SAN MATEO 5:39 - Nuevo Testamento en Quichua Cañar 1996

³⁹ Ashtahuanpish ñucaca cashnami nini: Maijanpish canta ima millaita ruhuachunca, ama p'iñarichu, ashtahuanpish maijan canta alli lado jazhapi huactacpica, lluqui lado jazhapipish huactachun saquinguilla.

Dios Rimashcata Quillcashcami

³⁹ Ashtahuanpish ñucaca: Piñactaca ama piñanguichu, ashtahuanpish maijan canta alli lado jazhapi huactacpica, lluqui lado jazhapipish huactachun saquingui.

SAN MATEO 5:39 Referans Kwoze

1 TESALONICENSES 5:15

Shuccuna ima mana allita ruhuacpipish, paicunatapish chashnallatac ruhuanamantaca huacaichirichic. Chaipac randica punzhanta cancunapurapipish, tucui gentecunahuanpish allita ruhuanata munaichic.

1 PEDRO 3:9

Shuccuna mana allita ruhuacpipish, ama cancunapish chai shinallatac ruhuaichicchu. Shinallatac c'amishpa rimacpipish, ama cancunapish chai shinallatac rimaichicchu. Chaipac randica Taita Dios allicunata cuchun nishpa munaichic. Taita Diosca allicunata chasquichunmi, cancunataca c'ayarca.

1 CORINTIOS 6:7

Cancunapura p'iñanacushpaca, mana ima allitachu ruhuanguichic. Chaipac randica cancunata mana allita ruhuacpipish, ¿manachu casilla saquinalla alli canga? Imata shuhuachunpish, ¿manachu saquinalla alli canga?

SANTIAGO 5:6

Mana juchanchipac gentecunatami, cancunaca juchanchishpa huañuchishcanguichic. Paicunaca mana c'ariyarcachu.

HEBREOS 12:4

Cancunaca juchata mana ruhuangapacca, macanacuc shinami sinchita shayarishcanguichic. Shina cashpapish yahuarta jichashpa huañungacamanca, mana llaquita apashcanguichicchu.

SAN LUCAS 22:64

ñahuita pañuhuan huatashpaca: —¿Maijantac cantaca huactanchic? ¡Huillai!— nircacuna.

SAN MATEO 5:40

Shinallatac maijanpish camisata quichusha nishpa c'ayachicpica, ashtahuan valishca jahualla churanatapish cushpa cachanguilla.

SAN LUCAS 6:7

Mandashcacunata yachachiccunapish, shinallatac fariseocunapish:*f** “¿Chai runata samana punzhapica alliyachinchu, imami?” nishpami, Jesustaca juchanchingaraicu chaparacurcacuna.

SAN JUAN 18:23

Chashna huactacpi Jesusca: —Mana alli rimashca cacpica, tucuipac ñaupapi chai mana allitaca huillai. Ashtahuanpish allita nishca cacpica, ¿imamantatac huactan?— nirca.