1 Beetero 2:23 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²³ Us maanti laabaare laka abaar ma laabin. Maanti sina lakawaariche laka, ꞌdooꞌdi sina kawaariche ma itiftoonne, Waakkhi enenyet saggi mujjume ihukkumo on dahantiis isgesse.

1 Beetero 2:23 Referans Kwoze

1 Beetero 4:19

Maantaka eti tuummane sinati taham ichoow wihi Waakh ꞌdoono ba israahaan, Waakkhi lakakhuufo walah tuumman soouume dahantiis a isgesso. Toro la haaggi us yeelo orey a ileesohti.

Ibiraaniya 12:3

Bal saggi us ꞌdooꞌdi uskeel khabe usu weyti ꞌdiiꞌddan us ikagarrahsate kamalda. Iꞌda yeela ꞌdee akurmina, toro la rubey iiche atin jebin.

Hilassi Ergaano 4:29

Maantaka, Kamuraanyaaw waha ꞌdooꞌda nah idowo daage falfayyohaah uur miigooche yeedaah roorro laan a cheekeen.

2 Timooti 4:8

Toolla ꞌduubi eti enenyet sooricho ꞌhelo a isuga jeenteti an Waakh kalday on ikajiruu. Kamuri fissane enenyet mujjum hukkumo, ꞌduuba ibeenki us soonokhti a isiicha. Ani kalday ꞌduuba ma ꞌhelo, iꞌdaasenyi ꞌdooꞌdi tuummane emeettiis imoono laka a ꞌhela.

2 Timooti 1:12

Jeentetase toolla ani sina ikawaarta. Iꞌdaasenyi ma kalakhaanyeysadi. A mehe eti an rummeesde a garda. Anna waha a tissiba, miigti us wihi an dahantiis gesse us kayaakhicho ichoowka ibeenki ꞌdaꞌddaboot yateeh a khaba.

Luuka 23:46

Yeesso la hooyi buure ka riire, wihi us yidah, “Aabba, rubeyteey dahantaahha soogessa!” Chuꞌus yeeda massiche ka massate.

Bakkaahit 19:11

Goobi Waakh usuhi fahan arge, faraꞌdoo dakhan arge. Eti faraꞌda fuulo la magahiis mehe layadeeh ya, Ki Lakakhuufo, Rum Leh. Usu jiti fissane enenyet kahukkuma, toro la diho irta.

1 Beetero 3:9

Eti suujoonkoo kiyeelo ommos kiabaaro aal akagutanne, iꞌdaasenyi iweyso Waakh a imaalo. A mehe wihi atin liiwahe a wahaase, ꞌdee buuh ꞌhessaan.

2 'Dessaloonika 1:5

Waha la mehe tusaan ya, Waakh saggi imasse enenyet ihukkuma, ꞌdee ꞌdooꞌdi dakhi Waakh muꞌdan atin liiekkaacha. Atin la jeenteti Waakh atin idakhti iche chiiytiin sina atin iomhissa.

Efeesso 6:9

Toro la Kamurre taba atin laka saggaas on u bowꞌdayyohiin haag on iyeela. Iitiftoonna, a mehe saggi atin igarattaan u atin tuumman Kamuroo kaldaye goobi Waakh ka khabtaane, ulla gar badah ma gatti.

Rooma 2:5

Iꞌdaasenyi matahenyetiin a mimmiige toro la uurassiin ka uskeeli atin kasoonokhattaan a ꞌdiiꞌddaan. Jeentetaas u atin sinati berri ibeenki Waakh holiis atin tuso toro jiti rummaat ka enenyet hukkumo, a isibuuraassaan.

Hilassi Ergaano 17:31

A mehe us ibeenki us enenyet tuumman jiti fissan ka eti us soobahsate ka hukkumo a gooche. Waakh la omoottaas us kasookahche ka enenyet tuumman a irummaache.”

Hilassi Ergaano 9:1

Geeddaas tuumman la Saawulo abattiti Kamur uliba ogoose ꞌdoona. Kuhaanihi weyti ween iirte,

Luuka 23:9

Ulla Yeesso wihi buure worsate, iꞌdaasenyi Yeesso walah us ilaabe mele.

Hilassi Ergaano 7:59

Geedda Isiteefano dagah lakachibo layagiis, usu Waakh on wahta, wihi us essi, “Yeessohi Kamure, rubeyteey a kitimaate.”

Luuka 23:41

Lammateen jeenteti uskeeli inno yeelle on inno liiyagiis, iꞌdaasenyi us walah suujenye us yeele mele.”