1 Beetero 3:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Suujoon a kasoonokhti haag a yeelo, nebey a yowti, nebey a ꞌdonꞌdoono.

1 Beetero 3:11 Referans Kwoze

Mattaayo 5:9

ꞌDooꞌdi Waakh imaalo, a ki enenyet isineybicho, a mehe nyaakhuti Waakhe layadeeh.

Ibiraaniya 12:14

Hol dowa ꞌdee weeli enenyet tuumman nebey kaleefiddiya, toro la ꞌdooꞌdi munyee ateeha. Iꞌdi tahe eti tuummane munya ieheynan, jirtuu Kamur ma argo.

Rooma 14:19

Maantaka taba giꞌde wihi nebey keeno ichoow wihi inno iskamiigoonno hol a kadowno.

Kolossaay 3:15

Nebey Kiriisto uurassiin a dakhatti. Iꞌdi tahe iꞌdi ꞌdooꞌdi sartoo kalday u, nebeytane Waakh atin iwahe. Waakh la kalaꞌd ilaaba.

Rooma 14:17

A mehe dakhi Waakh ka wihi khumman golol ichoow wihi ladamo menye, a innohi fiffissane nebey khabno. Jeenteti inno ichoow Rubeyti Munyee wohoo kalday inahuu la hamaad a ꞌhella.

Rooma 12:18

Chiꞌiche tateeh, geeddi atin tabuuꞌdiin tuumman, hol dowa, ꞌdooꞌdi addan nebey kaleefiddiya.

3 Yoohana 1:11

Aaleeyki an weyti ꞌdoono, ꞌdooꞌdi suujoon yeelo goya atabine, iꞌdaasenyi ꞌdooꞌdi haag yeelo on dabatiis raah. Eti tuummane haag yeelo Waakhe kayimiy. Eti tuummane suujoon yeelo la Waákh ma argin.

Yaakoobo 4:17

Maantaka eti tuummane haaggi imale us yeelo garti toro iyeelin, uskeele yeela.

Ibiraaniya 13:16

Haaggi atin ꞌdooꞌdi addan iyeessaan ichoow gargaari atin ꞌdooꞌdi addan leegisantaan la akadabina. A mehe haagga a iꞌdi soorriyoti Waakh kahamaado.

1 Timooti 6:18

Haag on a yeeleene, haaggaas icho yeelaan ka la kamurre a yitaaheen. ꞌDooꞌdi uurnugleel ka walah diibo a yitaaheene, wihi icho khabaan la ꞌdooꞌd a leegismeen.

Galaatiya 6:10

Maantaka, maambaaw inno jitoo ꞌhelle, enenyet tuumman haag iyeello. Kach ka la, ꞌdooꞌdassi Kiriisto rummeeste haag iyeello.

Galaatiya 5:22

Iꞌdaasenyi Rubeyti Munyee jiroteen goyaka gurnaanki iche desso a wahanyeyyoha, ꞌdoonin, hamaad, nebey, garrahsi, uuri ꞌdabakhe, haag, kakhuufnaanki enenyet lakakhuufo,

Rooma 8:6

Malassi ꞌdooꞌdi wihi uurassicho goya kijiro uskeel imoono dakhtaan, omoote ꞌhela. Iꞌdaasenyi mali Rubeyti Waakh dakhatti, jiro ichoow nebeye ꞌhela.

Rooma 7:21

Maantaka runta gaane jiroteey goyaka abde. Chirri an wihi haaggan yeelin ꞌdoono tuumman, suujoon la garabaaya on raaha.

Rooma 5:1

Maantaka Waakh kakhuufnaanki inno usu kakhuufno ka, ꞌdooꞌdi fiffissane inno iekkaache gone, Yeesso Kiriistohi Kamureene ka Waakh nebey a ikhabna.

Yoohana 17:15

Weysiheey ka wihi an kidaaho, atihi icho harrata kabihisso menye, iꞌdaasenyi a atihi Seytaanki uskeel leh kaholisso.

Mattaayo 6:13

Kajmeti uskeel nah kaluguꞌddo nah kajeyiche, iꞌdaasenyi Seytaanki uskeel leh nah karib!’

Mattaayo 5:45

Iꞌdaakka nyaakhuti Aabbahiinki serey jiro tateehiin. Us ꞌdooꞌdi sussuuje ichoow ki hahhaaggan ba orrah a isookorcha, ꞌdooꞌdi fiffissan ichoow ki khokkhollokkhan ba hir siicha.

Rooma 7:19

A mehe wihi an yeelo, haaggi an yeelin ꞌdoono menye, suujoonki an yeelin iꞌdoonin iche yeela.

Luuka 6:35

Iꞌdaasenyi taba chiiytiin ꞌdoona, haag iyeela, mog siicha ichohi atin isooguto asugina. ꞌDeerka kalaꞌddiin la a buuraatta, toro nyaakhuti Waakkhi Weyti Weene tateehiin. A mehe us ꞌdooꞌdi kalaꞌd ikhabin ichoow ki sussuuje uur a iꞌdabakhyahe.

Luuka 6:9

Yeesso ꞌdeerka wihi us icho iyidah, “Wihi an atin worsadi, wihi haaggane layeelo ichoow suujoonki layeelo koh amurreteen israahaan? Jiroti enenyete laribo israahaan bal jiroti enenyete labaabiicho?”

Luuka 1:79

ꞌdee ꞌdooꞌdi mugꞌdihi omooteet goya kajiro serey ka banay sootusa, inno yaakhicha, jiti nebeyeet inno gata.”

Marko 14:7

Miskiin kol dakkhan goytiinna kakhabtaane, kolbaaw atin ꞌdoontaan la a gargaartaan. Iꞌdaasenyi ani kol dakkhan ma ikhabtaan.

1 Beetero 3:12

Iꞌdi tahe indohi Kamur ꞌdooꞌdi fiffissan a katoollaane, dogtiis la weysihicho a ifurantahe. Iꞌdaasenyi Waakh ꞌdooꞌdi suujoon yeelo a ꞌdiiꞌddanyahe.”