1 Beetero 2:24 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁴ Usu rubeytiis la massalaaba ka uskeeleen a siꞌde. Iꞌdane yeele ꞌdee uus kola uskeel inno dakhanne, jiroti fissan jirra. Sinati loomhiche ka, atin a samaatteen.

1 Beetero 2:24 Referans Kwoze

Mattaayo 8:17

Ulla wahaas a yeele ꞌdee wihi eti Waákh íyeyyeedo Isaaya layadeeh ka lacheeke, labuuhicha. “Usu rubeytiis khannaatteteen a inno kabahche, sugeerreteen laka inno kakhaate.”

Rooma 6:11

Saggaas on u taba giꞌde, atin laka ꞌdooꞌdi wihi uskeel miinsan ka tuume isiekkaacha. Iꞌdaasenyi jeenteti atin ichoow Yeesso Kiriisto ba wohoo kalday itahiin u, jiroti atin jirtaan Waakh ijira.

Bakkaahit 22:2

Hawta la jiti buurenye ilkerengeet dah kagoocho, iche tabta. ꞌDollohiche lammache la geeyoo jiro lakeelo, guꞌh ka gurnaan tomon ichoow lamma delo, hay ka delo, a katoolla. Seebi geeya la yaafo samaacha.

1 Yoohana 2:29

Chaꞌatin saggi Kiriisto ifissanyahe garattaan, saggi ꞌdooꞌdi tuummane wihi fissan yeelo nyaakhuti Waakh iyahe a garattaan.

Yaakoobo 5:16

Maantaka uskeeli atin isiyeesseen isicheekda, toro la isiweesda, ꞌdee Waakh a atin samaacho. Weysihi eti fissan weyti miig a khabaane toro la wihi buurenye yeelaan.

Ibiraaniya 9:28

Saggaas on u Kiriisto laka koloo on lasoorriyooche, ꞌdee uskeeli ꞌdooꞌdi buure bahcha. Ulla maanti lammaatteete us soonokhti, uskeeli us toro bahcho ma iyamiite, iꞌdaasenyi ꞌdooꞌdi usu weyti sugo iche yamiite, ribnaan ikeena.

Galaatiya 3:13

Kiriisto falohi amurre Muusa a inno kasoogatte inno soofure, iroonoteen u lafale. A mehe wihi chiiran, “Eti tuummane geey lakalooꞌdiche a falanyahe.”

Rooma 6:2

Mele, iꞌdaas mee! Inno a iꞌdoo inno wihi uskeel miinsan ka tuunne, uskeel kola ma inno dakhti, ꞌdeerka uskeel goya ma kaassahanni gon.

Kolossaay 3:3

Iꞌdi tahe atin a tuunteene, toolla la jirotiin ichoow Kiriisto ba Waakh goya kadagsanyahiin.

Rooma 6:13

Wihi addan, miiliinkoo kaldach laka uus uskeel dakhan, uus ꞌdee atin wihi khollokkhan yeeline. Waakh tuum isibahcha, a mehe Waakh omoot a atin kasookahche, jiro atin siiche. Iꞌdaasenyi miilassi sartiin tuumman Waakh ibahcha, wihi fissan kalday on kahaaggicha.

Yoohana 1:29

Ibeenki kaas sooraaho ka, Yoohanahi Enenyet Baattissiyo Yeessohi soosohti arge. Yoohana la wihi us yidah, “Yeya, Heleenki Waakhe uskeeli ꞌdooꞌdi harrata bahcho kalla.

Rooma 7:6

Iꞌdaasenyi toolla amurre Muusa ma inno dakhatti. Amurretaas ka a inno lafure, ꞌdee kola jiti raagane goorat amurretaas chiiran inno iwoyte ma isohanni, jiti husube Rubeyti Munyee inno abisse iche raahna.

1 Yoohana 3:7

Nyaakhuteeyki an weyti ꞌdoono, uus etoo kalday laka jit atin bujin. Eti wihi fissan yeelo a fissanyahe, saggi Kiriisto ifissanyahuu.

Rooma 6:7

a mehe eti tuummane omoot Kiriisto ka usu ichoow Kiriisto ba wohoo kalday yitaaheen, miigti uskeel usu kadakhti a lakasoofure.

Rooma 6:16

Wihi atin rumanka garattaan a mehe ya, eti tuummane etoo addan isibahche iꞌdi bowꞌduu raaho wihi kamuriis kaꞌdoono yeela. Atin a bowꞌdayyohi uskeele omoot isohti ommos atin a bowꞌdayyohi ayti Waakh raaho ꞌdee us ꞌdooꞌdi fiffissan iekkaacho.

2 Koriinto 6:17

“Maantaka kaaleya goycho kasoobaha, kasoogowa, iche Kamur essa. Wihi biꞌdire aꞌdaarina, anna a atin khaaddaa.”

