1 Beetero 2:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Atinhi usu rummeysattaan ka daakka weyti atin ikhummanyahe. Iꞌdaasenyi ꞌdooꞌdi irummeysan ka, “Daakki ꞌdooꞌdi minan diso ꞌdiiꞌde, usu tirrinki dagaheete min tiiro yitah.”

1 Beetero 2:7 Referans Kwoze

Mattaayo 21:42

Yeesso wihi us icho iyidah, “Atin Chiirnaanneti Waakh ka waha a soonteen menya? “ ‘Daakki ꞌdooꞌdi minan diso ꞌdiiꞌde, iche tirrinki dagaheete min tiiro yitah. Kamure waha yeele, indoheen ka la weyti haagganyahiin.’

1 Beetero 2:8

Toro la, “Us a iꞌdi daakki enenyet tarraantarricho, a daddaabti enenyet lagaꞌddo.” Jeenteti icho ayti Waakh idaagine itarraantarrataan. Waha la a wihi goorat Waakh igooche on.

1 Beetero 1:8

Atin usu injire ma argine, eheetteey laka, usu a ꞌdoontaan. Atin usu toolla ma agartaane, eheetteey laka, usu a rummeysattaane toro la hamaadi etoo cheekin iubaaꞌdane toro weyti buurenye khabtaan,

Ibiraaniya 11:31

Raahabti malaayee la kakhuufnaanki iche Waakh kakhuufte on ka, iche ꞌdooꞌdi Waakh daagin ꞌdiiꞌde liileeigaasawwaaye. Iꞌdi tahe iche ꞌdooꞌdi Issiraayele ꞌdegey irte, nebey ka a martiisatte.

Ibiraaniya 4:11

Maantaka, tirriinsanni giꞌde, ꞌdee nasmetaas Waakh a nasno. A mehe eti tuummane ayti Waakh daagiwwaaye iꞌdi goorat yaafohi Issiraayel yeeleen u, ullaka nasmetaas ma naso.

Tiito 3:3

Iꞌdi tahe inno rubeyteen laka ꞌhor ꞌdooꞌdi ꞌdalammeenye yeed idaagine leekkeeste, bowꞌdati wahanyeyyohi noole uurasseen imoonaane toro kahamaadicho on eheet. Jiroteen wihi buuhe a suujoon ichoow kalꞌdarri. A inno laꞌdiiꞌde inno laka ꞌdooꞌdi addan a ꞌdiiꞌdne.

Kolossaay 2:10

Jeenteti atin ichoow Kiriisto ba wohoo kalday itahiin u la, walah atin laatahiin mele. Usu herti Waakh ichoow ginnayyo tuumman ichoow wihi tuummane anto khabo a iweenyahe.

2 Koriinto 2:16

ꞌDooꞌdi baabaa kijiro ka, nah a iꞌdi suusakki enenyet bakkicho. ꞌDooꞌdi Waakh ribo ka la, nah a iꞌdi uyuuggi jiro lakeelo. Ayyo la hila keley yabuuꞌd?

Rooma 15:31

Waakh isoowaha ꞌdee dahanohi ꞌdooꞌdi ili Yaꞌhuudiya kijiro Yeesso Kiriisto rummeysan ꞌdiiꞌddan a liibuucho. Toro la Waakh isoowaha ꞌdee ꞌdooꞌdi Waakhe ilkerengeetti weene Yeerusaleem hila an icho chilimme igeecho uus ꞌdiiꞌdine,

Rooma 10:21

Iꞌdaasenyi wihi ꞌdooꞌdi Issiraayel miinsane Waakh yidah a waha, “An maalinki noole goya ween ꞌdooꞌdi yeedeey iraahine, ani itirrimo iche dahanoheey iooge.”

Hilassi Ergaano 26:19

“ꞌDeerka Agiribbahi karnate, an fooltabchoti an serey ka arge, ma raahiwwaayin.

Yoohana 4:42

Wihi icho makhaabál iyidaaheen, “Toolla yeedaah kalday on ma rummeysanni, iꞌdi tahe nah laka awteenyuu usu a daagne, toolla la saggi rumanka eta ꞌDoorribehi enenyeti harra tuumman iyahe a garanna.”

Luuka 20:17

Yeesso ꞌdooꞌd indo katoolliche, wihi us worsate, “Chaꞌatin iꞌdaas elattaan, Chiirnaanka bal kamalda. “‘Daakki ꞌdooꞌdi minan diso ꞌdiiꞌde, iche tirrinki dagaheete min tiiro yitah.’

Luuka 2:32

Usu yaafohi Yaꞌhuud ieheynane banay ibabbakkaahicha, ꞌdooꞌdaahki Issiraayel la inkaanyit ikeena.”

Luuka 2:34

Siimiyon ꞌdeerka icho iweeste, Maariyati abarti weele la wihi us iyidah, “Weela Waakhe soobahsate, ꞌdee ꞌdooꞌdi Issiraayel gaasoo riba gaasoo la bar tira. Ulla miigti Waakhe enenyet tusa, iꞌdaasenyi ꞌdooꞌdi buure usu a tirrima.

1 Beetero 2:4

Kamuri iꞌdi daakki jireenye ꞌdooꞌd ꞌdiiꞌde, iꞌdaasenyi Waakkhi soobahsate ka weyti khumman iamiita.