jiro ihilla.

Ibiraaniya 10:10

Waakh iꞌdaas a yeele gone, sar Yeesso Kiriistoti lasoorriyooche ka a inno munyaache. Kiriisto la koloo kalday on jirtuu tuumman issoorriyooche.

1 Beetero 3:19

Ulla a irte rubeyohi ꞌdooꞌdi goorat tuume hidan wori Waakh icheeke.