SAN MATEO 5:1 - Nuevo Testamento en Quichua Cañar 1996

¹ Achca gentecuna paita c'aticucta ricushpami, Jesusca urcu jahuaman rishpa tiyarirca. Chaipi tiyacucpimi, paipac yachacuccunaca paipacman cuchuyarca.

Dios Rimashcata Quillcashcami

¹ Jesusca achca gentecuna paita caticucta ricushpami, urcu jahuaman rirca. Chaipi tiyacucpimi, paipac yachacuccunaca cuchuyarca.

SAN MATEO 5:1 Referans Kwoze

MARCOS 3:13

Chai q'uipami, Jesusca urcuman rirca. Chaipimi pai acllasha nishca runacunallata acllarca. Chashna tandachishpami,

SAN MATEO 15:29

Jesús chaimanta rishpaca, Galilea jatun cucha patamanmi chayarca. Chai q'uipaca urcuman rishpami, chaipi tiyarirca.

MARCOS 4:1

Jesusca jatun cucha patapimi cutin yachachi callarirca. Chaimanmi achca gentecuna tandanacurcacuna. Shina tandanacumucpimi, yacupi cac canoapi yaicushpa, Jesusca tiyarirca. Chai tucui gentecunaca yacu patapimi saquirircacuna.

MARCOS 3:20

Chai huasiman achca gentecuna cutin tandanacumucpimi, Jesusca paipac yachacuccunandic micunallatapish mana pudircacuna.

SAN MATEO 4:25

Chashna cashcamantami Galilea llactamantapish, Decápolis nishca chunga pueblocunamantapish, Jerusalén pueblomantapish, Judea llactamantapish, shinallatac Jordán yacu chimbapura llactacunamantapish, achca gentecunami Jesustaca c'atircacuna.

SAN MATEO 13:2

Achca gentecuna chaiman tandanacumucpimi, Jesusca shuc canoapi tiyarirca. Chaipica achca gentecunami yacu patapi tiyacurcacuna.

SAN MATEO 5:2

Chaipimi Jesusca cashna nishpa yachachi callarirca:

SAN LUCAS 6:12

Chai punzhacunapimi Jesusca Taita Diosman mañangapac urcuman rirca. Chaipica tucui tutami Taita Diosman mañarca.

SAN LUCAS 6:17

Jesusca paipac yachacuccunahuan chai urcumanta shamushpaca, shuc pambamanmi chayamurca. Chai pambamanmi paipac yachacuccunapish, shinallatac Judea llactamantapish, Jerusalén pueblomantapish, mama cucha cuchulla Tiro llactamantapish, Sidón llactamantapish achca gentecuna Jesús yachachishcata uyangapac, shinallatac ung:uicunamanta alliyana munaihuanpish shamushca carcacuna.

SAN LUCAS 6:20

Chai q'uipami Jesusca paipac yachacuccunata ricushpa, cashna nirca: “¡Cushicuichic, huacchacuna! Jahua pacha Taita Dios mandacucca cancunapacmi.

SAN LUCAS 9:28

Chashna nishcamanta pusac punzha shinapimi, Jesusca Pedrohuan, Juanhuan, Jacobohuan Taita Diosman mañangapac urcuman rirca.

SAN JUAN 6:15

Jesusca gentecuna paicunata mandachun pushagricushcata yachashpami, cutinllatac urcupi pailla cangapac rirca.