1 Beetero 1:22 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²² Toolla runti atin raahtaan ka a isdikhteene ꞌdee ꞌdooꞌdi Kiriisto rummeeste ꞌdooninti rummaat ikhabtaan gone, taba giꞌde uurassiin ka weyti isꞌdoona.

1 Beetero 1:22 Referans Kwoze

1 Timooti 1:5

Jeenteti an waha yeel ikaadeeh la, a iꞌdoo ꞌdee ꞌdooꞌd Kiriisto ꞌdoonin isikhabo. ꞌDooninta la inti iche katamiit a uuri eloo rucchul laka ikhabin ichoow rubeyti suujoon inno ikacheekan ichoow kakhuufnaanki rummaate Kiriisto lakakhuufo.

Ibiraaniya 13:1

ꞌDooꞌdi Kiriisto rummeeste tuumman la orey a isohti, a isꞌdoono giꞌde.

1 Yoohana 4:12

Et injire Waákh arge mele. Iꞌdaasenyi chirri inno isꞌdoonno, Waakh goyteen a fiddiya, ꞌdoonintiis la goyteen ka tuume tateeh.

1 Yoohana 4:7

Aalasseeyki an weyti ꞌdoono, ꞌdoonine Waakhe katamiit gone, taba giꞌde a isꞌdoonno. ꞌDooꞌdi tuummane ꞌdooꞌdi addan ꞌdoono la a nyaakhuti Waakhe toro la Waakh a gartaan.

1 Beetero 3:8

Ayti ꞌdaꞌddaboot, taba atin tuumman maloo kalday khaba, uur isinugleesda, iꞌdi ꞌdooꞌdi uuroo kaldaye u isꞌdoona, isnuglaacha.

Yaakoobo 4:8

Waakh isoodowwaada giꞌde ulla a atin isoodowwaataa. Atinha uskeel leh, dahanohiin uskeeli atin yeesseen ka dikha. Atinha uurlammaal khabattaan, uurassiin dikha.

1 Yoohana 3:23

Amuri Waakh inno siiche kalla, Yeesso Kiriistohi Weeliise rummeesda, toro la saggi us amur inno isiichuu, isꞌdoona.

2 'Dessaloonika 1:3

ꞌDooꞌd Kiriistokaaw, nah kol dakkhan jeentetiin u Waakh kalaꞌde ilaabna. Waha la a wihi mujjumenye kootte nah imale, jeenteti atin weyti ikakhayantaane, Waakh ikakhuuftaane, ꞌdooninti atin isikhabtaan la ikakhayantuu.

1 'Dessaloonika 3:12

Kamur ba ꞌdooninti atin isꞌdoontaan ichoow ti atin ꞌdooꞌdi addan tuumman ꞌdoontaan atin ikakhakkhaya, weyti buuraacha saggi nah atin iꞌdoonnuu.

1 Yoohana 4:20

Chiꞌ etoo, “An Waakh a ꞌdoona,” essi, iꞌdaasenyi etoo addane koo Kiriistee nihib, etaas beene leeyahe. Iꞌdi tahe eti tuummane etoo koo Kiriisteenye us arge iꞌdoonin, Waakkhi us iargin ꞌdoonin ma yabuuꞌd.

1 Beetero 2:17

Taba enenyet tuumman inkaanyita, ꞌdooꞌdi addane Kiriisto rummeeste ꞌdoona, Waakh karoora, karnat la inkaanyita.

Hilassi Ergaano 15:9

Inno ichoow icho la walah inno yeerarroocho mele, wihi tahe kakhuufnaanki icho Waakh kakhuufeen ka, Waakh uurassicho a dikhe.

1 Yoohana 3:11

Waha a farniinki atin uus uumaccho ka atin daagteene, taba a isꞌdoonno.

2 Beetero 1:7

Jiroti Waakh kahamaado la uuri ꞌdabakhe kakhaya, uuri ꞌdabakhe la ꞌdoonin kakhaya.

