Maarko 14:41 - A Buk 1896 (Bible Portions)

⁴¹ Ma tul a pakan balet i wan talili korom ditul, ma i piri ta ditul, Mutul inep ma, ma mutul manatug ku: i tabanot ma; a pakana bug i wewoat; boboi, din ogopai na Tu‐ra‐Muana u ra limadiat a kum tara pet akakai.

Buk Taabu Matakin

⁴¹ Baa i wetula pakaana winawaan talili anuna karom ditul, i piri naa, “Mutul a inep liklik maku? I ot ku! A pakaana bung ia waan paat. Baboi, di aa wagu taa Natu ra Muaana ma din taar taai u ra limaa ra kum tena aakaina.

Maarko 14:41 Referans Kwoze

Maarko 14:35

Ma i wan karai tau kinalik u na muka, ma puka pari u na pia, ma i papet lenkumi, in wan igen koni a pakana bug kuma, ba din pet larapai

Maarko 9:31

Kuma i weri diat a nuna kum tara wawera, ma piri ta diat lenkumi, kura ut dim taramaruai na Tu‐ra‐Muana u ra limadiat a kum tara, ma diat a um dokoi, ma ba di um dokoi, in turu balet ba tul a bug i rap.

Maarko 14:18

Ma ba diat ki na winagan kubai, Iesu i piri, lena, A ligtatuna iau pira ta muat, Te pa muat in ogopa iau, ra pa muat, i wagan ugai ma iau.

Maarko 14:10

Ma Iuta Isakariota, te pa diat a Winunu ma ruadi, i wan korom diat a kum tenapinapet gala, in ogopa Iesu korom diat.

Maarko 7:9

Ma i piri ta diat, lenkumi, Muat patpatuk ku u ra wetula a nun Nara, ma muat taram ku u ra numuat wawera biaku.

Mataio 26:2

Muat nunurai lena dat a witamai na wan‐likai u logra, ma di taram‐aruai na Tu‐ra‐muana ba diat an akwati u ra kabai.

Maarko 14:40

Ma i wan talili balet, ma i bobo ditul ditul inep balet, kuma i tutuaia a mataditul; ma pa ditul nunuk larapai ta pirapira ditul pirapuli mai.

Maarko 14:42

Mutul turu, dat a wan ma: Boboi, ia ba in ogopa iau i matiti ku.