SAN MATEO 24:43 - Nuevo Testamento en Quichua Cañar 1996

⁴³ Ashtahuanpish caita yuyarichic: Ima horas shuhua shamunata huasiyuc yachashpaca, mana suiñushpami chaparacunman. Chashna cashpami huasita jutcushpa, ima charishcata shuhuachunca, mana saquinman.

Dios Rimashcata Quillcashcami

⁴³ Caita yuyarichic: Ima horas shuhuac shamunata huasiyuc yachashpaca, mana sueñushpami chapanman. Chashnami huasimanta imatapish mana shuhuachinman.

SAN MATEO 24:43 Referans Kwoze

SAN LUCAS 12:39

Ashtahuanpish caita yuyarichic: Ima horas shuhua shamunata huasiyuc yachashpaca, huasita jutcushpa ima charishcata shuhuachunca mana saquinmanchu.

SAN MATEO 24:44

Chashnallatacmi Runa Tucungapac shamushca ñucaca, cancuna mana yuyashca horaspi chayamusha. Chaimantami allichirishca shuyacuna canguichic.

SAN MATEO 20:11

Chashna pagacpimi, chai chagrayuc amota cashna nishpa

SAN MATEO 14:25

Jesusca ña punzhayamucucpimi, yacu jahuata purishpa yachacuccunapacmanca cuchuyagrirca.

SAN MATEO 24:42

Cancunata Mandac ima horas chayamunata mana yachashcamanta, alli yuyaihuan chaparacuichic.

SAN MATEO 25:10

Shina chai pichca solteracuna randingapac ricpica, ñapish novioca chayamurcallami. Chashna chayamucpica, pichca allichirishcacunaca noviohuan boda huasiman yaicucpica, punguta huichcarcacunami.

SAN MATEO 25:13

Chai shinallatac Runa Tucungapac shamushca*f** ñuca ima punzha, ima horas cutimunata mana yachashcamantaca, alli yuyaihuan chaparacuichic.

MARCOS 6:48

Paipac yachacuccunaca yalli huaira ñaupamanta jarcacpimi, canoata mana utca purichi pudircacuna. Chaitaca urcumantami Jesusca ricurca. Ña punzhayamucucpimi, Jesusca yacu jahuata shamushpa, paicunapac cuchuta ñaupashpa rigrircalla.

MARCOS 13:35

Shinallatac cancunapish, Huasiyuc ima horas cutimunata mana yachashcamantaca, alli yuyaihuan riccharishca shina chaparacuichic. Paica tutayamuctachari, chaupi tutatachari, gallo cantai horastachari, mana cashpaca pacarinatachari cutimunga.

SAN LUCAS 12:38

Unai tuta cashpa, pacarimuna cashpapish, riccharashpa chaparacucta amo shamushpa japicpica, chai serviccunamanca mai cushicuimi canga.

SAN LUCAS 21:36

Chashna tucuna cashcamanta cancunaca allichirishca, ña rinallami cana canguichic. Chai tucui llaqui japinamanta quishpiringapacca, Runa Tucungapac shamushca ñucapac ñaupapi alli ricuringapacpish, Taita Diosman mañaracuichiclla— nirca.

APOCALIPSIS 3:3

Callaripi ima shina yachacushcataca yuyarishpa, Diosman cutirishpa c'atiraichic. Cancuna mana yuyarishpa Diosman mana cutiricpica, cancuna mana yuyashca horasmi shuhua shamuc shina cancunapacman shamusha.

APOCALIPSIS 16:15

Chaipica: —Uyaichic, ñucaca cancuna mana yuyashca horaspimi shuhua shamuc shina shamusha. Maijanpish riccharishca shina, churanata churarishca chapacucmanca, ¡mai cushicuimi canga! Chashna churarishca mana lluchulla cashpami, mana pinganachinga— nishcatami uyarcani.