SAN MATEO 27:50 - Nuevo Testamento en Quichua Cañar 1996

⁵⁰ Jesusca cutinllatac sinchita caparishpa, paipac espirituta Diosman mingashpaca huañurcallami.

Dios Rimashcata Quillcashcami

⁵⁰ Jesusca cutinllatac sinchita caparishpaca huañurcallami.

SAN MATEO 27:50 Referans Kwoze

SAN JUAN 19:30

Chai vinagreta Jesús ubiashpaca: “Ña tucuchishcami” nircami. Chashna nishpaca, umata huarcushpa, paipac espirituta Diosman mingashpaca huañurcallami.

SAN LUCAS 23:46

Chashna tucushca q'uipami, Jesusca sinchita caparishpa: —Taitalla, cambac maquipimi ñuca espirituta mingani— nirca. Shina nishpaca huañurcallami.

HEBREOS 9:14

Shina cacpica, ¡Apunchic Jesuspac yahuarcarin, tucuimanta yalli valishcami! Paica huiñai huiñaita causacuc Diospac Espirituhuan cashpami, ima millaita mana ruhuac cashpapish, pai quiquinllatac Diosman curishpa huañurca. Paipac yahuarmi ñucanchic yuyaicunahuan mana allita ruhuashpa, huañuiman ricucpi p'ichashpa, causacuc Diosta servicta ruhuan.

MARCOS 15:37

Chai horasmi Jesusca sinchita caparishcahuan huañurcalla.

SAN MATEO 20:28

Chai shinallatacmi Runa Tucungapac shamushca*f** ñucaca, servichingapacca mana shamurcani, ashtahuanpish servingapac, shinallatac achcacunamanta huañushpa quishpichingapacmi shamurcani— nirca.

SAN JUAN 10:11

Ñucami alli michicca cani. Chashna alli michic cashcamantami, ovejacunamanta huañuna cacpipish huañushalla.

HEBREOS 2:14

Ima shinami shuc taita mamapac huahuacunaca shuc aichalla, shuc yahuarlla shina can, chai shinallatacmi Jesuspish ñucanchic shina aichayuc, yahuaryuc carca. Shina cashpami huañuiman apac diablotaca pai huañushpa chingachirca.

SAN MATEO 27:49

Ashtahuanpish shuccunaca: —Saqui, Eliasca quishpichingapac shamunchu imami, ricungapac— nircacuna.

SAN JUAN 19:29

Chaipica, jayac vinagre jundachishca shuc mangami tiyacurca. Chaipimi shuc hisopo caspi puntapi esponjata huatashpa satishpa, Jesuspac shimiman chayachircacuna.

HEBREOS 5:7

Apunchic Jesucristoca cai pachapi causacushparacmi, huañuimantapish quishpichic Taita Diosmanca caparishpa, huacashpa mañarca. Jesusca Pai mandashcata ruhuac cashcamantami, Taita Diosca uyarca.