Fiiliffi 1:9

An Waakhe atin isoowaha, ꞌdee ꞌdooninti atin isꞌdoontaan ichoow ꞌdooninti atin Waakh ꞌdoontaan buuraatta. Geedda iche buuraatti, mujjume Waakh abattaane, toro la haag ichoow suujoon seley bihin tabuuꞌdiin.

Efeesso 4:3

ꞌDeerka hol dowa, nebeyti atin iskaleefiddiitaan ka wohoo kaldaye Rubeyti Waakh atin kayeesse khuccha.

Galaatiya 5:5

Iꞌdaasenyi kakhuufnaanki inno Kiriisto kakhuufno ichoow Rubeyti Munyee ka, wihi inno khajjeello a Waakkhi ꞌdooꞌdi fiffissan inno iekkaacho.

Bakkaahit 2:4

Iꞌdaasenyi waha a atin kakhaba, saggi atin uumaccho ka ani iꞌdoontaan kola ma iꞌdoontaan.

1 Beetero 4:17

Iꞌdi tahe ibeen a yitah ki Waakh enenyet hukkumo. Chiꞌ innohi nyaakhuti Waakhe inno lakasookhabti la, ꞌdooꞌdi Wori Haaggane Waakh rummeysawwaaye sinati isoobahto a too geeddohe?

1 Beetero 4:8

Walah tuumman ꞌdirihicho la, weyti isꞌdoona. Iꞌdi tahe ꞌdoonine uskeeli buurenye kakutta.

Ibiraaniya 11:8

Aburaaham la kakhuufnaanki us Waakh kakhuufe on ka, iche maanti Waakh iloo berri alaal ka siicho irte. Ulla chirri us ili us isohti igaran laka, ayti Waakh a raahe iliis kaguure.

Ibiraaniya 9:14

Iꞌdaasenyi Kiriisto miigti Rubeyti Waakhe jirtuu tuumman jirto ka soorriyoti miꞌdabenye Waakh isibahcho yitah. Geeddoo meheenye ꞌdeerka diig Kiriisto rubeyoheenki haag ichoow suujoon seley saaho uskeeli inno yeello omoot inno iwoyo kadikha, ꞌdee Waakkhi jiro ihilla.

Ibiraaniya 6:10

Waakh wihi imale on yeela. Usu wihi atin yeessaan ma kadabo, ommos ꞌdooninti atin usu tusatteen ma kadabo. ꞌDooninta la mehe lakaarga ya, gargaari atin ꞌdooꞌdi Waakh gargaarteene, uliba laka atin gargaartaan.

2 Koriinto 6:6

Jiroti eloo rucchul laka ikhabine nah jirre ka, runti Waakhe nah abanne ka, samacchaari nah eheet ka, uuri ꞌdabakhenye nah khabne ka, Rubeyti Munyeenye goyteenyo kajirto ka, ꞌdooninti rummaate nah khabne ka, saggi nah ilbooyyeti Waakh inahe a laarge.

Yoohana 15:17

Amurreteey taacheyye, taba giꞌde isꞌdoona.

1 Beetero 3:1

Saggaas on u, deyyeho taba makhaaballetiin aficho akutina. Iꞌda yeela ꞌdee chiꞌ gaasichokoo Yeedi Waakh iraahin laka, yeedi aficho ka menye, jeenteti jiroti oboorrihicho jiro,

Ibiraaniya 5:9

Inkoo tuum lakayeele ka, eti jirtuu tuumman ꞌdooꞌdi usú raaho ribo yitah.

2 Timooti 1:14

Miigti Rubeyti Munyeenye goyteen fiddiito kisiisso ka, wihi haaggane dahantaah lasoogesse mujjum yaakhi.

1 Timooti 5:2

Deyyehoti kaawewween iꞌdi abartaah iwoywoye, deyyehoti nunnugul la iꞌdi albehi kileeddesse iwoywoy. Waha la mali haaggane eloo rucchul laka ikhabin kayeel.

