SAN MATEO 21:29 - Nuevo Testamento en Quichua Cañar 1996

²⁹ Shina nicpi chai churica: ‘Mana risha ninichu’ nircami. Chashna nishpapish, q'uipata yuyarishpaca rircallami.

Dios Rimashcata Quillcashcami

²⁹ Shina nicpica chai churica: “¡Mana risha ninichu!” nircami. Chashna nishpapish, quipata yuyarishpaca rircami.

SAN MATEO 21:29 Referans Kwoze

1 CORINTIOS 6:11

Shinallatac ñaupamanca cancunapuramanta maijancunaca chashna ruhuaccunallatacmi carcanguichic. Ashtahuanpish cunanca Diospaclla cachun pai acllashpa, chuyayachishcacunami canguichic. Ñucanchic Taita Diospac Espiritumantapish, Apunchic Jesucristomantapish ñami paihuan alli tucuchun chasquishcacuna canguichic.

HECHOS 26:20

Chashna cazushpami, Damasco pueblopi huillai callarircani. Shinallatac Jerusalén pueblopipish, tucui Judea llactacunapipish, mana israelcunamanpish:*f** ‘Mana alli causacushcata saquishpa, Taita Diosman cutirishpa, allita causaichic’ nishpa huillarcani.

SAN MATEO 21:31

Cai ishcaicunamantaca, ¿maijantac taita mandashcataca ruhuarca?— nishpa Jesús tapucpica, paicunaca: —Punta churiyari— nircacuna. Shina nicpi Jesusca: —Chai shinallatacmi Taita Dios mandacucmanca, Roma*f** llactaman impuestota japiccuna, shinallatac huaclli huarmicunarac cancuna manarac yaicucpi yaicungacuna. Chaica chashnatacmi.

SAN MATEO 21:28

Cai parlomanta Jesús tapushpaca: —¿Imatatac cancunaca yuyanguichic? Shuc taitami ishcai churita charirca. Chaimanta shuc churitaca: ‘Huahua, ri, chagrapi ima ruhuana cashcata ruhuagri’ nirca.

SAN MATEO 21:30

Chai q'uipaca caishuc churitapish chashnallatacmi nirca. Shina nicpi paica: ‘Ari, taitito, ñami rigrini’ nirca. Shina nishpapish, mana rircachu.