SAN MATEO 3:10 - Nuevo Testamento en Quichua Cañar 1996

¹⁰ Jachaca ñami yura chaquipi churashca. Tucui mana p'ucuc yurataca, sapipi p'itishpa ninapi rupachic shinami, Taita Diosca ruhuanga.

Dios Rimashcata Quillcashcami

¹⁰ Hachaca ñami yura chaquipi churashca. Diosca tucui mana pucuc yurataca, sapipi pitishpami ninapi rupachinga.

SAN MATEO 3:10 Referans Kwoze

SAN JUAN 15:6

Maijanpish ñucahuan mana cactaca, chagrata cuidacca mana p'ucuc ramata shinami p'itinga. Chashna p'itishca chaquicpica, tandachishpa ninapi shitashpa rupachingami.

SAN LUCAS 3:9

Jachaca ñami yura chaquipi churashca. Taita Diosca mana p'ucuc yuracunataca sapipi p'itishpa, ninapi rupachic shinami ruhuanga— nirca.

SAN MATEO 7:19

Tucui mana alli granota p'ucuc yurataca, p'itishpa ninapi shitanami.

SAN JUAN 15:2

Ñucapi cac ramacuna mana p'ucucpica, tucui p'itishpami shitanga. Cutin alli p'ucuctaca ashtahuan alli p'ucuchunmi, mana allicunata anchuchishpa saquinga.

HEBREOS 6:8

Ashtahuanpish cashallata, mana alli q'uihuallata p'ucushpaca, imapish mana alli allpa shina cashcatami ricuchin. Chaicunataca Dios p'iñarishpami ñalla tucuchinga.

SAN MATEO 21:19

Chashna yarcaihuan cashpami, Jesusca ñan cuchullapi shuc higo yura shayacucta ricushpaca: “P'ucushca tiyangami” yuyashpa cuchuyarca. Ashtahuanpish p'angacunalla junda cashcata ricushpami: “Cai yuraca jaicapi ama p'ucuchun” nirca. Chashna nincami, chai yuraca chaquirca.

SAN LUCAS 23:31

Ñuca verde yura shina cacpipish cashna ruhuashpaca, cancuna chaquishca yura shina cactacarin, ¿imatachari ruhuangacuna?— nirca.

HEBREOS 12:25

Chaimanta Dios cancunata rimacta mana uyashun ninamantaca cuidaringuichic. Cai pachapi Dios ima nishcata mana cazuccunaca, tucuimi llaqui tucurca. Ñucanchiccarin jahua pachamanta rimacucta mana cazushpaca, ¿ima shinatac llaquimantaca anchurishunyari?