SAN MATEO 25:10 - Nuevo Testamento en Quichua Cañar 1996

¹⁰ Shina chai pichca solteracuna randingapac ricpica, ñapish novioca chayamurcallami. Chashna chayamucpica, pichca allichirishcacunaca noviohuan boda huasiman yaicucpica, punguta huichcarcacunami.

Dios Rimashcata Quillcashcami

¹⁰ Chai pichca solteracuna randingapac ricpica, ñami novioca chayamurca. Chashna chayamucpimi, pichca allichirishca solteracunaca noviohuan boda huasiman yaicushpa, punguta huichcarca.

SAN MATEO 25:10 Referans Kwoze

SAN LUCAS 13:25

Huasiyuc jatarishpa, punguta huichcashca q'uipaca, cancuna canzhapi saquirishpaca, yaicushun nishpami: ‘Huasiyuc, amito, punguta pascai’ nicunguichic. Chashna nicpi huasiyucca: ‘Pichari canguichic, mana ricsinichu’ ningami.

1 PEDRO 1:13

Chaimanta caicunata yachashpaca, allichirishpa alli yuyaihuan causaichic. Jesucristo cutimui punzha Taita Dios paipac sumaimana c'uyaimanta ñucanchic japina cashcata japingapac cushicushpa shuyacuichic.

SAN MATEO 24:44

Chashnallatacmi Runa Tucungapac shamushca ñucaca, cancuna mana yuyashca horaspi chayamusha. Chaimantami allichirishca shuyacuna canguichic.

APOCALIPSIS 22:20

Caicunata huillac Jesuspish: —¡Ari, utcami shamugrini!— ninmi. Chashna cachun. ¡Apunchic Jesús, utca shamuilla!

SAN MATEO 25:6

Chashna suiñucucpimi, chaupi tuta shinataca: ‘¡Ñami novio shamun, tupangapac llucshichic!’ nishpa, caparishca uyarirca.

2 TIMOTEO 4:8

Cunan punzhamanta pachami cashcata ricuchic, ñucaman cuna cashca coronata Taita Diosca charicun. Chaitaca cashcata ruhuashpa taripac Apunchic Jesucristomi, taripana punzhapica cunga. Mana ñucallamanchu cunga, ashtahuanpish tucui pai cutimuna punzhata c'uyaihuan shuyaccunamanpish cungami.

APOCALIPSIS 1:7

¡Cristoca ñallami p'uyupi shamunga! Paitaca tucuimi ricunga. Shinallatac paita chacatashpa huañuchiccunapish ricungami. Tucui cai pachapi causac gentecunapish ricushpaca, shungupi huactarishpami paimanta huacangacuna. ¡Chaica chashnatacmi canga! Chashna cachun.

COLOSENSES 1:12

Diosta pagui nishpa, cushicushpa apanguichiclla. Paimi Diospaclla caccuna japina cashcata cancunapish paipac achiclla mandacucpi japiccuna cachun ruhuarca.

SAN MATEO 7:21

Ñucata ‘Apunchic Jesús, Apunchic Jesús’ niccunamantaca, mana tucuichu jahua pacha Taita Dios mandacucmanca yaicungacuna, ashtahuanpish jahua pachapi cac ñuca Taita munashcata ruhuaccunallami chaimanca yaicungacuna.

SAN MATEO 24:42

Cancunata Mandac ima horas chayamunata mana yachashcamanta, alli yuyaihuan chaparacuichic.

SAN MATEO 24:43

Ashtahuanpish caita yuyarichic: Ima horas shuhua shamunata huasiyuc yachashpaca, mana suiñushpami chaparacunman. Chashna cashpami huasita jutcushpa, ima charishcata shuhuachunca, mana saquinman.

SAN LUCAS 12:35

Cancunaca churanatapish ña churarishca, michata japichishpa shuyacuc shina chaparacuichic.

APOCALIPSIS 19:7

Pactalla Ovejapac*f** cazarana bodaca ñami chayamushca. Paipac huarmipish ña allichirishcami. ¡Chaimanta cunanca yallita cushicushpa, Taita Diostaca ‘sumacmari cangui’ nishunchic!