1 Beetero 2:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² ꞌDooꞌdi Waakh igaran goyaka jiroti haaggan jira, ꞌdee koli icho suujoonkoo atin kacheektaan tuumman, jeenteti icho haaggi atin yeessaan ifiirichaan u, Waakh a koolicheen maanti us yamiit.

1 Beetero 2:12 Referans Kwoze

1 Beetero 3:16

Toro rubeyti suujoon atin ikacheekan khaba, ꞌdee jirotiinti haaggane jeenteti atin Kiriisto ikakhuuftaan jirtaan ka atin hayhayo hankichokaas ka lakhaanyo a khaatatti.

Mattaayo 5:16

Taba giꞌde atin laka iꞌdaasu, haaggi atin yeessaan weeli enenyet tuumman a argo, ꞌdee enenyet tuumman Aabbahiinki serey jiro a inkaanyito.

2 Koriinto 8:21

A mehe nah Kamur ortiis ka kalday menye, weeli enenyet ortiis ka laka samacchaare wihi haaggan yeella.

1 'Dessaloonika 4:12

Iꞌdaakka ꞌdooꞌdi Kiriisto irummeysan a atin inkaanyita, toro la et atin kanoossahiin mele.

1 Timooti 4:12

Uus etoo kalday laka jeenteti at inugussahuu kiꞌdarraawin. Iꞌdaasenyi yeedi afaah kasoobaho ka ichoow jiroti at jirto ka ichoow ꞌdooninti at enenyet ꞌdoonto ka ichoow kakhuufnaanki at Kiriisto kakhuufto ka ichoow jiroti el ikhabine at jirto ka, ꞌdooꞌdi Kiriisto rummeeste iyookko iateeh.

Yaakoobo 3:13

Chiꞌ goytiin ka etoo khara yahe toro haag ichoow suujoon garti jiro, jiroti haaggane us jiro ka, samacchaari khara kayamiite wihi haaggan us yeelo ka a tuso giꞌde.

Fiiliffi 1:27

Walahbaaw soobaho ka, jiroti ꞌdooꞌdi Wori Haaggane Kiriisto imale jira, ꞌdee chirra an amiite an atin argo, ommos an iimaatane woriin kalday daago, saggi atin uuroo kalday ka mujjum itolossaan a abdi. Toro la saggi atin maloo kalday ikhabtaane, atin tuumman kakhuufnaanki atin Waakh kakhuuftaane Wori Haaggan keeno hol ikadowtaan a abdi.

2 Koriinto 1:12

Maantaka wihi nah keeylajno a waha, wihi rubeyoheenyoki haag ichoow suujoon seley saaho rumanka cheekaan, a saggi nah munyati Waakh ka jiroti fissan harrata ka ijirre, kach ka la a saggi nah ortiin ka ijirre. Waha la kharati weeli enenyete harrata ka menye, haaggi Waakhe buure on kayeelle.

2 Beetero 3:11

Walah tuumman saggane liibaabiicha gone, atinhi jiroti munyee ichoow jiroti Waakh kahamaado jirtaane laꞌdoona,

Rooma 13:13

Jirotiin tuumman wihi mujjumenye saggi fiddihi ꞌdooꞌdi banay goya fiddiyo a eheetti. Taba giꞌde, daawohi biꞌdire ommos meleefu uus goytiin kijirine, ommos uus ꞌdooꞌdi isidisanne isleeurꞌdo ommos sohoꞌddarri goytiin kijirine, ommos uus jihit ommos inaaf laka goytiin kijirin.

Rooma 12:17

Etoo kalday laka suujoon suujoon akagutanna. Wihi enenyet tuumman ortiis ka haaggan on yeela.

Ibiraaniya 13:18

Waakh nah isoowaha. Wihi nah tissibno, rubeyohi suujoon nah ikacheekanne khabna, toro walah tuumman ka, nahi haag yeello ꞌdoonna.

1 Timooti 2:2

Karnato ichoow weynaanti addan tuumman iꞌdane yeelaane ꞌdee inno tuumman nebey ichoow roorro laan fiddiina. Toro la ꞌdee Waakh a karoorro jiroti munyee a jirro.

Fiiliffi 4:8

ꞌDooꞌd Kiriistokaaw, wihi ꞌdaꞌddaboote an atin iadeeh, taba wihi rummaate toro la enenyet inkaanyito ichoow wihi fissan ichoow wihi miꞌdabe ichoow wihi enenyet ꞌdoono ichoow wihi haag khabo ichoow wihi weyti deefo ichoow wihi lasaaꞌdo kamalda.

Efeesso 4:22

Wihi atin laabche, jiroti atin ꞌhor jirteene, fiddihiinki uskeel liimoono atin ekkeeste toro atin kheerooche ꞌdiicha.

Ibiraaniya 13:5

ꞌDooꞌdi chílim iꞌdamaammowo iitaahana, wihi atin khabtaan on kadarga. Iꞌdi tahe Waakh wihi us yidah, “An koloo kalday laka ma kaaseeho, an koloo kalday laka ma kiꞌdiiꞌdo.”

