Mataio 12:28 - A Buk 1896 (Bible Portions)

²⁸ Iau kai ba iau lurua diat a kum tebaran u ra dekdek ko ra Nion Nara, i wan pat uni korom muat a matanitu a nun Nara.

Buk Taabu Matakin

²⁸ Iaku, baa iaau lu irok wa a kum tabaraan ma ra dekdek i ra Nion God, muaat a nunurai naa a mataanitu anun God ia waan paat karom muaat.

Mataio 12:28 Referans Kwoze

Mataio 21:43

Ia kuma iau piri ta muat uni lena, Kura din kip igenuai kon muat a matanitu a nun Nara, ma din tari ta diat a un‐a‐tara in ua a uaina.

Mataio 6:33

Muat an auare‐mukakup a nuna matanitu ma ra nuna petoduru; ma din tari waraut ta muat a kum lig rap kumi.

Maarko 1:15

I wewoat a pupukai ma i marawai a matanitu a nun Nara, muat a nukpuku, ma nukatatunai a wewapua auakak.

Mataio 21:31

O oi na pa diara i taram u ra wetula a nun tamana? Ma diat piri lena, A mukana ku. Iesu i wapua diat lena, Iau piri ligtatuna ta muat, a kum telona ma ra kum kuo kura diat ruk muka muat u ra matanitu a nun Nara.

Maarko 16:17

Ma ra kum wakinilag kumi diat a patap un diat a tara diat a nurutauni: diat a lu‐ruai a kum tebaran u ra iag; diat a piri u ra pirapira matakina;

Maarko 11:10

Dat dan u ra Matanitu i wan pat, a Matanitu a nu ra Davida a tamadat: Osana u ra maua na te akit.

Mataio 12:18

Boboi, a nug wetula, ia ba iau tikan‐walipa i; a nug nat na wakaek, a niog i kaia akit un i: ag pakita a niog un i, ma in wapua a nakokon ba i takado korom diat a Tara‐igen.

Mataio 4:24

Ma i winarag uni a iana u ra bual rap Siria: ma diat ben‐a‐rapa diat a tara diat malapag korom i; diat ba tiba na ugan a malapag i manog diat, ma ra gunugut kai, diat kai ba a tebaran i og diat, ma diat kuma diat loglog, ma ra kum paralutiko kai, ma i wakadelpa diat.

Mataio 12:29

Te in ruk lelawai u ra ruma a nu ra uiana ma i rakanpa a nuna utna ba pa i do‐a‐kototai mun a uiana? ma na muru in rakanpai marakam a nuna utna.