1 Beetero 2:15 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁵ A mehe wihi Waakh ꞌdoono a mehe ya, a atinhi haaggi atin yeessaan ka, ꞌdooꞌdi wihi ꞌdalam atin kacheekti chubbahissaan.

1 Beetero 2:15 Referans Kwoze

1 Beetero 3:17

Wihi deefo, chiꞌiche ꞌdooninti Waakh tahe, a atihi jeenteti at haag iyeessuu sina kaawaarto, atihi jeenteti at suujoon iyeessuu sina kaawaarto ka.

Tiito 2:8

toro la worassi fiffissane wohoo suuje lakacheekin liiubaaꞌdan cheek. Iꞌda ka ꞌdooꞌdi kitirrimo lakhaanyo khaatatta a mehe walah suujenye icho inno kacheektaan mele.

1 Beetero 2:12

ꞌDooꞌdi Waakh igaran goyaka jiroti haaggan jira, ꞌdee koli icho suujoonkoo atin kacheektaan tuumman, jeenteti icho haaggi atin yeessaan ifiirichaan u, Waakh a koolicheen maanti us yamiit.

Mattaayo 7:26

Iꞌdaasenyi eti tuummane yeedeeyka daago toro iraahin, a iꞌdi eti ꞌdalamenye minkiis yooh goya kadise.

1 'Dessaloonika 5:18

Walahbaaw atin isoobahe ka, Waakh kalaꞌd ilaaba. Iꞌdi tahe waha a wihi Waakh atinhi atin ichoow Yeesso Kiriisto wohoo kalday tahiin atin iꞌdoono.

1 'Dessaloonika 4:3

Wihi Waakh atin kaꞌdoono kallaayo, a atinhi jiroti munyee jirtaane, ꞌdooꞌdi isidisan isileeurꞌdine,

2 Beetero 2:12

Iꞌdaasenyi ꞌdooꞌda saggi binahi yibaate mal ikhabine ladelo one ꞌdee lakhabti laabbakkicho iche ijira. Wahanyeyyohi icho foolicho ikhabine saggi suuje ileeabaarramaan. Saggi bina bar liitiro iche icho laka bar liitira.

Rooma 1:21

Icho eti Waakh yahe a abteene, eheetteey laka inkaanyiti kootte Waakh imale ma siinne, toro la kalaꞌd laka ma ilaabin. Wihi ꞌdalam on kamasseene, toro la uurassicho mugꞌdi weele.

Yuuda 1:10

Iꞌdaasenyi ꞌdooꞌda wihi icho foolicho ikhabine leeabaarramaan. Icho laka iꞌdi binahi yibaate mal ikhabin u wihi uuricho kasoobaho on gartaan. Wahanyeyyoha on icho bakkichá.

1 Beetero 4:2

Jeentetaas u jirotiisti addane harrata ka us soojiro, suujoonki enenyet imoono ma ijiro iꞌdaasenyi wihi Waakh ꞌdoono yeela.

1 Timooti 1:13

An goorat ꞌhor usu a igafe, ꞌdooꞌdiis sina omhiche, ꞌdooꞌdiis leeabaarrame. Eheetteey laka Waakh uliba uur a isoonugleeste. Ulla jeenteti an Kiriisto ikakhuufine, wihi an yeele igaran, iche iꞌda iyeele.

Tiito 3:3

Iꞌdi tahe inno rubeyteen laka ꞌhor ꞌdooꞌdi ꞌdalammeenye yeed idaagine leekkeeste, bowꞌdati wahanyeyyohi noole uurasseen imoonaane toro kahamaadicho on eheet. Jiroteen wihi buuhe a suujoon ichoow kalꞌdarri. A inno laꞌdiiꞌde inno laka ꞌdooꞌdi addan a ꞌdiiꞌdne.

Galaatiya 3:1

ꞌDalammeti Galaatiya, ayyo atin katibte? Rumanka Yeesso Kiriistohi massalaaba lakakaahe a atin liisoonyiikhe!

Mattaayo 25:2

Albeha chane a ꞌdalame, chane la a khara.

1 Beetero 3:16

Toro rubeyti suujoon atin ikacheekan khaba, ꞌdee jirotiinti haaggane jeenteti atin Kiriisto ikakhuuftaan jirtaan ka atin hayhayo hankichokaas ka lakhaanyo a khaatatti.