Mataio 3:3 - Buk Taabu Matakin

³ Ioaanes ut maa a propet Aaisaia ia wewapua muga taau uni naa, “In ingaan raa i wewataai u ra bil na wanua lenbi, ‘Muaat a paam aara aakapi anu ra Tadaaru, muaat a paam kado anuna kum aakapi.’” Aais 40:3

A Buk 1896 (Bible Portions)

³ Isaia a parofita i wapua mukatau un ia kumi, ma i piri lenkumi, A win igan te i wewatai u ra bil lena, Muat a pam‐are akapi a nun Ieova, muat a pam kado a nuna kum akapi.

Mataio 3:3 Referans Kwoze

Ioaanes 1:23

Ioaanes i baalu diat, “Iaau a muaana baa a propet Aaisaia i pirpir muga uni naa, ‘In ingaan raa i wewataai u ra bil na wanua lenbi: Muaat a paam kado a aakapi anu ra Tadaaru.’” Aais 40:3

Lukaa 1:76

Ma ui natunglik, din waatung ui, a propet anun God a Ngaala Aakit, maa un waanwaan muga taa ra Tadaaru, ma un paam aara muga anuna aakapi,

Lukaa 1:17

In dekdek aakit welaar ma ra propet Eliaas, in muga taa ra Tadaaru, kupi in ben ungaai balet a kum tamtamaa ra kum naat karom a kum natnatundiat kupi diat a wemaraam balet, ma in ben paa a taara na wabulbul balet kup a koina ninunuk anu ra kum takado na taara, kupi in waninaar a taara anu ra Tadaaru kup anuna winawaan paat.”

Maarko 1:3

In ingaan raa i wewataai u ra bil na wanua lenbi, ‘Muaat a paam aara aakapi anu ra Tadaaru, muaat a paam kado anuna kum aakapi.’” Aais 40:3