SAN MATEO 21:27 - Nuevo Testamento en Quichua Cañar 1996

²⁷ Chashna parlanacushpami Jesustaca: —Mana yachanchicchu— nircacuna. Shina nicpi Jesusca: —Shinashpaca, ñucapish pi mandacpi chashna ruhuacushcataca mana huillashachu— nirca.

Dios Rimashcata Quillcashcami

²⁷ Chaimantami Jesustaca: —Mana yachanchicchu— nircacuna. Shina nicpimi Jesusca: —Shinashpaca, ñucapish pi ima poderhuan ruhuacushcataca mana huillashachu— nirca.

SAN MATEO 21:27 Referans Kwoze

2 CORINTIOS 4:3

Ñucanchic huillacushca alli huillai pañuhuan jarcashca shina ricurishpaca, chai chingarinaman riccunallamanmi chashnaca ricurin.

ROMANOS 1:28

Paicunallatac Diosmanta yachanata mana munacpimi, manapish caipaccunata ruhuachun paicunapac yuyaipi millai munaicuna junda cachun Taita Diosca saquishca.

SAN JUAN 9:30

Shina nicpi, chai runaca cashnami nirca: —Pai maimanta shamushcata cancuna mana yachanaca shuc mancharinami. Paimi ñuca ñahuita alliyachirca.

SAN MATEO 16:3

Shinallatac: ‘Tutamanta jahuata p'uyu pucayashca cacpica, cunanca mana alli punzhami cagrin’ ninguichicmi. Cancunaca p'uyuta ricushpaca, punzha ima laya cagricushcataca yachanguichicmi. Shina cashpapish cunan punzha ima tucucushcataca mana yachanguichicchu.

SAN MATEO 15:14

Ñahui mana ricuc shina pushac fariseocunataca saquichiclla. Paicunaca chashna pushaccuna cashcamantami, caishuc ñahui mana ricuccunata pushashpaca, ishcaitac jutcupi urmangacuna— nirca.

SAN MATEO 21:26

‘Runacunallami cacharca’ nicpipish, gentecuna p'iñaringami. Juantaca tucui gentecunami ‘Diosmanta huillacmi carca’ nincuna— ninacurcacuna.

SAN MATEO 21:28

Cai parlomanta Jesús tapushpaca: —¿Imatatac cancunaca yuyanguichic? Shuc taitami ishcai churita charirca. Chaimanta shuc churitaca: ‘Huahua, ri, chagrapi ima ruhuana cashcata ruhuagri’ nirca.