SAN MATEO 5:4 - Nuevo Testamento en Quichua Cañar 1996

⁴ Llaquilla cashcamanta huacacuccuna, ¡cushicuichic! Taita Diosmi cancunataca cushichinga.

Dios Rimashcata Quillcashcami

⁴ Shungupi llaquilla caccuna, ¡cushicuichic! Diosmi cancunataca cushichinga.

SAN MATEO 5:4 Referans Kwoze

APOCALIPSIS 21:4

Paica ñahuicunamantapish tucui huiquita p'ichangami. Huañuipish, llaquilla canapish, huacaicunapish, nanaicunapish ña mana tiyangachu. Ñaupaman ima tiyashcapish cunanca ña mana tiyangachu— nirca.

SAN LUCAS 6:21

¡Cunan yarcaihuan caccunaca cushicuichic! Taita Dios cancunamanca mana nicta carangami. ¡Cunan cancuna huacaccunaca cushicuichic! Taita Dios cushichicpica, asinguichicmi.

SANTIAGO 1:12

Imapish mana alli munaicuna shamucpi, chaita mishacmanca mai cushicuimi canga. Chashna mishacmi Dios paita c'uyaccunaman cusha nishca huiñai causai coronataca japinga.

SAN LUCAS 16:25

Chashna caparicpi Abrahamca: ‘Huahua, can causacushpaca, alli sumactami causarcangui. Chaitaca yuyariyari. Cunanca llaquitami apacungui. Ashtahuanpish Lazaroca llaquitami causarca. Cunanca caipica cushicushpami tiyacun.

SAN LUCAS 6:25

¡Aij, cancuna cunan mana nicta micushpa causaccunalla, shuc punzhaca yarcaihuan imachari tucunguichic! ¡Aij, cancuna cunan cushicushpa asiccunalla, shuc punzhaca achca llaquihuanmi huacanguichic!

SAN LUCAS 7:50

Chashna ninacucucpipish, Jesusca chai huarmitaca: —Can crishcamantaca, ña quishpichishcami cangui. Cunanca cushicushpa rilla— nirca.

SAN LUCAS 7:38

Chai huarmica Jesuspac huashata shamushpami cuchuyarca. Chaiman cuchuyashpaca munai huacashpami, huiquihuan chaquita jucuchirca. Chaimantaca acchahuan chaquichishpami, chaquipi mucharca. Chashna muchashca q'uipaca, pai apamushca mishquilla ashnacuctami Jesuspac chaquipi churarca.