SAN MATEO 5:30 - Nuevo Testamento en Quichua Cañar 1996

³⁰ Shinallatac cambac alli lado maqui juchapi urmachisha nicpica, p'itishpa shitangui. Can quiquinllatac ucu pacha ninapi shitashca canapac randica, cambac chulla maquillata chingachinami ashtahuan alli canga.

Dios Rimashcata Quillcashcami

³⁰ Cambac alli lado maqui juchapi urmachisha nicpica, pitishpa shitangui. Tucui cuerpo ucu pacha ninapi shitashca canapac randica, cambac chulla maquillata chingachinami ashtahuan alli canga.

SAN MATEO 5:30 Referans Kwoze

MARCOS 9:43

Chaimanta cambac maqui ima juchapi urmachisha nicpica, p'itishpa shitangui. Ishcai maquindic ucu pacha mana huañuc ninaman rinapac randica, shuclla maquihuan jahua pachapi causangapac yaicunami canmanca ashtahuan alli canga.

SAN MATEO 5:29

Chashna cashcamanta cambac alli lado ñahui juchapi urmachisha nicpica, surcushpa shitangui. Can quiquinllatac ucu pacha ninaman shitashca canapac randica, chulla ñahuillata chingachinami canmanca ashtahuan alli canga.

1 PEDRO 2:8

Shinallatac: “Cai rumipimi mitcarishpa urmangacuna” nishcapish pactarcami. Paicunaca Dios rimashca shimita mana cazushcamantami mitcarincuna. Paicunataca ñaupamanmi Diosca chashna tucuchun nishca.

1 CORINTIOS 8:13

Shina cashcamanta ruhuashcalla dioscunaman cushca aichata ñuca micushcallamanta shuc cric pandarina cacpica, paita mana pandachingapacca chai aichataca mana micunachu cani.

SAN LUCAS 17:2

Huahuacuna shina ñucata criccunata maijanpish juchapi urmachictaca, cutana rumita cungapi huatashpa, jatun cuchapi shitanami ashtahuan alli canman.

SAN MATEO 13:21

Chashna cashpapish mana ucuta sapiyashca shina cashpami, llaquicuna japicpi, mana cashpaca alli huillaita uyashpa c'aticushcamanta gentecuna p'iñacpica saquincunalla.

SAN LUCAS 12:5

Cancuna pita manchana cashcata huillasha: Huañushca q'uipa, ucu pachaman cachac Taita Diosta manchanguichic. Paillatami cancunaca manchana canguichic.

GÁLATAS 5:11

C'uyashca criccuna, ñuca cancunaman “circuncisionta ruhuanaca allimi” nishpa puricpica, israelcunaca*f** mana p'iñanmanchu carca, shinallatac Jesucristo ñucanchicmanta cruzpi huañushcata huillashcapish ña mana paicunata p'iñachinmanchu.

ROMANOS 9:33

Chaitaca Dios quillcachishcapica: “Sión*f** pueblopimi shuc rumita churani. Chai rumipimi mitcarishpa urmangacuna. Pipish chai rumipi shunguta churacca mana pingaichishcachu canga” ninmi.

SAN MATEO 26:31

Chaiman chayashpami Jesusca: —Dios quillcachishcapica: ‘Michictaca huañuchishami. Ña huañuchicpica, ovejacunaca caita chaitami shiguaringacuna’ ninmi. Chashna nishca shinallatacmi, cunan tutallatac tucui cancunaca ñucata saquishpa caita chaita ringuichic.

SAN MATEO 22:13

Chaimantami jatun mandacca miza allichiccunata cashna nirca: ‘Cai runataca chaqui maquita huatashpa, canzhaman llucchishpa purapi shitaichic. Chaipica huacaihuan quiru canirinami tiyan’ nirca.

SAN MATEO 25:20

Chashna tapucpi, chai pichca talento cullquita japic runa chayashpaca: ‘Amito, caipimi can saquishca pichca talento cullquitaca, pichca talento cullquihuan mirachircani’ nirca.

SAN MATEO 16:23

Chashna nicpi Jesús tigrarishpa Pedrotaca: —¡Anchuri caimanta, Satanás!*f** Chashna nishpaca, Taita Dios munashcata ñuca ama ruhuachun nishpami, jarcasha nicungui. Canca Taita Dios imata ruhuasha nishcataca mana yachanguichu, ashtahuanpish gentecuna yuyashcallatami yuyangui— nirca.

SAN MATEO 11:6

Maijanpish ñuca ima ruhuacushcata ricushpa, crishpa mana pandaricmanca, mai cushicuimi— nircami.

SAN MATEO 5:22

Ashtahuanpish ñucacarin cashnami nini: Maijanpish p'iñactaca, juezpacman apashpa llaquichishcami canga. Maijanpish muspa nictaca, mandaccunapura tandanacushcapacman apashpa, llaquichishcami canga. Maijanpish maipish cachun rimactaca, ucu pacha ninaman shitana nishcami canga.

SAN MATEO 17:27

Ashtahuanpish impuestota japiccunata mana p'iñachingapacca, cuchaman ri. Chaiman chayashpaca, anzuelota shitangui. Maijan pescadoracmi japi tucun, chaipac shimipimi cullquita taringui. Chai cullquita apashpa, impuestota japiccunaman canmantapish, ñucamantapish cugringui— nirca.

SAN MATEO 18:8

Chaimanta cambac maqui, cambac chaqui ima juchapi urmachisha nicpica, p'itishpa shitangui. Ishcai chaquindic, ishcai maquindic mana huañuc ninapi shitashca canapac randica, chulla chaquilla, chulla maquilla jahua pachapi causangapac yaicunami canmanca ashtahuan alli canga.