Lukaa 2:14 - Buk Taabu Matakin

¹⁴ “A pir walaawa karom God inaanga nate aakit, ma a maalmaal u ra rakrakaan buaal raap karom diat baa i gaaia un diat.”

Lukaa 2:14 Referans Kwoze

A Buk anun Paaulo karom a taara Rom 5:1

Io, u ra nundaat nurnur ut God ia waatung daat naa daat takado namataana. Io mi, kabina u ra nundaat Tadaaru Iesu Kaarisito, daat ki na maalmaal ma God.

Lukaa 19:38

“Daat a pir walaawa paa a King baa i waan paat u ra iaa ra Tadaaru! Kele 118:26 A maalmaal inaanga u ra maawa, ma a pir walaawa unaanga karom God!”

Kolose 1:20

Ma i nemi naa a kum utnaa raap diat a waan talili balet karomi ma diat a ki na wemaraam, a kum utnaa min napia ma ra kum utnaa inaanga u ra maawa. I paam ot paa anuna nemnem maa un Natuna, baa i maat u ra bolo ma a gaapina i paam a maalmaal.

Lukaa 1:79

In puaa un diat baa diat ki u ra baboto, ma u ra baboto na minaat, kupi in muga daat u ra aakapi na maalmaal.”

Binabo 5:13

Ma iaau walangoro a kum ingaa ra kum wawaki raap inaanga u ra maawa ma u ra rakrakaan buaal ma nabalaa ra rakrakaan buaal ma nabalaa ra pakaana taai, a kum utnaa raap baa di waki diat, diat kelekele lenbi, “Karom ia baa i ki u ra kiki na king, ma karom a Naat na Sip, din pir walaawa pa diaar, din ru diaar ma din wangaala pa diaar. Ma diaar a paam akoto a dekdek, pa in raap ma pa in raap.”

Aapostolo 10:36

Muaat nunurai naa God ia taar wa anuna pirpir karom a taara Israael. A pirpir mi, ia a Koina Wewapua u ra maalmaal kabina un Iesu Kaarisito, ia baa a Tadaaru anu ra taara raap.

Ioaanes 17:4

Iaau aa waiaa taa a minamaarim min u ra rakrakaan buaal, baa iaau paam ot paa a kum pinapaam baa u tula wa iaau mai kupi ang paami.

2 Tesalonika 2:16

Anundaat Tadaaru Iesu Kaarisito ut ma God Tamaandaat, i maari daat, ma u ra nuna maarmaari i tabaara daat ma ra pirpir na wemaraam baa pa in raap, ma i waraaut daat kupi daat a ki walaang ma ra nurnur kup a koina baa in paami.

Pilipoi 2:11

ma diat raap diat a pir apuaanai naa Iesu Kaarisito ia a Tadaaru, kupi diat a wangaala paa God a Tamaandaat.

Lukaa 3:22

ma a Takado na Nion i waan pari, i ung a panina welaar ma ra ina buna, ma i ki taau nate un Iesu. Ma in ingaan raa taanginaanga u ra maawa i piri lenbi, “Ui Natunglik, a naat na wakwakaak, iaau gaaia aakit un ui.”

Mataio 21:9

Ma ra kor na taara baa diat muga taana, ma diat kaai baa diat murmur, diat kulkulaai lenbi, “Osaana karom Natun Dewid! Daat a pir walaawa paa ia baa i waan paat u ra iaa ra Tadaaru!” Kele 118:25-26 “Osaana unaanga nate aakit!”

Epeso 1:9

Io, u ra nuna nemnem ut i waiaa daat u ra kum utnaa baa namuga i wawalipa. I lenbi: In aal ungaai a kum utnaa raap u ra maawa ma u ra rakrakaan buaal, kupi diat raap diat a ki natudaangi ra naagagon anun Kaarisito, maa ia maa in lorindiat raap. Taanga namuga utbaai God ia nunura a utnaa mi in paami un Kaarisito, ma baa a bung in ot in paam ot paai ut.

Epeso 1:6

Io, daat a pir walaawa paa God u ra nuna koina maarmaari baa i tabaara daat mai un Natuna baa i maari aakiti.

Pilipoi 2:13

Maa God ut i papaam un muaat kupi muaat a nem a utnaa baa in gaaia uni, ma muaat a paami kaai.

Epeso 2:7

God i waiaa anuna maarmaari karom daat un Kaarisito Iesu, kupi anuna ngaala na maarmaari in waan paat kaapakaapa karom a kum taaun taara namur.

Epeso 2:4

Iaku, God a tena maarmaari! Kabina maa i maari aakit daat,

Ioaanes 14:27

Iaau taar taa a maalmaal karom muaat, anung maalmaal maa iaau tabaara muaat mai. Pa iaau tabaara muaat welaar ma ra rakrakaan buaal i wetabaar. Koku i laklagon a nuknukimuaat, ma koku muaat burut.

Ioaanes 3:16

“God i maari a rakrakaan buaal, ma i taar wa Natuna raa ot ku, kupi diat raap baa diat nurnur uni, diat a lalaaun takum, ma pain diat a wirua.

Lukaa 2:13

Pa i iwan ku ma a ngaala na kor na aangelo taanginaanga u ra maawa diat waan paat karom a aangelo maa, ma diat pir walaawa paa God lenbi,

Lukaa 2:15

Baa a kum aangelo diat aa waan kon diat unaanga nate u ra maawa, a kum tena baboura sip diat piri naa, “Mi ut daat a waan urong Betilem, daat a babo a utnaa mi ia waan paat, baa a Tadaaru ia wapua ta daat uni.”