25 Iꞌdi tahe atin iꞌdi iiyti baabaa kijirto eheet. Iꞌdaasenyi toolla Ersinki rubeyohiin yaakhicho a isoonokhatteen.
Rubeyti Munyee iꞌdi ersimohi hoolaate atin kayeesse. Hoolaha la a ꞌdooꞌdi Waakh. Maantaka isyaakhicha toro la hoolahi Rubeyti Munyee dahantiin gelisse tuumman yaakhicha. Ururi Waakhe goorat Yeesso diiggiis ka Waakh igate, yaakhicha toro toorriba giꞌde.
Chirri us urur arge ka, weyti uur inugleeste, a mehe iꞌdi iiyti ersim ikhabin u, a waꞌdwaaꞌdaane, toro la et gargaaro mele.
“Bal waha kamalda. Ersinki iiyti kudoowe khabo, naffoo kabaabe, mehe yeela? Ersinkaas iiyti tomon saagaal ichoow saagaale hal yaakhtaayi a kataba, irta naffi kaldache baabe yowta menya?
Maanti Ersinki Ween soobaho la, ꞌduubi Waakh kayamiite jirtuu duh iurgiyine ꞌhessaan.
Waakkhi nebey leh Yeessohi Kamureenenye Ersinki weene iiyyaate diiggi ayyinti husube jirtuu tuumman imassanne us gooche ka omoot a kasookahche.
Maantaka ꞌdooꞌd Kiriistoki munyeenye Waakh goobiis iwahe, Yeessohi kakhuufnaanki inno Waakh kakhuufno inno cheekno ka, Waakh ergaano ichoow kuhaanihi weyti ween kayeele kamalda.
Kuhaanihi ween ullaka ꞌdabakkhi weeli enenyet a khaba gone, ꞌdooꞌdi jeenteti us jiti mujjume igaran u uskeel gelo, inahin a yabuuꞌd.
Waha a rubeyohi ꞌdooꞌdi goorat ayti Waakh raahiwwaaye maanti goorat Noowa koobanhi buure dise. Waakh la ꞌdooꞌdaas a isamacchaare. Iꞌdaasenyi et siyyeet kooban goya kijirte kaldaye bicche ikhaatin.