1 Beetero 3:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ Ayyo wohoo atin yeela chaꞌatin haag yeelin imoontaan?

1 Beetero 3:13 Referans Kwoze

1 'Dessaloonika 5:15

Taba uus etoo kalday laka eti suujoon iyeele suujoon tusan. Iꞌdaasenyi kol tuumman hol dowa, wihi haaggan isiyeela ꞌdooꞌdi addan laka haag iyeela.

Rooma 8:28

Wihi inno garanni a mehe ya, walah tuumman ka Waakh ꞌdooꞌdi usu ꞌdoono wihi haaggan a iyeela. ꞌDooꞌdaas la a ki Waakh saggi us igooche iwahe.

3 Yoohana 1:11

Aaleeyki an weyti ꞌdoono, ꞌdooꞌdi suujoon yeelo goya atabine, iꞌdaasenyi ꞌdooꞌdi haag yeelo on dabatiis raah. Eti tuummane haag yeelo Waakhe kayimiy. Eti tuummane suujoon yeelo la Waákh ma argin.

1 Timooti 5:10

toro la a ti jeenteti iche haag iyeessuu enenyet tuumman inkaanyito. Haaggiche a ꞌdow on. A ti nyaakhuutiche jiti haaggan kasooweynaasse, a ti goobiche ka ꞌdooꞌd martiisatte, a ti ꞌdooꞌdi Waakh iꞌdi ilbooy u luhlo dikhte, a ti ꞌdooꞌdi sina khabe gargaarte. A ti hili haaggan tuumman isisoobihisse.

1 Koriinto 14:1

ꞌDooninti ꞌdooꞌdi addan laꞌdoono yowda, toro la siimohi Rubeyti Munyee kayamiit weyti imoona. Kach ka la, siinti Waakh liiyeyyeedo yowda.

Rooma 13:3

Iꞌdi tahe weynaane ꞌdooꞌdi iche kanahisso ki haag yeelo menye, ki suujoon yeelo kanahissa. Atinhi weynaantiin ikaroorine ꞌdoontaan? Taba giꞌde wihi haaggan yeela. Iꞌda ka la weynaane a atin saaꞌdda.

Efeesso 5:1

Atin a nyaakhuti Waakhe us weyti ꞌdoono gone, taba giꞌde, fataliis jira.

Tiito 2:14

Yeesso la jeentetane jirotiis inno isoobahche, ꞌdee hugunꞌdarri tuumman inno kasoofura, toro la inno dikha ꞌdee ꞌdooꞌdi kiisenye haag kalday imoono nateeh.