SAN MATEO 6:5 - Nuevo Testamento en Quichua Cañar 1996

⁵ Cancuna Taita Diosman mañashpaca, ama chai mishqui shimi jayac shungucuna shina mañaichicchu. Paicunaca gentecuna ricuchun nishpallami, plaza esquinacunapi, tandanacuna huasicunapi shayarishpa mañanata munancuna. Chashna ruhuashpaca, cai pachapacllami alli nishca cancuna. Chaica chashnatacmi can.

Dios Rimashcata Quillcashcami

⁵ Cancuna Diosta mañashpaca, ama chai mishqui shimi jayac shungucuna shina mañaichicchu. Paicunaca gentecuna ricuchunmi, plaza esquinacunapi, tandanacuna huasicunapi shayarishpa mañancuna. Chashna ruhuashpaca, cai pachapacllami alli nishca cancuna. Chaica chashnatacmi can.

SAN MATEO 6:5 Referans Kwoze

SAN MATEO 6:2

Chaimanta can huacchacunaman imata cushpaca, ama gentecuna alli nichunlla pimanpish parlashpa puringuichu. Chashnaca mishqui shimi, jayac shungucunallami tandanacuna huasicunapipish, mai ñancunapipish gentecuna alli nichun nishpa, parlashpa purincuna. Chashna ruhuashpaca, cai pachapacllami alli nishca cancuna. Chaica chashnatacmi can.

SAN LUCAS 18:13

Ashtahuanpish impuestota japic runaca carupi shayashpa, mana huichailla ricushpa, shungupi huactarishpa: ‘Taita Dioslla, ñucaca juchasapami cani. Ñucata llaquiyari’ nirca.

MARCOS 11:25

Chashnallatac cancuna Taita Diosman mañacushpaca, maijanta p'iñachishca cashpaca perdonaichic. Chashna ruhuacpimi, jahua pachapi cac cancunapac Taitapish cancunapac juchacunata perdonanga— nirca.

SAN LUCAS 20:47

Viuda huarmicunapac huasicunatapish quichuccunami. Chashna ruhuashpaca, alli ricuringapacca unaitami Taita Diosman mañac tucuncuna. Chashna ruhuashcamantaca, paicunallatacmi ashtahuan llaquita apangacuna” nirca.

SANTIAGO 4:6

Ashtahuanpish Dios mai c'uyac cashcamantami ñucanchictaca ayudacun. Pai quillcachishcapica Taita Diosca: “Jatun tucushcacunataca p'iñanimi. Shina cashpapish mana jatun tucushcacunataca c'uyanimi” ninmi.

SAN LUCAS 18:1

Taita Diosman mana q'uillacushpa mañacunalla cashcamantami, Jesusca yuyaita japichun chimbapurashpa, cashna parlarca:

EFESIOS 6:18

Diosman mañanataca ama saquichicchu. Diospac Espíritu yuyaita cushca shina Taita Diosmanca mañaraichic. Mana q'uillanachishpa chaparacuichic. Shinallatac Diospaclla cac tucui criccunamanta punzhanta Diosman mañaichic.

SAN LUCAS 11:43

¡Aij, fariseocunalla, imachari tucunguichic! Cancunaca tandanacuna huasicunapipish, punta alli tiyarinapi tiyarinata munaccunami canguichic. Shinallatac ñancunapi tupaccunapish, tucui c'uyaihuan alabaduchun munaccunami canguichic.

SAN MATEO 21:22

Taita Dios ima mañashcatapish cuc cashcata crishpa mañashpaca, japinguichicmi— nirca.

1 TESALONICENSES 5:17

Taita Diosman mañanataca ama saquichicchu.

SAN JUAN 16:24

Cunancamanca, ñuca shutipica imata cancunaca mana mañashcanguichicchu. Cancunapac shungupi yallita cushicui tiyachunca mañaichic, chasquinguichicmi.

MARCOS 12:38

Gentecunata Jesús yachachicushpaca, cashnami nirca: —Mandashcacunata yachachiccuna yachachishcataca, pacta c'atinguichicman. Paicunaca mandac tucusha nishpami, pambacaman suni churanata churarishpa purinata munancuna. Chashnallatac mai plazacunapi tupaccunapish, tucui c'uyaihuan alabaduchunmi munancuna.

SAN MATEO 9:38

Chashna cashcamanta ashtahuan tandaccunata cachachun, Chagrayucman mañaichic— nirca.

SAN MATEO 23:13

Mishqui shimi, jayac shungu fariseocuna, mandashcacunata yachachiccunalla, ¡aij, imachari tucunguichic! Cancunami jahua pacha Taita Dios mandacucman gentecuna yaicunataca, huichcac shina jarcanguichic. Yaicunata munaccunatapish, yaicuchun mana saquinguichic. Shinashpami cancunallatacpish mana yaicunguichic.

SAN MATEO 23:6

Paicunaca mai micuicunapipish, punta alli tiyarinapi tiyarinatami munancuna. Tandanacuna huasicunapi tiyarishpapish, allita mashcashpami tiyarinata munancuna.

SAN MATEO 6:16

Cancuna ayunashpaca, ama chai mishqui shimi, jayac shungucuna shina, llaquilla ñahui tucushpa ayunaichicchu. Paicuna chashna ruhuashpaca, cai pachapacllami alli nishca cancuna. Chaica chashnatacmi can.

SAN MATEO 6:1

Ama gentecunapac ñaupapi paicuna ricuchun nishpalla, allita ruhuaichicchu. Chashna ruhuacpica, jahua pachapi tiyac cancunapac Taita Diosca, ima allita mana cungachu.

SAN MATEO 23:5

Gentecuna paicunata Diosta yuyariccunami nichun nishpallami, imatapish ruhuancuna. Paicunaca frentepipish, rigrapipish Dios quillcachishcamanta llucchishpami, jatun apanapi apancuna. Shinallatac churanatapish, suni flecosyuc churanatami churarincuna.

SAN LUCAS 6:24

¡Aij, cancuna cunan punzha charishcallahuan cushicuccunalla, ñami cancunaca cushicushcanguichic!