1 Beetero 1:25 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁵ Iꞌdaasenyi Yeedi Kamur jirtuu tuumman a jira.” Yeeda la a Wori Haaggane atin liicheeke.

1 Beetero 1:25 Referans Kwoze

Mattaayo 5:18

Rume atin icheeka, chirri sereyta daayan ichoow harra massataan laka, aytoo rucchul laka amurre Muusa goya ma lakabahcho, ichoowka wihi lachiire tuumman labuuhicha.

1 Yoohana 1:1

Eti nah woriis atin isoochiirro, a ki goorat geeddi wohoo rucchul laka liisoouumin jire. Nah usu a daagne, indoheenyo ka la a agarre, ꞌdeyꞌdoonne, toro la dahanoheenyo ka laka usu a ꞌdaarre. Eta Yeedi jiree iche woriis cheekna.

2 Beetero 1:19

Inno la runti ꞌdooꞌdi goorat Waákh íyeyyeedo cheeke weyti tissibna. Yeeda weyti nabah isuda a mehe yeeda a iꞌdi taahi inti mugꞌdee kabolkho. Nabah isuda ichoowka ibeen a yimaate ki Kiriisto soobaho banayhiis la uurassiin goya kabolkhaan.

Luuka 16:17

Chirri sereyta daayan ichoow harra massataan laka, aytoo kaldaye amurre Muusa goya kajirto labahcho ma jirto.

Efeesso 2:17

Kiriisto a yimiyye yaafohi Yaꞌhuude Waakh idow ichoow atinhi addane Waakh foga ileejirteen wori nebeyeet icheeke.

Yoohana 1:14

Ki magahiis Yeed layadeeh weeli enenyet yitahye, harrata ka goyteen furte. Inno la weynaantiisti weyti haaggan a agarre, weynaanti weeli keleyenye Waakh. Ulla usuhi haaggi Waakhe buure ichoow rume buuhaane Aabbaheen kayimiy.

Yoohana 1:1

Uumaccho ka ki magahiis Yeed layadeeh a jire one, Yeed Waakhe leejire, Yeed la a Waakh ekkatiissa.

1 Yoohana 1:3

Wihi nah agarre toro nah daagne, iche atin isoocheekna, ꞌdee atin ichoow nah ba kulankoo kalday khabna. Toro la Waakkhi Aabbaheene ichoow Yeesso Kiriistohi Weeliise kulankoo kaldaye leekhabna.

1 Beetero 2:2

Iꞌdi nyaakhuti rurrucchule dessuu, taba atin laka Wori Haaggan iꞌdi haanuut u iamuuma, ꞌdee ribnaankiin ka weynaada.

1 Beetero 1:23

A mehe toro a delatteen. Delmaattiin ilinti suujowto ma kiimaataane iꞌdaasenyi ilinti jirtuu tuumman ituumine leetimiy. Waha la a Yeedi Waakhe jiro khabo toro jirtuu tuumman ituumin.

1 Beetero 1:12

Wihi liisoobabbakkaahiche a mehe ya icho ma isihiline, iꞌdaasenyi atine atin ihileen maanti icho wahanyeyyohi geeddi icho noolyahiin iitaahane guꞌhassi ittaawenye yombo sooraaho sooyateeh kaayyeedeen. Toolla la ꞌdooꞌdi Wori Haaggane miigti Rubeyti Munyeenye goobi Waakh lakasooergo cheeko ka, wahanyeyyoha a atin liisoocheeke. Herti Waakh laka ichehi wahanyeyyohaas agarto imoonta.

Tiito 1:3

Ulla ibeenki usu rubeytiis gooche ka woriis inno tuse. Wora Haaggan la a ki Waakkhi ꞌDoorribeheene amuriis ka dahanteey soogesse, cheek iyidah.

Efeesso 3:8

ꞌDooꞌdi Waakh soobahsate ꞌdaꞌddaran tuumman goyaka ani weyti ꞌdaran. Eheetteey laka, Waakh haaggiiski buure ka, ani wori buuh Kiriistoki wohoo liikookkaan yaafohi Yaꞌhuud ieheynan liicheeko a siiche.

1 Koriinto 2:2

Iꞌdi tahe wihi an gooche, geeddi an atin leejiro, wor Yeesso Kiriisto ichoow saggi massalaaba liikakaahe on menye, wohoo addan garan ma ꞌdoonin.

Ibiraaniya 6:5

Icho rubeyohicho ka chinniti Yeedi Waakh ichoow miigti maanti Waakh enenyet soodakhti a chanchameen.

Bakkaahit 14:6

ꞌDeerka hertoo Waakhe addane serey katariꞌd arge. Iche la Wori Haaggane jirtuu imassanne khabte, ꞌdee weeli enenyete harra kijiro, ilal tuumman ichoow yaafo tuumman ichoow afaf tuumman ichoow fil tuummane icheekta.