1 Beetero 1:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ Iꞌdi tahe a garattaane, jiroti ilmarhaatteete atin aacchinyetiin kaꞌhesseen, wahanyeyyohi suujowo iꞌdi maanta lahaag ommos ꞌdahab mee lagute atin lafure.

1 Beetero 1:18 Referans Kwoze

1 Koriinto 6:20

A mehe Waakh wihi buurenye gute atin gatte. Maantaka ebba sartiis ka Waakh a inkaanyito.

1 Koriinto 7:23

Waakh wihi buurenye gute atin gatte. Maantaka bowꞌdati wahanyeyyohi enenyet ꞌdoono iitaahana giꞌde.

Tiito 2:14

Yeesso la jeentetane jirotiis inno isoobahche, ꞌdee hugunꞌdarri tuumman inno kasoofura, toro la inno dikha ꞌdee ꞌdooꞌdi kiisenye haag kalday imoono nateeh.

Galaatiya 1:4

Yeesso Kiriisto ichoow wihi Waakkheenki Aabbaheene ꞌdoono a israahaan. Iꞌda ka jeenteti uskeeleen u a issoobahche yumuyye ꞌdee ꞌdarriti uskeele weyꞌda inno kariba.

Efeesso 4:17

Maantaka, antohi Kamur isiiche ka an weyti waha katirriinsada, taba uus jiroti atin jirtaan iꞌdi ti ꞌdooꞌdi Waakh igaranne mali ilmarhaatteet kamassi eheynan.

Rooma 1:21

Icho eti Waakh yahe a abteene, eheetteey laka inkaanyiti kootte Waakh imale ma siinne, toro la kalaꞌd laka ma ilaabin. Wihi ꞌdalam on kamasseene, toro la uurassicho mugꞌdi weele.

1 Beetero 4:3

Goorat ꞌhor jiroti atin jirteen ka wihi ꞌdooꞌdi Waakh igaran yeelo goosseene geeddi deer yeesseen. Wihi atin yeesseen a iꞌdi maanta sohoꞌddarri ichoow suujoonki liimoono ichoow meleefu. Wihi addan a daawohi biꞌdirenye enenyet sohoꞌddarri kalugꞌdo ichoow wahnaanki suujenye iyookkoyyohi waakkhakh lakayeessi lawahti.

1 Beetero 1:7

Sinayyoha a atin isoobaheene kakhuufnaanki atin Waakh kakhuuftaan kajaane, ꞌdee saggi us ki rummaat iyahe toro eloo rucchul laka ikhabin tusaan. Kakhuufnaanka Waakh lakakhuufo gatoti ꞌdahab laka a kussanyahe. A mehe ꞌdahabi kheerowo laka ꞌdabe lakakaja toro la ꞌdabe dikha. Maanti Yeesso Kiriisto harra tuumman liisoobabbakkaahicho ka kakhuufnaankiin koolo ichoow weynaan ichoow inkaanyiti buure ꞌhela.

1 Koriinto 3:20

Toro la wihi addane chiiran, “Kamur mali ꞌdooꞌdi kharayyee a garta toro la saggi us ki ilmarhaatteet iyahe a garta.”

Ibiraaniya 9:12

Yeesso Kiriisto la koloo kalday on Meessi Weyti Lagan ikute. Ulla maanti us meessaas gele, diiggi waharoot ommos diiggi maaroot ma khaatine, Waakh ma ibihin. Iꞌdaasenyi us diiggiissa bahche, jirtuu tuumman inno ribe.

1 Yoohana 3:5

Iꞌdaasenyi saggi Yeesso iyimiyye ꞌdee uskeeleen inno ikabahcho a garattaan. Ulla uskeeloo rucchul laka ma yeelin.

Marko 8:37

Ommos weeli enenyet maanta mehe diibin yabuuꞌde jirotiis kadooricha?