Rooma 15:9

Kiriisto la a yimiyye ꞌdee yaafohi Yaꞌhuud ieheynan Waakh saaꞌdaan jeenteti us enenyet uur ikasoonugleestuu. Iꞌdi liichiiruu, “Maantaka an ꞌdooꞌdi yaafohi Yaꞌhuud ieheynan goyaka a kikoolicha, geeyo ka magahaah a saaꞌda.”

Luuka 19:44

Chiiye la atin ichoow nyaakhutiin dakkhamba a atin bakkissa, toro la dagahti ilkerengeet kamarsan tuumman jejjebissa. Daakkoo kaldaye meessiis fuulo laka ma katabto. Iꞌdi tahe atin maanti Waakh ribnaan atin yimiy ma kasin!”

Mattaayo 10:25

Abatti etiiski walah abcho ibaha, ilbooy la kamuriissa ibaha. Chirri ooyohi min leh ba, Beelsebuul lakawaho, ꞌdooꞌdi minkiis la geeddoo meheenye magahenyeti ꞌdaꞌddaran kawahaan?

Mattaayo 5:11

“Waakh a atin imaala maanti enenyet jeenteteey u atin abaaro, sina atin omhicho, been ka suujoonki nool atin kacheekti.

1 Beetero 4:11

Eti siintiis ti Yeedi Waakh lacheeko tahe, yeedaas a cheeko giꞌde. Eti siintiis ti us ꞌdooꞌdi addan gargaaro tahe, miigti Waakh siiche tuumman ka ꞌdooꞌdi addan a gargaaro. Iꞌda ka walah tuumman ka Yeesso Kiriisto ka Waakh a laweynaacha. Us ba jirtuu tuummamba inkaanyit ichoow miig ꞌhela. Aamiin.

Efeesso 2:3

Inno tuumman laka ꞌhor iꞌdichooda eheete, wihi uurasseen goya kijiro uskeel imoono on iamuunne, uskeeli uurasseen ichoow malasseen ꞌdooneen on maanjeeranne. Inno iꞌdi ꞌdooꞌdi addan u wihi inno imale a holi Waakh.

2 Koriinto 13:7

Toolla la Waakhe wahanna uus ꞌdee atin suujoon yeeline. Jeenteti nah iwahanni, jeenteti nah ꞌdooꞌdi kajme ka kute iyoognahe menye, atinhi haag yeessaane ꞌdoonna, chiꞌ nah ꞌdooꞌdoo ka ꞌdooꞌdi kajme ka kufe iyoognahe laka.

1 Koriinto 14:25

Wihi uuriis goyaka dagsan a lasoobahcha. Ulla ꞌdeerka Waakh dahan a iooga, Waakh wahta wihi us yadeeh, “Saggi rumanka Waakh atin ileejiro a abde.”

Hilassi Ergaano 24:13

Wihi toolla icho ortaah ka ikacheektaan laka runticho tusin ma yabuuꞌdiin.

Hilassi Ergaano 15:14

Siimonhi Beetero layadeeh saggi Waakh kolooraat ꞌdooninti us yaafohi Yaꞌhuud ieheynan iꞌdoono ituse, us gaasichokoo isoobahsate ꞌdooꞌdiis ikayeesse a inno isoodowdowe.

Luuka 6:22

Waakh a atin imaala maanti enenyet jeente Ínam Aadam u atin ꞌdiiꞌdo, atin riho, ommos atin abaaro, magahiin uskeeli nool kawaho.

Luuka 1:68

“Kamuri Waakkhi Issiraayele a lasaaꞌdo! Iꞌdi tahe us ꞌdooꞌdiis a soofure.

Mattaayo 9:8

Urur uus waha arge weyti roorro gesse, Waakkhi enenyet antohaas geeddee siiche koolicheen.

Hilassi Ergaano 25:7

Chirri Baawulo yimiy ka, ꞌdooꞌdi Yaꞌhuude ilkerengeetti weene Yeerusaleem kayimiy usu kakhaarte, wihi ittaawenye huleesenye icho runticho tusin iubaaꞌdan kacheekteen.

Yoohana 13:31

Inkoo Yuuda bahe ka, Yeesso wihi us yidah, “Toolla Ínam Aadam a laweynaache. Ulla saggi Waakh iweenyahe ꞌdooꞌd a tusa.

Hilassi Ergaano 28:22

Iꞌdaasenyi nah ati malaah daagin ꞌdoonna, iꞌdi tahe saggi meel tuumman ka rabitta at kajirto woricho baabul liikaayyeedo a garanna.”

Rooma 14:18

Eti tuummane iꞌdaasu Kiriisto ifalo la, Waakh a kahamaada, weeli enenyet laka a jilhaata.

1 Timooti 5:10

toro la a ti jeenteti iche haag iyeessuu enenyet tuumman inkaanyito. Haaggiche a ꞌdow on. A ti nyaakhuutiche jiti haaggan kasooweynaasse, a ti goobiche ka ꞌdooꞌd martiisatte, a ti ꞌdooꞌdi Waakh iꞌdi ilbooy u luhlo dikhte, a ti ꞌdooꞌdi sina khabe gargaarte. A ti hili haaggan tuumman isisoobihisse.

1 Beetero 2:15

A mehe wihi Waakh ꞌdoono a mehe ya, a atinhi haaggi atin yeessaan ka, ꞌdooꞌdi wihi ꞌdalam atin kacheekti chubbahissaan.