SAN MATEO 22:5 - Nuevo Testamento en Quichua Cañar 1996

⁵ Chashna cutin c'ayacpipish, mana uyashpami maijancunaca chagraman rircacuna. Shinallatac maijancunaca c'atunamanmi rircacuna.

Dios Rimashcata Quillcashcami

⁵ Chashna cayacpipish, mana uyashpami maijancunaca trabajangapac, maijancunaca catungapac rircacuna.

SAN MATEO 22:5 Referans Kwoze

HEBREOS 2:3

Shina cacpica cai sumac quishpirinamanta huillashcata yangapi churashpaca, ¿ima shinatac jatun llaquimanta quishpirishunyari? Cai quishpirinataca Apunchic Jesusmi punta huillarca. Chaimantami pai huillashcata uyaccunaca chashnatac cashcata yachashpa, ñucanchicman huillarca.

2 TIMOTEO 3:4

Taita Diosta cazunapac randica, imapish quiquin shungupi munashcata ruhuashpa cushicushpami, jatun tucushpa, ima millaitapish ruhuashpa llaquichina yuyailla cangacuna.

ROMANOS 8:6

Cai pacha jucha munashcata ruhuashpa causaccunaca huañuitami japinga. Ashtahuanpish Diospac Espíritu yuyaita cushca shina causaccunaca, sumac causaitami charinga.

ROMANOS 2:4

Taita Dios paipac c'uyaillamanta paipacman c'ayashcata mana yuyarishpaca, pai punzhanta llaquicushcatapish, mana p'iñarishpa shuyacushcatapish yangapimi churacungui.

HECHOS 24:25

Pabloca Dios munashca shina causanamanta, mana alli munaita jarcarinamanta, imalla ruhuashcata Taita Dios taripana cashcamantapish huillacpimi, Felixca mancharishpa Pablotaca: —Cunanca rilla. Cutin uyasha nishpaca, c'ayachishallami— nirca.

HECHOS 2:13

Ashtahuanpish maijancunaca: —Caicunaca machashcacunami— nishpami asircacuna.

SAN MATEO 13:22

Casha chaupipi urmashca muyu shinaca, Taita Dios rimashca shimita uyashpapish, cai pachapi imatapish charina yuyaicuna, shinallatac charishpapish ashtahuan charina yuyaicuna shamushpami, chai uyashcataca aguachic shina chingachinlla. Shina cashpami, mana p'ucuc muyu shina ricurincuna.

SAN MATEO 22:4

Mana shamusha nicpica, cutinllatacmi caishuc serviccunata cashna nishpa cacharca: ‘Jatun micuita ruhuangapacca, jatun huagracunatapish, shuctac huira animalcunatapish huañuchichun mandarcanimi. Ñami tucui allichishca. Chaimanta bodaman shamuichic nicunmi nigrichic’ nishpa cacharca.

SAN MATEO 22:6

Shinallatac shuccunaca, jatun mandac c'ayac cachashca serviccunataca japishpami, macashpa huañuchircacuna.

SAN JUAN 2:16

Shinallatac palomata c'atuccunatapish: —¡Caimanta palomacunata llucchichic! ¡Ñuca Taitapac huasitaca ama randina, c'atuna huasita ruhuaichicchu!— nirca.

2 PEDRO 2:3

Paicunaca cullquita japingaraicullami, cancunamanca paicunapac yuyaillamanta yachachishpa chayucyangacuna. Paicunataca ña utcamanta pachami, “llaquimanmi ringuichic” nishpa Diosca shuyacun. Chai llaquimantaca manatac quishpiringacunachu.