1 Beetero 1:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ Iꞌdi nyaakhuti yeed daaguu, suujoonki liimoono maanti atin wohoo igaran atin khabteen iinokhanna.

1 Beetero 1:14 Referans Kwoze

Rooma 12:2

Taba giꞌde, jiroti ꞌdooꞌdi wahanyeyyohi harratane sussuuje raaho ajirina. Rubeyti Waakh mali atin malattaan tuum a husubnaasso. Iꞌdaas ka wihi Waakh atin igooche a fiirissaane toro khaatattaan. Waha la a wihi haaggan ichoow wihi Waakh kahamaado toro la a tuum.

Efeesso 2:2

Maantaas la wahanyeyyohi harratane sussuuje ichoow karnati ginnayyohi saraat anti iche raahteen. Ulla a ki ꞌdooꞌdi Waakh daagiwwaayo woyo.

1 'Dessaloonika 4:5

Iꞌdi ꞌdooꞌdi Waakh igaranne eti tuummane icho argaan ichohi leeurꞌdo imoono iitaahana.

Rooma 6:4

Maantaka baattissiyoti inno labaattissiye ka, a iꞌdoo inno Kiriisto leenumuyye toro la inno laleehawwaale. Saggaas goorat Kiriisto Aabbahiis weynaantiis ka omoot ikasookahche, saggaase inno laka toolla jirotoo husub ijirra.

Hilassi Ergaano 17:30

Goorat ꞌhor Waakh enenyeti aytiis igaran walah us iekkaache mele, iꞌdaasenyi toolla amuri us enenyet tuumman meelbaaw us kijiro ka ibahcho, a ki icho uskeelicho kasoonokhtaan.

Efeesso 5:6

Uus etoo kalday laka yeedi ilmarhaatteet ka atin ekkeysan. Iꞌdi tahe jeenteti wahanyeyyohi iꞌdee u, holi Waakh ꞌdooꞌdi usú iraahin a isoobaha.

1 Beetero 1:2

Soobahsanaanki Waakkhi Aabbaheene atin soobahsate ichoow wihi ꞌhor us garte a israahaan. Toro us a atin soobahsate hili Rubeyti Munyee ka atin munyaache, ꞌdee Yeesso Kiriisto aytiis raahtaane diiggiis ka atin lakadikha. Waakh ba tuum atin imaala nebey tuum atin kakaala.