1 Beetero 1:17 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁷ Atin Waakkhi Aabbaheenenye enenyet seley isassaahine ebba wihi us yeelo on ka hukkumo wahattaan gone, taba geeddi atin harrata ka jirtaan tuumman usu inkaanyita.

1 Beetero 1:17 Referans Kwoze

Mattaayo 6:9

“Chaꞌatin weysattaan, sagga iweesda, “‘Aabbaheenyoki serey jiro, magahaahki munyee a liinkaanyito.

Fiiliffi 2:12

Aalasseeyki an weyti ꞌdoono, atin waansiheey kol tuumman a raahteen. Geeddi an atin leejire kalday on menye, toolla an atin ileejirin weyti raahtaan. Maantaka, hamar ichoow roorroti atin Waakh karoortaan ka, orey isohda ribnaanki Waakh atin ribo jirotiin goyaka hol kadowa.

2 Koriinto 7:1

Maantaka aalasseeyki an weyti ꞌdoono, Waakh wahaas tuumman a inno iayyiche gone, wihi tuummane sarteen ichoow rubeyteen biꞌdirroocho iskadikhno. Jeenteti inno Waakh ikaroorruu la, orey isohda ꞌdooꞌdi tuum munyee ateeha.

Ibiraaniya 12:28

Maantaka Waakh dakhi liikorkokinne inno siicha gone, Waakh jiti us kahamaado, roorro ichoow inkaanyit ka kalaꞌd ilaabno toro wahanni giꞌde.

Efeesso 1:17

An a inonnokhda Aabbaheenki weynaan tuumman tiis tahe, Yeesso Kiriistohi Kamureene Waakkhiise daaha, ꞌdee Rubeyti Munyeenye atin kharaasso, eti Waakh yahe atin isoobabbakkaahisso a atin siicho, ꞌdee Waakh mujjum abattaan.

Galaatiya 2:6

ꞌDooꞌda urur ꞌdooꞌdi wewween ikhaato laka Wori Haaggane an enenyet abche walah icho kakhayeen mele. Wihi ꞌdooꞌda eheet, ani ka a walahba. A mehe Waakh enenyet fool mee yeyo.

Rooma 11:20

A eysiisseen! Iꞌdaasenyi icho jeenteti liijebche, a jeenteti icho Waakh ikakhuufin. Atin la jeenteti atin geey ikakabantahiin, a jeenteti atin Waakh ikakhuufteen. Maantaka, taba giꞌde rannyaat akhabina, Waakh karoora.

Mattaayo 22:16

Abattitiche ichoow ꞌdooꞌd ꞌHerood koo Yeesso iergateen. Iche la wihi iche tidah, “Eti ween, nah saggi at rum ikanokhan a garanna. Jiti Waakhe at enenyet abisso ichoow runti Waakh a israahaan. At et at ibaasso mele, weyneetteey ichoow kuus ka ba.

1 Beetero 2:11

Aalasseeyki an weyti ꞌdoono, iꞌdi ꞌdooꞌdi harrata ka yeelan ichoow ki meel ikhabin u, a atin hawwaasda, taba wihi uurassiin goya kijiro uskeel imoono kol dakkhan atin isdihtaan uus atin kahataatin.

Ibiraaniya 4:1

Waakh uliba laka a inno iayyicha nasmetiis a inno siicha. Maantaka taba a isyaakhinno, uus ꞌdee eteenkoo kalday laka meessa nasme eleelin waayin giꞌde.

Kolossaay 3:25

Eti khuf yeelo kalaꞌddi khufaas a igunnanta. Waakh la enenyet tuumman ekka yeya.

Efeesso 6:9

Toro la Kamurre taba atin laka saggaas on u bowꞌdayyohiin haag on iyeela. Iitiftoonna, a mehe saggi atin igarattaan u atin tuumman Kamuroo kaldaye goobi Waakh ka khabtaane, ulla gar badah ma gatti.

Efeesso 3:14

Ani la jeenteti waha tuumman u, Waakkhi Aabbaheene ortiis ka jilbo il kaguꞌdda, Waakkhi Aabbaheene atin iwaha.

1 Beetero 3:15

Iꞌdaasenyi uurassiin ka, Kiriisto tuum isisoobahcha iꞌdi Kamur u. Chirri khajjeeli atin Kiriisto kakhabtaan atin laworsate la, tannabda kol dakkhan ayti atin laabtaan khaba. Iꞌdaasenyi waha samacchaar ka ichoow inkaanyit ka yeela.

2 Koriinto 5:6

Maantaka nah kol tuumman roorro ma khabno. Wihi inno garanni a mehe ya, geeddi inno sarta harrata on khabno Kamur foga ileejirra.

2 Koriinto 1:2

Waakkhi Aabbaheene ichoow Yeesso Kiriistohi Kamure ba atin imaalaane nebey atin kakaalaan.

2 Koriinto 7:11

Bal wihi oytintaas saggi Waakh iꞌdoono liiooyo atin ikeento yeya. Saggi atin uskeel iyeeline tusseene, wihi yitah ka hollowteene, wihi soosohti ka la roorro atin gesse. Atinhi iagartaane ꞌdoonteen, atinhi ani igessaane etaas uskeel yeele hukkuntaan iche ꞌdoonteen. Wahaas tuumman ka saggi atin wihi yitah ka eloo rucchul laka ikhabine tusseen.

Mattaayo 16:27

Iꞌdi tahe Ínam Aadam dowwanoha ka herti Waakh khabaayi anto Aabbahiissa leeyamiite, ꞌdee ebba wihi us yeele ka sina ommos kalaꞌd laguta.