Ioaanes 1:12 - Buk Taabu Matakin

¹² Iaku, karom diat baa diat nemi, ma diat nurnur u ra iaana, i mulaaot pa diat kupi diat a kum natnatun God.

A Buk 1896 (Bible Portions)

¹² Ma diat rap ba diat nurutau un i, i tara ta diat lena a kum na tun Nara diat, korom diat ku kuma diat nurutau u ra iana:

Ioaanes 1:12 Referans Kwoze

Galaatia 3:26

Mi muaat raap a kum natnatun God, i kabina baa muaat nurnur un Kaarisito Iesu.

A Buk anun Paaulo karom a taara Rom 8:14

Maa diat baa a Nion God i mukmuga diat, diat maa a kum natnatun God.

1 Ioaanes 3:1

Baboi! A Tamaandaat i waiaa anuna ngaala na maarmaari karom daat, baa i waatung daat naa daat a kum natnatuna. I lingtatuna ut, daat a kum natnatun God. A taara ko ra rakrakaan buaal pa diat nunura God, lenkaai maa pa diat nunura daat.

Galaatia 4:6

Muaat a kum natnatun God ut. Ma raa ia a kabina baa i taar wa a Takado na Nion, a Nion Natunalik, kupi in ki u ra balaamuaat, ma i wewataai karom God lenbi, “Tataa! Tataa!”

Ioaanes 3:18

Pa din taar a naagagon na binabaalu karom ia baa i nurnur uni. Iaku, ia baa pa i nurnur, ia tur u ra dekdek na naagagon na binabaalu kabina pa i nurnur un Natun God raa ku.

Kolose 2:6

Muaat aa lo paa Kaarisito Iesu kupi in Tadaaru u ra numuaat lalaaun, io, i koina baa muaat a lalaaun ungaai mai.

Mataio 10:40

“Baa te i gaaia pa muaat, i gaaia pa iaau ut, ma te baa i gaaia pa iaau, i gaaia paa ia utkaai baa i tula wa iaau urin.

Ioaanes 20:31

Iaku di timu paa ku raa kum utnaa mi, kupi muaat a nurnur baa Iesu ia a Kaarisito, a Natun God. Ma baa muaat nurnur uni, muaat a lalaaun u ra iaana.

2 Petero 1:4

Kabina u ra dekdekina i tabaara daat ma ra kum weweliman baa i ngaatngaat ma i ngaala aakit. Ia weweliman taau naa muaat a pet laar paai kupi muaat a aalaap ko ra kum aakaina nemnem ko ra rakrakaan buaal baa in baanaakaka muaat, ma kupi muaat a kale a mangamangaan anun God ma ra nuna lalaaun kaai.

Mataio 12:21

A taara baa wakir a taara Iudaia diat a nurnur u ra iaana ma diat a ki walaang kup a warwalaaun.” Aais 42:1-4

1 Ioaanes 3:23

A naagagon anun God i lenbi: Daat a nurnur u ra iaan Natuna, Iesu Kaarisito, ma daat a maari wetwetalaai daat, welaar ma ra nuna naagagon karom daat.

Aapostolo 3:16

U ra nurnur u ra iaan Iesu, di wadekdek paa a muaana mi baa muaat baboi, ma muaat nunurai. U ra nurnur u ra iaan Iesu di walaangalaanga paa a muaana mi namataamuaat raap.

Ioaanes 11:52

Ma wakir un diat ku, u ra taara raap utkaai anun God baa diat ki un raa kum taamaan ingen, kupi in ben ungaai pa diat ma diat a raa ku.

Ioaanes 1:7

I waan paat kupi in wewapua u ra kaapa, kupi a taara raap diat a nurnur uni.

Mataio 18:5

“Baa te i gaaia paa ta naatlik lenbi u ra iaang, i gaaia pa iaau utkaai.

Ioaanes 2:23

Baa Iesu i ki inaanga Ierusalem u ra lukaara na waan likaai, mongoro na taara diat babo a kum wakilang i paami, ma diat nurnur u ra iaana.

Ioaanes 1:11

I waan paat kup anuna taara, iaku maa anuna taara ut pa diat nemi.

A Buk anun Paaulo karom a taara Rom 8:16

Ma a Takado na Nion i mulaaot ungaai ma a niondaat naa daat a kum natnatun God.

A Buk anun Paaulo karom a taara Rom 8:19

A kudulaana wawaki raap i kiki walaang ma ra ngaala na nemnem kup a bung maa, baa God in wapuaana wa a kum natnatuna.

1 Ioaanes 3:2

A kum teptepaang, mari daat a kum natnatun God, ma pa di wapuaanai utbaai baa namur in tabaara daat balet ma ra aawa. Iaku daat nunurai naa namur baa Iesu in waan paat, daat a welaar ut mai, maa daat a babo mului maraagaam.

1 Ioaanes 3:10

Bari ia mangamangaan baa daat a babo lele a kum natnatun God uni, ma daat a babo lele kaai a kum natnatun Saataan uni: Diat raap baa pa diat paam a takado na mangamangaan, wakir diat a kum natnatun God, lenkaai maa karom diat baa pa diat maari a kum tateindiat.