SAN MATEO 20:24 - Nuevo Testamento en Quichua Cañar 1996

²⁴ Jesús chashna nicta caishuc chunga yachacuccuna uyashpaca, chai huauquindiccunahuanca p'iñarircacunami.

Dios Rimashcata Quillcashcami

²⁴ Chaita caishuc chunga yachacuccuna uyashpaca, chai huauquicunahuanca piñarircami.

SAN MATEO 20:24 Referans Kwoze

1 PEDRO 5:5

Chai shinallatac q'uipa huiñaicunapish, pushaccuna ima nishcata cazuichic. Tucuimi mana jatun tucushpa, caishuc chaishuchuan cazunacuna canguichic. Pai quillcachishcapica Taita Diosca: “Jatun tucushcacunataca p'iñanimi. Cutin mana jatun tucushcacunataca c'uyanimi” ninmi.

SANTIAGO 3:14

Shina cashpapish shuccuna ama charichun nishpa shungupi p'iñanacushpaca, “yachacmi cani” nishpaca, mana jatun tucunachu canguichic. Chashna ruhuashpaca, cashcata nic huillashcata mana cazunguichicchu.

FILIPENSES 2:3

Shuccunata llaquichingaraiculla ama yachac tucuichicchu, ashtahuanpish quiquinca mana yachac cashca shinalla, shuccunata ashtahuan allipi churaichic.

1 CORINTIOS 13:4

Maijanpish c'uyaita charicca, llaquichicpipish mana p'iñaric, alli shunguyucmi. Shuccuna ama charichun nishpa mana munacchu, shinallatac “allimi cani” nishpa mana jatun tucushcachu.

MARCOS 10:41

Jesús chashna nicta caishuc chunga yachacuccuna uyashpaca, Jacobohuanpish, Juanhuanpish p'iñarircacunami.

SAN MATEO 20:23

Chashna nicpimi Jesusca: —Ari, cancunaca ñuca shina jayacta ubiac shina llaquicunata apanguichicmi. Ashtahuanpish maijanta ñuca alli maquiman, lluqui maquiman tiyachinataca, Taita Diosmi maijanman allichishca cashpaca tiyachinga, mana ñucaca— nirca.

SAN MATEO 20:25

Chaimantami Jesusca paicunata c'ayashpaca: —Cai pachapi mandaccunallami paicuna munashcata ruhuachishpa, gentecunataca charincuna. Shinallatac mandaccunapurapish, maijan ashtahuan jatun cashpaca, paicunatapish mandanllami. Chaitaca cancunallatac yachanguichicmi.

MARCOS 10:14

Chashna jarcacucta ricushpami, Jesusca p'iñarishpa paipac yachacuccunataca: —Saquichic, huahuacuna ñucapacman shamuchun ama jarcaichicchu. Cai huahuacuna shina caccunami Taita Dios mandacucmanca yaicunga.

SAN LUCAS 13:14

Chaimanta tandanacuna huasipi mandacca, samana punzhapi Jesús alliyachicta ricushpaca, munai p'iñarishpami chai huasipi tandanacushcacunataca: —Semanapica, sucta punzhallatami imata ruhuangapacca charinchic. Chai punzhacunapimi jambichingapacca shamuna canguichic, samana punzhapica mana— nirca.