SAN MATEO 24:21 - Nuevo Testamento en Quichua Cañar 1996

²¹ Chai punzhacunapica achca llaquicunami tiyanga. Taita Dios cai pachata ruhuashca punzhamanta pacha cunancamanmi, chashna llaquica manarac tiyashcachu, cutinpish manatac tiyangachu.

Dios Rimashcata Quillcashcami

²¹ Chai punzhacunaca achca llaquimi canga. Cai pacha callari punzhamanta, cunancamanmi, chashna llaquica mana tiyashca. Quipapish mana tiyangachu.

SAN MATEO 24:21 Referans Kwoze

SAN LUCAS 21:24

Chai punzhacunapica maijancunataca macanacuipi espadahuanmi huañuchingacuna. Maijancunataca huatashpami, tucui llactacunaman prezu apangacuna. Taita Dios llaquichichun saquishca punzhacuna pactangacamanmi, Jerusalenpi causaccunataca mana israelcunaca*f** paicuna munashcata ruhuashpa llaquichingacuna.

1 TESALONICENSES 2:16

Mana israelcunapish*f** quishpirichun nishpa ñucanchic huillashun nicpica, israelcunaca jarcanata munancunami. Chashna jarcashcamantami ashtahuan juchayuc tucuncuna. Chaimantami Taita Diosca paicunata p'iñashpa, yalli jatun llaquita paicunamanca ña cachashca.

SAN MATEO 24:29

Chai ima mundo llaqui punzhacuna tiyashca q'uipaca, intipish amsayangami, quillapish mana achicyachingachu. Lucerocunapish jahuamanta urmangami. Shinallatac jahua cielopi imalla tiyac jatuncunapish chucchungami.

MARCOS 13:9

Ashtahuanpish cancunaca alli yuyaihuan puringuichic. Cancunataca japishpa, mandaccunapac ñaupaman apangacunami. Tandanacuna huasicunapipish azutingacunami. Ñucata c'aticushcamantaca, cancunapac llactapi mandaccunapacmanpish, jatun llactata mandaccunapacmanpish apangacunami. Chashna apacpica, paicunaman ñucamanta huillanguichicmi.

SAN MATEO 24:20

Chai miticushpa rina punzhaca ama tamiapish, ama samana punzhapish*f** cachun, Taita Diosman mañaichic.

APOCALIPSIS 7:14

Shina tapucpica: —Amito, canllatac yachanguimi— nircanimi. Shina nicpi paica cashnami nirca: —Chaicunaca jatun llaquimanta mishaccunami, shinallatac Pactalla Ovejapac yahuarhuan paicunapac churanata tacsharishcamanta yuraclla tucushcacunami.

APOCALIPSIS 16:18

Chashna nicpica urcu tulun nishcapish, rimashcacunapish uyarircami. Relampa achic nishcapish ricurircami. Shinallatac gentecuna cai pachapi tiyashca punzhamanta pacha jaicapi chucchushcatami, allpaca chucchurca.