SAN MATEO 6:1 - Nuevo Testamento en Quichua Cañar 1996

¹ Ama gentecunapac ñaupapi paicuna ricuchun nishpalla, allita ruhuaichicchu. Chashna ruhuacpica, jahua pachapi tiyac cancunapac Taita Diosca, ima allita mana cungachu.

Dios Rimashcata Quillcashcami

¹ Ama gentecuna ricucucllapi allita ruhuaichicchu. Chashna ruhuacpica, jahua pacha Diosca, ima allita mana cungachu.

SAN MATEO 6:1 Referans Kwoze

SAN MATEO 23:5

Gentecuna paicunata Diosta yuyariccunami nichun nishpallami, imatapish ruhuancuna. Paicunaca frentepipish, rigrapipish Dios quillcachishcamanta llucchishpami, jatun apanapi apancuna. Shinallatac churanatapish, suni flecosyuc churanatami churarincuna.

SAN JUAN 12:43

Chashna mana piman huillashpaca, Taita Dios alli nishca canata mana munashpami, gentecunapac alli nishca canata ashtahuan munarcacuna.

HEBREOS 6:10

Cashcata ruhuac Taita Diosca cancuna imata ruhuashcatapish, paipaclla caccunatapish cunan ima shina ruhuacuc shinallatac c'uyaihuan servishpa causacuccunataca, manatac cungaringachu.

SAN LUCAS 16:15

Shina asicpimi, Jesusca: “Cancunami gentecunapac ñaupapica, allicuna layalla ricuringuichic. Chashna cacpipish, Taita Diosca cancunapac shungu imata yuyacushcataca yachanmi. Cai pachapi gentecunalla alli nishcacunaca, Taita Diospac ñaupapica millana shinami can.

GÁLATAS 6:12

Chai “circuncisionta*f** ruhuanaca allimi” niccunaca gentecunapac alli nishca cangapac, shinallatac Jesucristo cruzpi huañushcata crishcamanta ama pi p'iñachun nishpallami chashnaca nincuna.

SAN JUAN 5:44

Cancunaca caishuc chaishuc alli ninacunallatami munanguichic, ashtahuanpish shuclla Taita Diospac alli nishca canataca mana munanguichicchu. Shina cashpaca, ¿ima shinatac ñucataca cringuichicyari?

2 JUAN 1:8

Chashna cashcamantami cancunaca imalla ruhuashcamanta japina cashcata mana chingachishpa, tucui japina yuyailla cana canguichic.

MARCOS 8:15

Jesusca paipac yachacuccunata cunashpaca: —Uyaichic, fariseocunapac*f** shinallatac Herodespac levadurataca, pacta chasquinguichicman— nirca.

SAN MATEO 6:16

Cancuna ayunashpaca, ama chai mishqui shimi, jayac shungucuna shina, llaquilla ñahui tucushpa ayunaichicchu. Paicuna chashna ruhuashpaca, cai pachapacllami alli nishca cancuna. Chaica chashnatacmi can.

SAN MATEO 16:6

Chaipimi Jesusca: —Uyaichic, fariseocunapac,*f** saduceocunapac*f** levadurataca, pacta chasquinguichicman— nirca.

SAN LUCAS 12:15

Chashnallatac Jesusca: —Charishcacunaca mana causaita cunchu. Chaimanta pacta misa tucushpa, imatapish ashtahuan charina yuyailla canguichicman— nirca.

SAN MATEO 5:48

Jahua pachapi tiyac cancunapac Taita Dios ima shinami allitac can, chashnallatac cancunapish allitac caichic.

SAN MATEO 5:16

Shinallatac cancunapish, cai pachapi causaccunapac ñaupapica, luz achicyachic shina allita ruhuashpa causaichic. Cancuna chashna ruhuacta ricushpami, jahua pachapi tiyac cancunapac Taita Diostaca ‘allimari cangui’ ningacuna.

SAN LUCAS 11:35

Alli yuyaringui, pacta ‘achicpi cani’ nicushpapish, amsapi canguiman.

SAN LUCAS 12:1

Jesús chashna parlacucpica, huaranga huaranga gentecunami caishuc chaishuc ñitirinacui shamurcacuna. Chaipimi Jesusca paipac yachacuccunaman rimashpaca: “Fariseocunapac*f** yachachishcaca, levadura miraric shinami. Pacta chaita c'atishpa, paicuna shina mishqui shimi, jayac shungucuna tucunguichicman.

SAN MATEO 25:40

Shina nicpi ñucaca: ‘Tucui caicunata cai yangalla shina ñuca huauquicunaman ruhuashpaca, ñuca quiquinmanmi ruhuarcanguichic. Chaica chashnatacmi’ nishami.

SAN MATEO 5:46

Cancuna maijan c'uyaccunallata c'uyashpaca, ¿ima allitatac Taita Diosmantaca japinguichicyari? Chashnacarin Roma*f** llactaman impuestota japiccunapish ruhuancunallami.

SAN MATEO 23:13

Mishqui shimi, jayac shungu fariseocuna, mandashcacunata yachachiccunalla, ¡aij, imachari tucunguichic! Cancunami jahua pacha Taita Dios mandacucman gentecuna yaicunataca, huichcac shina jarcanguichic. Yaicunata munaccunatapish, yaicuchun mana saquinguichic. Shinashpami cancunallatacpish mana yaicunguichic.

SAN MATEO 6:9

Cancuna Taita Diosman mañashpaca, cashna ninguichic: ‘Jahua pachapi cac ñucanchic Taitalla, cambac sumaimana shutita, tucuilla alli nishca cachun.

HEBREOS 2:1

Chai shina cashcamantami alli ñanta chingachic shina mana pandaringapacca, ñucanchicca alli huillaita uyashcataca ashtahuan alli crishpa, chai yuyailla cana canchic.

HEBREOS 11:26

Egipto llactapi achcata charic canatapish saquishpami, Cristohuan pacta llaquita apashca canata munarca. Chaitaca Dios cuna cashcata japina yuyailla shina cashpami acllarca.

SAN MATEO 16:27

Ashtahuanpish Runa Tucungapac shamushca*f** ñucaca, ñuca Taitapac sumaimana achiclla cashcahuan, shinallatac paipac angelcunahuan cutimushpaca, tucuimanmi imata ruhuashca shinallatac ricushpa cusha.

HECHOS 3:12

Chashna tandanacumucta ricushpaca, Pedroca: “Tucui israelcuna,*f** ¿ima nishpatac cai runata alliyachishcata ricushpalla mana amiringuichic? ¿Ima nishpatac ñucanchictaca ricuracunguichic? Mana ñucanchicchu chashna alliyachishcanchic. Shinallatac mana Taita Diosman mañaccuna cashcallamantachu alliyachishcanchic,