Ebraaio 7:8 - Buk Taabu Matakin

⁸ A kum tena wetabaar karom God, diat baa diat lolo raaraain ko ra noina ko ra kum utnaa raap anu ra taara Israael, diat a maat ku. Iaku a Buk Taabu i piri naa Melkisedek i lalaaun.

Ebraaio 7:8 Referans Kwoze

Ebraaio 6:20

Iesu ia ruk muga unaanga kupi in waraaut daat. Ia anundaat mukmuga na tena wetabaar karom God, welaar ma Melkisedek, ma nuna pinapaam maa in tur takum.

Ebraaio 5:6

Ma un raa pakaan kuri u ra Buk Taabu, God i piri kaai lenbi, “Ui a tena wetabaar karom God, welaar ma Melkisedek, ma num pinapaam in tur takum.” Kele 110:4

Binabo 1:18

Iaau a lalaaunina. Iaau aa maat paa, baboi, iaau aa lalaaun takum ma iaau paam akoto a kum ki i ra minaat ma i ra taamaan Edes, a taamaan na nion.

Ebraaio 7:23

A lingtatuna, mongoro na tena wetabaar, iaku a minaat i turbaat diat kupi koku diat papaam takum.

Ioaanes 14:19

“Pa in welwelik ma, baa a taara ko ra rakrakaan buaal pa diat a babo iaau ma. Iaku muaat, muaat a babo iaau. Kabina baa iaau lalaaun, muaat kaai muaat a lalaaun.

Ebraaio 3:16

Woi diat maa diat walangoro in ingaan God, iaku pa diat taraam uni? Diat raap baa Moses i ben apari pa diat taangirong Aaigipto, naka?

Ioaanes 14:6

Iesu i baalui naa, “Iaau a aakapi, ma iaau a lingtatuna, ma iaau a lalaaun. Pa te in waan karom Tamaang un ta aakapi ingen, un iaau ku.

Ebraaio 9:27

A taara raap diat a maat raa pakaan ku, ma namur diat a tur u ra naagagon anun God.

Ebraaio 7:7

I kaapa naa ia baa i ngaala i pir wadaan ia baa i kinalik taana.

Ebraaio 7:9

Ma daat a piri lenbi, Lewi kaai i taar raaraain ko ra noina karom Melkisedek u ra bung baa Aabaraam i wetabaar, kabina maa Lewi ko ra wuna taara anun Aabaraam. Iaku a wuna taara Lewi diat lolo raaraain ko ra noina anu ra taara Israael.