SAN MATEO 8:8 - Nuevo Testamento en Quichua Cañar 1996

⁸ Shina nicpi soldadocunata mandacca: —Apunchic Jesús, ¿ñuca ima alli cacpitac, ñuca huasimanca risha ninguiyari? Can caimanta alliyachun nillari. Chashna nicpica, ñuca servicca alliyangallami.

Dios Rimashcata Quillcashcami

⁸ Shina nicpimi, soldadocunata mandacca: —Apunchic Jesús, ¿ñuca ima alli cacpitac, ñuca huasimanca risha ninguiyari? Can caimanta alliyachun nilla. Chashna nicpica, alliyangallami.

SAN MATEO 8:8 Referans Kwoze

SAN MATEO 8:3

Shina nicpi Jesusca: —Ari, alliyachisha ninimi. Alliyai— nishpa maquihuan tuparicpica, chai lepra ung:uihuan cac runaca alliyarcallami.

SAN JUAN 1:27

Paica ñucapac q'uipatami shamunga. Ñucaca paipac ushuta huatashcallatapish mana pascaipacmi cani— nirca.

SAN LUCAS 5:8

Caita ricushpa Simón Pedroca Jesuspac ñaupapi cungurishpami: —Apunchic Jesús, ñucaca juchasapami cani. Chashna cashcamanta ñucamanta anchurilla— nirca.

SAN MATEO 3:11

Cancunataca ñucaca Taita Diosman cutirichun nishpallami, yacuhuan bautizacuni, ashtahuanpish ñucapac q'uipa shamucmi, Diospac Espirituhuan shinallatac ninahuan cancunataca bautizanga. Paica ñucata atishpa, ima allita ruhuasha nishpapish ruhuacllami. Ñucaca paipac ushutallatapish mana apaipacchu cani.

SAN LUCAS 15:21

Chashna muchacpimi churica: ‘Taitito, Diostapish, cantapish p'iñachishpami, mana allita ruhuashcani. Cunanca ña mana cambac churi shinachu cani’ nirca.

SAN LUCAS 15:19

Cunanca ña mana cambac churi shinachu cani. Canta servic runa shinalla cachun chasqui” nishami’ nishpa yuyarirca.

SAN MATEO 3:14

Juanca Jesusta mana bautizangaraicumi: —¿Imapactac shamungui? Ashtahuanpish canmi ñucata bautizana cangui— nirca.

SAN MATEO 8:7

Shina nicpi Jesusca: —Shinashpaca, cambac huasiman rishpa alliyachigrisha— nirca.

SAN MATEO 8:9

Ñucapish mandaccunapac mandashca, soldadocunata mandacllami cani. Maijan soldadota ñuca ‘ri’ nicpica, rinllami. Cutin maijanta ‘shamui’ nicpipish, shamunllami. Shinallatac ñuca servictapish ‘imata ruhuai’ nicpica, ruhuanllami— nirca.