SAN MATEO 20:20 - Nuevo Testamento en Quichua Cañar 1996

²⁰ Chai q'uipaca, Zebedeopac huarmi paipac ishcai c'ari huahuacunandic Jesusman mañangapac shamushpami, paipac ñaupapi cungurirca.

Dios Rimashcata Quillcashcami

²⁰ Zebedeopac huarmimi Jesuspacman shamushpa, paipac ñaupapi cungurishpa mañarca.

SAN MATEO 20:20 Referans Kwoze

SAN MATEO 8:2

Chashna shamucpica, lepra*f** ung:uihuan cac runa Jesuspacman shamushpami, paipac ñaupapi cungurishpaca: —Apunchic Jesús, ñucata can alliyachisha nishpaca, alliyachinguimanllami— nishpa, mailla mañarca.

SAN MATEO 4:21

Jesusca chaimanta ashtahuan chainicman rishpaca, Zebedeopac churicuna huauquindicpura Jacobota, shinallatac Juantami ricurca. Paicunaca canoapimi, pescadota japina linchicuna lliquirishcata taita Zebedeohuan siracurcacuna. Jesusca paicunatapish c'ayarcami.

SAN MATEO 27:56

Paicunapurapica Magdala pueblomanta Mariapish, Jacobopac, Josepac mama Mariapish, shinallatac Zebedeopac churicunapac mamapish chaipimi carca.

MARCOS 15:40

Chashnallatac Jesús chacatashcataca, tauca huarmicunami carullamanta ricushpa shayacurcacuna. Chai huarmicunapurapica, Magdala pueblomanta Mariapish, q'uipa Jacobopac, Josepac mama Mariapish, shinallatac Salomepish chaipimi carca.

SAN MATEO 2:11

Paicuna chai huasiman ña yaicushpaca, mama Mariandic chai huahuata ricushpami, huahuataca cungurishpa “allimari cangui” nircacuna. Shinallatac paicuna apashpa rishcata pascashpami, achca valishca curita, inciensota, shinallatac mirratapish*f** curcacuna.

SAN MATEO 28:17

Jesusta chaipi ricushpaca, cungurishpami: “Canca allimari cangui” nircacuna. Shina cashpapish maijancunaca: “Mana paichu canga” nishpami yuyacurcacuna.

SAN MATEO 15:25

Ashtahuanpish chai huarmica paipac ñaupapi cungurishpami: —Apunchic Jesús, ñucata ayudaiyari— nirca.

SAN MATEO 14:33

Chaimantami canoapi caccunaca Jesuspac ñaupapi cungurishpa: —Canca Diospac Churitacmi cangui— nishpa, alli nircacuna.

SAN MATEO 10:2

Jesusmanta huillachun acllashca chunga ishcaicunaca caicunami: Pedro nishca Simón, paipac huauqui Andrés, shinallatac Zebedeopac churicuna huauquindicpura Jacobopish, Juanpish carcami.