1 Timooti 4:12

Uus etoo kalday laka jeenteti at inugussahuu kiꞌdarraawin. Iꞌdaasenyi yeedi afaah kasoobaho ka ichoow jiroti at jirto ka ichoow ꞌdooninti at enenyet ꞌdoonto ka ichoow kakhuufnaanki at Kiriisto kakhuufto ka ichoow jiroti el ikhabine at jirto ka, ꞌdooꞌdi Kiriisto rummeeste iyookko iateeh.

1 Timooti 1:3

Maanti an boroofenhi Makedooniya isohdi a kihawwaasde, ilkerengeetti Efeesso fiddiye kiidah. Efeesso fiddiita ꞌdee ꞌdooꞌdi worassi beenaate Waakh miinsan ꞌdooꞌd abcho amur ibihissa wahaas a toollicheen.

2 'Dessaloonika 2:13

ꞌDooꞌd Kiriistokaaw, Kamur weyti atin ꞌdoona. Nah jeenteti Waakh orey on atin isoobahsate toro la atin iribuu, Waakkhi nah kalaꞌd ilaabno a imasse. A mehe Waakh hili Rubeyti Munyee munya inno kayeesso ichoow runti Waakhe inno rummeysanni ka a atin riba.

Galaatiya 3:1

ꞌDalammeti Galaatiya, ayyo atin katibte? Rumanka Yeesso Kiriistohi massalaaba lakakaahe a atin liisoonyiikhe!

Galaatiya 5:7

Atin orey saggi mujjumenye Kiriisto iraahteen. Ayyo runti Waakhe atin raahtaan atin kajeyche?

Rooma 8:13

A mehe chaꞌat wihi uuraah goya kijiro uskeel imoono on raahto, rumanka a tamuut. Iꞌdaasenyi chaꞌat Rubeyti Munyee ka uskeeli uuraah imoono tagiis a jirta.

Rooma 2:8

Iꞌdaasenyi eti tuummane wihi awtiis kalday on yowti, toro la wihi rummaat ꞌdiiꞌdo, khollookh on raaho, Waakh a kabolkha, hol tusta.

Rooma 1:5

Kiriisto ka ichoow iroonoti magahiis u, haaggi Waakhe buure ichoow hila khummane ergaano layahe a ꞌhelle. ꞌDee ꞌdooꞌdoo yaafohi Yaꞌhuud ieheynan tuumman kakhuufnaanki icho Waakh kakhuufaane yeediis raahaan iwahna.

Yoohana 17:17

“Runtaah ka icho munya kayeel. Yeedaah a ki rummaat.

Yoohana 15:3

Atin la ꞌhor on wihi an atin abche ka, atin mujjummooche.

Hilassi Ergaano 6:7

Yeedi Waakh ꞌdeerka taaꞌhe orey isohte. Tiri abatti Kiriisto ilkerengeetti weene Yeerusaleem ka weyti kakhayme, kuhaaniyyohi ittaawe laka Wori Haaggan kakhuufeen.

Yoohana 17:19

Jeentetichuu la, an a ismunyaacha, ꞌdee icho laka, rumanka lamunyaacha.

Yaakoobo 1:21

Maantaka, wihi uurassiin biꞌdirroocho tuumman ichoow suujoonki noole atin yeessaan kasootaba. Wori Waakh uurassiin goya gesse ribin atin yabuuꞌd samacchaar on khaadda.

1 Beetero 1:2

Soobahsanaanki Waakkhi Aabbaheene atin soobahsate ichoow wihi ꞌhor us garte a israahaan. Toro us a atin soobahsate hili Rubeyti Munyee ka atin munyaache, ꞌdee Yeesso Kiriisto aytiis raahtaane diiggiis ka atin lakadikha. Waakh ba tuum atin imaala nebey tuum atin kakaala.

1 Beetero 3:20

Waha a rubeyohi ꞌdooꞌdi goorat ayti Waakh raahiwwaaye maanti goorat Noowa koobanhi buure dise. Waakh la ꞌdooꞌdaas a isamacchaare. Iꞌdaasenyi et siyyeet kooban goya kijirte kaldaye bicche ikhaatin.