SAN MATEO 22:11 - Nuevo Testamento en Quichua Cañar 1996

¹¹ Chashna huasipi junda cacpimi, jatun mandac ucuman yaicushpaca, mana bodapi churarina churanata churashca runata ricurca.

Dios Rimashcata Quillcashcami

¹¹ Jatun mandac ucuman yaicushpaca, boda churanata mana churarishca runatami ricurca.

SAN MATEO 22:11 Referans Kwoze

APOCALIPSIS 19:8

Pactalla Ovejapac huarmimanca tucuimanta yalli valishca chuyanlla jagan nicuc linotami churachishca— nircacuna. Chai linoca Diospaclla caccuna imapish cashcata ruhuactami ricuchin.

EFESIOS 4:24

Cancuna mushuc churanata churaric shina, Taita Dios mushucyachishca causaichic. Shina causashpami, cashcata nic huillashca shina Diospaclla tucushpa, allillata ruhuashpa, shuccunamanpish ricuchinguichic.

2 CORINTIOS 5:3

Chai shina churanata mudarishpapish, ña mana lluchulla shina cashunchu, ashtahuanpish Taita Dios allichishca cuerpohuanmi cashun.

ROMANOS 13:14

Chaipac randica Apunchic Jesusta churanataca churaric shina, paihuan tucushpa millaita mishaichic. Ashtahuanpish ama cai pacha jucha munashcata ruhuaichicchu.

APOCALIPSIS 16:15

Chaipica: —Uyaichic, ñucaca cancuna mana yuyashca horaspimi shuhua shamuc shina shamusha. Maijanpish riccharishca shina, churanata churarishca chapacucmanca, ¡mai cushicuimi canga! Chashna churarishca mana lluchulla cashpami, mana pinganachinga— nishcatami uyarcani.

APOCALIPSIS 3:18

Chaimantami ñucaca: ‘Ninapi rupachishca curita ñucamanta randishpa chayucyaichic’ nini. Shinallatac: ‘Cancuna lluchulla pingailla cashcata ama pi ricuchun, yuraclla churanata randishpa churarichic’ ninimi. ‘Ñahui alli ricuchunpish, jambita randishpa churarichic’ ninimi.

APOCALIPSIS 2:23

Shinallatac paipac huahuacunatapish huañuchishami. Chashna ruhuacpimi tucui tandanacushca criccunaca paicunapac yuyaitapish, shungutapish ñuca yachac cashcataca yachac chayangacuna. Cancuna imata ruhuacushcata c'atishpami, japina cashcataca cusha.

GÁLATAS 3:27

Bautizarishpaca, Cristohuanmi shuc shinalla tucurcanguichic. Shina tucushpaca, shuctac churanata churarishca shinami Cristohuanca shuctac laya tucushcanguichic.

1 CORINTIOS 4:5

Shinashpaca maijanta juchanchina cacpipish, Apunchic Jesús cutimungacaman amarac imata juchanchinguichicchu. Paimi amsapi imalla pacashcacunatapish, shungu imata yuyashcatapish punzhapi shina tucui ricuchinga. Shina cacpimi, Taita Diosca quiquin imata ruhuashcata ricushpa alli ninga.

ROMANOS 3:22

Taita Diosca Jesucristota crishcamantami, tucui criccunata paihuan alli tucuchun chasquin. Taita Diospac ñaupapica tucui gentecunami chashnallatac can.

SAN MATEO 13:30

Ashtahuanpish trigo p'itina tucungacaman, huiñachun saquichiclla. Trigo p'itina punzha chayamucpimi, trigota p'iticcunataca: “Chai mana alli q'uihuata p'itishpa, rupachingapac huataichic. Ashtahuanpish trigotaca ñucapac grano huacaichinapi huacaichichic” nishpa mandasha’ ” nirca.

SAN MATEO 3:12

Cai pachapi causaccunataca huairachinahuan shamushpa, trigomanta huairachishpa, t'amutaca ch'icanyachic shinami ñalla ch'icanyachinga. Allicunataca grano huacaichina huasipi tandac shinami huacaichinga. Shinallatac millaicunataca t'amuta rupachic shinami, jaicapi mana huañuc ninapi rupachinga— nirca.

SAN MATEO 22:10

Chashna cachacpi serviccunaca mai ñancunaman llucshishpa, pipish ricurictami alli cachun, mana alli cachun bodaman c'ayamurcacuna. Chashnami boda huasipica, gentecunaca jundarca.