SAN MATEO 26:58 - Nuevo Testamento en Quichua Cañar 1996

⁵⁸ Pedroca caru carullatami chai huasi pungu pambacaman c'atishpa rirca. Chashna rishpaca, Diosman mañana huasita cuidaccunahuanmi Jesusta ima ruhuacta ricungapac canzhallapi saquirirca.

Dios Rimashcata Quillcashcami

⁵⁸ Pedroca caru carutami chai huasi pungu pambacaman Jesusta catishpa rirca. Chaipimi Diosta mañana huasita cuidaccunahuan Jesusta ima ruhuacta ricushpa tiyacurca.

SAN MATEO 26:58 Referans Kwoze

SAN JUAN 7:32

Gentecuna Jesusta cashnami, chashnami ninacucta fariseocuna*f** uyashpami fariseocunapish, curacunata mandac curacunapish soldadocunata japimuchun cacharcacuna.

SAN JUAN 18:25

Chaicamanca Pedroca ninapi masharishpami shayacurca. Chaipimi paihuan caccunaca: —¿Manachu canpish chai runapac yachacuc cangui?— nishpa tapurca. Chashna tapucpica, cutinllatacmi Pedroca: —Ñucaca mana chaichu cani— nirca.

SAN JUAN 7:45

Ña chai japichun cachashca soldadocuna fariseocunapacman,*f** curacunata mandac curacunapacman cutimucpi paicunaca: —¿Ima nishpatac Jesustaca mana japimunguichic?— nircacuna.

SAN MATEO 5:25

Shinallatac maijan canta imamanta juezpacman c'ayachigricpica, manarac juezpacman chayashpa, canta c'ayachic-huan alli tucungui. Mana cashpaca juezman cucpi, juezca soldadocunaman cushpa cantaca carcelpi churangami.

SAN MATEO 26:3

Chai punzhacunapimi Israel*f** curacunata mandac curacunapish, cunac yuyaccunapish, curacunata jatun mandac Caifaspac huasipi tandanacurcacuna.

SAN LUCAS 22:54

Chai q'uipami Jesustaca ña japishpa, curacunata jatun mandac curapac huasiman aparircacuna. Pedroca caru carullatami c'aticurca.

SAN JUAN 19:6

Chashna llucshimucta ricushpami, curacunata mandac curacunapish, Diosman mañana huasita cuidaccunapish: —¡Paitaca chacatailla, chacatailla!— nishpa, capari callarircacuna. Shina caparicpimi Pilatoca: —Shinashpaca, cancunallatac apashpa chacatagrichic. Ñucaca ima mana allitaca paipica mana tarinichu— nirca.

HECHOS 5:22

Chai cachashca soldadocuna carcelman chayashpa, paicunata mana tarishpami, huillangapac cutimushpaca:

HECHOS 5:26

Chashna huillacpimi, soldadocunata mandacca soldadocunahuan cutin Jesús acllashca huillaccunata japingapac rircacuna. Chashna rishpaca, chaipi cac gentecuna rumihuan shitanata manchashcamantami, japishpapish mana imata ruhuashpa, sumacta apamurcacuna.