TITO 1:16 - Nuevo Testamento en Quichua Cañar 1996

¹⁶ Paicunaca “Diosta ricsinchicmi” nishpapish, imatapish ruhuashpaca Diosta mana ricsic cashcatami ricuchincuna. Paicunaca Diospac millana mana cazuc cashpami, ima allitapish mana ruhuai pudincuna.

Dios Rimashcata Quillcashcami

¹⁶ Paicunaca “Diosta ricsinchicmi” nishpapish, imatapish ruhuashpaca Diosta mana ricsic cashcatami ricuchincuna. Paicunaca millana, mana cazuccuna cashpami, ima allitapish mana ruhuai pudincuna.

TITO 1:16 Referans Kwoze

1 JUAN 2:4

Maijanpish “ñucaca paita ricsinimi” nishpapish, Dios mandashcacunata mana pactachishpaca llullanllami. Shina cacpimi paipac shungupica imatapish cashcata ruhuashpa causana yuyaica mana tiyan.

EFESIOS 5:6

Chashna mana allita ruhuashcamantami Taita Dios p'iñarishpa, tucui paita mana cazuccunataca llaquichinga. Chaimanta yanga parlocunahuanca pipish cancunata ama pandachichun.

SAN JUDAS 1:4

Chaica ñucanchicpurahuanmi, llullashpa yachachishpa maijan llullac huillaccuna tandarishca. Chaicunatami ñaupa punzhacunamanta pacha Diosca jatun llaquiman rina cashcata huillashca. Chaicunaca millai runacunami. “Ñucanchic Taita Dios c'uyacmi” nic tucushpallami, imapipish mana jarcarishpa, mana alliman pushancuna. Chashna ruhuashpami, ñucanchicta Mandac shuclla Apunchic Jesucristotapish “paica mana quishpichicchu” nincuna.

ROMANOS 1:28

Paicunallatac Diosmanta yachanata mana munacpimi, manapish caipaccunata ruhuachun paicunapac yuyaipi millai munaicuna junda cachun Taita Diosca saquishca.

APOCALIPSIS 21:27

Shina cacpipish chai pueblomanca juchayuccunapish, millaita ruhuaccunapish, llullaccunapish mana yaicungachu. Ashtahuanpish Pactalla Oveja charicuc, huiñaita causangapac quillcachina libropi shutita quillcachishcacunallami chaimanca yaicunga.

APOCALIPSIS 21:8

Ashtahuanpish manchaccunaca, mana criccunaca, yalli millaicunaca, huañuchiccunaca, huaclliriccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapi shitashcami canga. Chaica q'uipa huañuimi canga— nirca.

1 TIMOTEO 5:8

Maijanpish quiquin aillucunapurata, ashtahuancarin quiquin huasi ucupi caccunata mana llaquicca, crishcata saquishpa, mana cric gentecunata yallimi tucun.

1 TIMOTEO 1:9

Mandashcacunataca Taita Diosca cashcata ruhuaccunata llaquichichunca mana curcachu, ashtahuanpish p'iñaccunata, mana cazuccunata, imapish mana allita ruhuaccunata, juchalliccunata, Taita Diosta burlaccunata shinallatac paita cricpipish asiccunata, taita mamata huañuchiccunata, pitapish huañuchiccunata,

2 TIMOTEO 3:17

Chashna yachachishca cashpami, Diospacta ruhuaccunaca imatapish allita ruhuangapac allichirishca canga.

TITO 3:1

Criccunataca llactata mandaccunatapish, pueblota mandaccunatapish allita cazushpa, imata ruhuachun mandacpipish cushilla ruhuachunlla nishpa yachachingui.

TITO 3:3

Ñaupaca ñucanchicpish Diosta mana cazuc, yuyai illac, juchapi chingarishca, ñucanchic munaillata ruhuashpa cushicuna yuyaillapi huatashca shinami causacurcanchic. Chashna mana allillapi causacushpami, shuccuna ama charichun munashpa, caishuc chaishuchuan p'iñanacushpa causacurcanchic.