Kuhaaniheenka weyti ween la ꞌdabakkheen tuumman a isoonaha. Iꞌdi tahe sagag tuumman ka saggi kajmeti uskeel inno kaluguꞌddo inno liikakajo on usu laka liikaje, iꞌdaasenyi uskeeloo rucchul laka ma gelin.
Nyaakhuteeyki an weyti ꞌdoono, waansihane atin isoochiira, uus ꞌdee atin uskeel yeeline. Iꞌdaasenyi chiꞌ etoo goytiin ka uskeeloo yeelo, eti meesseen ka Aabbaheen hawwaasti a khabna. Eta la a Yeesso Kiriistohi Fissan.
Saggaas on u Kiriisto laka koloo on lasoorriyooche, ꞌdee uskeeli ꞌdooꞌdi buure bahcha. Ulla maanti lammaatteete us soonokhti, uskeeli us toro bahcho ma iyamiite, iꞌdaasenyi ꞌdooꞌdi usu weyti sugo iche yamiite, ribnaan ikeena.
“An haꞌdaabe gele, a mehe an eta wohoo iyeeline atin ikeene, diiggiis gele,” yidah. Wihi icho ilaabeen, “Wahaas walah icho nah iyahiin mele! Ati on iꞌdi at tadeeh dah.”