SAN MATEO 26:3 - Nuevo Testamento en Quichua Cañar 1996

³ Chai punzhacunapimi Israel*f** curacunata mandac curacunapish, cunac yuyaccunapish, curacunata jatun mandac Caifaspac huasipi tandanacurcacuna.

Dios Rimashcata Quillcashcami

³ Chai punzhami Israel curacunata mandac curacunapish, pushac yuyaccunapish, curacunata jatun mandac Caifaspac huasipi tandanacushpa,

SAN MATEO 26:3 Referans Kwoze

SAN JUAN 18:24

Chashna huactashcallatatacmi Anasca curacunata jatun mandac Caifaspacman Jesustaca cacharca.

MARCOS 14:54

Pedroca caru carullatami c'atishpa, curacunata jatun mandac curapac huasi pungu pambacaman rirca. Chaiman yaicushpaca, Diosman mañana huasita cuidaccunahuanmi ninapi mashashpa tiyacurca.

SAN JUAN 18:28

Curacunata jatun mandac Caifaspac huasimantaca, Roma*f** llactata mandashpa tiyana huasimanmi Jesusta aparcacuna. Tutamanta ña pacarimugricucpimi, pascua*f** micuita micungapacca ama mapayashun nishpa, israelcunaca*f** jatun mandacpac ucumanca mana yaicurcacuna.

SAN JUAN 11:57

Chai fariseocunapish, curacunata mandac curacunapish: “Jesús maipi cashcata maijan yachac chayashpaca, japigringapac huillanguichic” nishpami mandashca carca.

SAN LUCAS 3:2

Anaspish, Caifaspish Israel*f** curacunata mandac curacunami carcacuna. Chai punzhacunapimi Zacariaspac churi Juan shitashca pambapi cacpi, Taita Diosca: “Ñucamanta huillagri” nirca.

SAN MATEO 26:69

Chai huasi pungu pambapi Pedro tiyacucpimi, shuc servic huarmi cuchuyashpaca: —Canpish Galilea llactamanta Jesushuan puricmi cangui— nirca.

SAN MATEO 27:27

Shina cucpimi, soldadocunaca Pilato mandashpa tiyana jatun ucuman Jesusta aparcacuna. Chaimanmi caishuc soldadocunataca, Jesuspac muyundicpi shayarichun c'ayarcacuna.

MARCOS 14:66

Pedroca ucu pungu pambapimi tiyacurca. Chaimanmi curacunata jatun mandac curata servic huarmicunapuramanta shuc huarmimi shamurca.

MARCOS 15:16

Chaimantaca Pilato mandashpa tiyana jatun huasi pungu pambamanmi soldadocunaca Jesusta chayachishpa, tucui soldadocunatapish chaiman tandachircacuna.

SAN LUCAS 22:55

Jesusta apashca q'uipaca, huasi pungu pambapimi ninata japichishpa, muyundicta tiyarishpa masharicurcacuna. Pedropish paicunahuanmi masharicurca.