SAN MATEO 22:37 - Nuevo Testamento en Quichua Cañar 1996

³⁷ Chashna tapucpi Jesusca: —‘Canta Mandac Taita Diosta tucui shunguhuan, tucui almahuan, tucui yuyaihuan c'uyangui’ ninmi.

Dios Rimashcata Quillcashcami

³⁷ Shina nicpimi Jesusca: —“Canta Mandac Diosta tucui shunguhuan, tucui almahuan, tucui yuyaihuan cuyangui” ninmi.

SAN MATEO 22:37 Referans Kwoze

SAN LUCAS 10:27

Chashna nicpi chai yachachic runaca: —‘Cambac tucui shunguhuan, tucui almahuan, tucui yuyaihuan, tucui munaihuan canta Mandac Taita Diosta c'uyangui. Can quiquinllatac ima shinami c'uyaringui, shinallatac shuccunatapish c'uyangui’ ninmi— nirca.

MARCOS 12:33

Taita Diosta tucui shunguhuan, tucui yuyaihuan, tucui almahuan, tucui munaihuan c'uyanaca allimi. Chashnallatac quiquinta c'uyaric shinallatac shuccunatapish c'uyanaca allimi. Cai ishcai mandashcacunata pactachinami, animalcunata Diosman cushpa huañuchishpa, rupachinatapish ashtahuan yalli allica— nirca.

ROMANOS 8:7

Maijanpish cai pacha jucha munashcata ruhuashpa causaccunaca Taita Diostaca p'iñanmi. Paicunaca Dios mandashcacunataca uyanatapish, cazunatapish mana pudincunachu.

SAN MATEO 22:36

—Yachachiclla, Moisés mandashcacunamantaca, ¿maijantac ashtahuan yalli cazunaca?— nishpa tapurca.

SAN MATEO 22:38

Cai mandashcami tucuimanta yalli ashtahuan cazunaca.

1 JUAN 4:21

“Taita Diosta c'uyashpaca, criccunapurapish caishuc chaishuchuan c'uyanacuichic” nishpami, Apunchic Jesusca mandashca.