Hilassi Ergaano 5:30

Inkoo atin Yeesso massalaaba kakaahteene atin tigaaseen, Waákh aacchinyeteen, Yeesso rubey a isoolaabe, omoot kasookahe.

Luuka 4:18

“Rubeyti Kamur a ileejirta, iꞌdi tahe usu a isubhe ꞌdee Wori Haaggan miskiino icheeka. Kamur a isooergate, ꞌdee ꞌdooꞌdi uskeel hide saggi Kamur isoofuro icheeka, ꞌdooꞌdi indo laa la Kamur indo a fura, ꞌdooꞌdi sina lakawaaricho la Kamur sina a kabahcha.

Mattaayo 5:20

A mehe wihi an atin iadeeh, sammata fissanoonkiin ki tagaammeti amurre ichoow Farissaayo ikutin rumanka dakhi goobi Waakh ma gessaan.

Ibiraaniya 12:13

“Luhlohiin jiti fissan iyeela.” ꞌDee jirotiin ka ma tarrantarrattaane, ma kuftaane, iꞌdaasenyi a miigowtaan.

Hilassi Ergaano 13:29

Inkoo iche wihi goorat Chiirnaanneti Waakhe usu miinsan buuhisse ka, Yeesso massalaaba kasooyegisse khaatte, goꞌddoo kahawwaasse.

Hilassi Ergaano 10:35

Iꞌdaasenyi Waakh ꞌdooꞌdi il tuummane usu karooro wihi fissan yeelo a khaatta.

Ibiraaniya 7:26

Yeesso a kuhaaniheenki weyti weene, sagag tuumman ka inno gargaaro. Iꞌdi tahe usu a munya, eloo rucchul laka ma khabo, biꞌdiroo rucchul laka ma khabo. Waakh usu ꞌdooꞌdi uskeel leh goyaka a soobahche, goobi Waakh ka walah tuumman ꞌdirihicho weynaache.

Kolossaay 2:20

Atin Kiriisto a leetumaateene toro miigti suujenye harrata a atin lakasoofure. A iꞌdoh toro saggi ꞌdooꞌdi harrata ikajirtaane amurreta iꞌdee iraahtaan?

Rooma 6:22

Iꞌdaasenyi toolla miigti uskeel a atin lakasoofure, bowꞌdayyohi Waakhe titaaheen. Indigirti atin ꞌhessaan munya atin iwoyta, waha la jiroti jirtuu imassanne delaan.

Hilassi Ergaano 10:39

“Nah la wihi tuummane Yeesso ili ꞌdooꞌdi Yaꞌhuud ichoow ilkerengeetti weene Yeerusaleem ka yeele garticho a laabna. Yeesso massalaaba kakaaheene yigaaseen.

Mattaayo 27:26

Bilaato ꞌdeerka Barraba icho isoofure. Iꞌdaasenyi amuri Yeesso lakadoocho toro massalaaba lakakaaho bahche.

Efeesso 5:9

A mehe banayha gurnaanki us delo a haag tuumman ichoow wihi fissan tuumman ichoow wihi rummaat tuumman.

Yoohana 19:1

Bilaato ꞌdeerka, “Yeesso a lakhaato, laajja ka a lajaho,” yidah.

Fiiliffi 1:11

Iꞌda ka Yeesso Kiriisto ka gurnaanki fiffissane jirotiin goya buuhicha. Waha la Waakh weynaan ichoow koolo ikeenaan.

Marko 15:15

Jeenteti us icho ihamaadin ꞌdoonuu, Bilaato Barraba icho isoofure, amuri Yeesso lakadoocho toro massalaaba lakakaaho bahche.

1 Koriinto 15:3

Iꞌdi tahe an wihi weyti khummane an ꞌhele iche atin isookucche. Kiriisto jeenteti uskeeleenna iyumuy saggi Chiirnaanneti Waakh liikachiiruu.

Kolossaay 2:14

Waakh khadaabi mogti uskeeleen kachiiranyahe a hiyyaaye. Khadaabaas wihi tuummane amurre inno kaꞌdoonto inno yeelin iubaaꞌdane kijira. Waakh wahaas a inno kabahche, massalaaba kahide.

Ibiraaniya 10:5

Maantaka, maanti Kiriisto harrata yimiy, wihi us Waakh iyidah, “At soorriyo ichoow wihi lakisoobahche ma ꞌdoonin, iꞌdaasenyi at ani sar a iyeesse.

Ibiraaniya 10:10

Waakh iꞌdaas a yeele gone, sar Yeesso Kiriistoti lasoorriyooche ka a inno munyaache. Kiriisto la koloo kalday on jirtuu tuumman issoorriyooche.