Mataio 7:2 - Buk Taabu Matakin

² Maa a naagagon baa muaat naagagon te mai, ia ut maa din naagagon muaat balet mai, ma ra walawalar baa muaat walawalar mai, ia ut maa din walaar muaat balet mai.

A Buk 1896 (Bible Portions)

² Kuma a nakokon muatna kokon uni, ia balet kuma din nakokon muat uni: ma ra pupua kuma muat puai mai, ia balet kuma din puai korom muat mai.

Mataio 7:2 Referans Kwoze

Iaakobo 2:13

Maa ia baa pa i laa u ra maarmaari, u ra bung na naagagon God kaai pa in maari. Iaku ia baa i laa u ra maarmaari, God in walaangalaangai ko ra naagagon.

Maarko 4:24

Ma Iesu i piri taan diat, “Muaat a nuknuk wakaak u ra utnaa baa muaat a walangoroi. Woi na mangaana wetabaar baa muaat taari, a ngaala baa a kinalik, ia ut maa a mangaana wetabaar baa God in taari taa muaat. Ma in taar a ngaala aakit taam, taa ra utnaa baa u taar taai.

Lukaa 6:38

Muaat a wetabaar, ma God in tabaara muaat. Iaku maa a wetabaar anun God karom muaat in teng, ma din tataanga pari, ma in teng balet, ma in taltalanger. Maa woi na mangaana wetabaar baa muaat taari, a ngaala baa a kinalik, ia ut maa din welaara a utnaa mai, baa din taari taa muaat.”

Binabo 18:6

A mangamangaan i paami karom muaat, din paami balet karomi, a utnaa i paam taai un muaat, din baalui welaar ma ru pakaan karomi. A kaap baa i wainim muaat mai ma muaat aaka uni, din watengi ta ru pakaan kupi din wainimi mai.

2 Korinto 9:6

Muaat a nuk paai, ia baa i maarut a kinalik, in tangaa paa utkaai a kinalik. Ma te baa i maarut a mongoro, in tangaa paa utkaai ta mongoro.

Mataio 6:14

“Baa muaat dumaana wa a kum aakaina mangamangaan baa a taara diat paami karom muaat, Tamaamuaat baa i ki inaanga u ra maawa in dumaana wa anumuaat kum aakaina mangamangaan kaai.