SAN MATEO 19:27 - Nuevo Testamento en Quichua Cañar 1996

²⁷ Chashna nicpi Pedroca: —Ñucanchicca tucui imalla charishcacunata saquishpami, cantaca c'aticunchic. ¿Chaimantaca imatatac japishun?— nishpa tapurca.

Dios Rimashcata Quillcashcami

²⁷ Chashna nicpimi Pedroca: —Ñucanchicca tucui charishcacunata saquishpami, cantaca caticunchic. ¿Chaimantaca imatatac japishun?— nishpa tapurca.

SAN MATEO 19:27 Referans Kwoze

FILIPENSES 3:8

Ñucata Mandac Jesucristomanta sumac yachana tucuita yalli alli cacpimi, ñucapac tucui imalla allicunatapish yangata ruhuashpa saquircani. Cristota c'uyashpa paihuan cangapacmi, chai tucui yangallacunataca ima mapata laya shitarcani.

SAN LUCAS 5:11

Chashna nicpimi, canoacunata yacu pataman llucchishpa, chaipi tucuita saquishpa, Jesusta c'atishpa rircacuna.

SAN LUCAS 18:28

Shina nicpimi Pedroca: —Ñucanchicca imalla charishcacunata tucui saquishpami, cantaca c'aticunchic— nirca.

SAN LUCAS 15:29

Chashna nicpica: ‘Taita, ñucaca cai tucui huatacunatami can ima nishcata ruhuashpa servishcani. Chashna cacpipish ñuca ricsishcacunahuan cushicuchunca, shuc chivollatapish mana cushcanguichu.

MARCOS 10:28

Chashna nicpi Pedroca: —Ñucanchicca tucui imalla charishcacunata saquishpami, cantaca c'aticunchic— nirca.

MARCOS 2:14

Chaimanta rishpami, Roma*f** llactaman impuestota chasquina mizapi Alfeopac churi Leví runa tiyacucta ricurca. Paita ricushpaca: —Jacu ñucahuan— nicpimi, Levica jatarishpa, Jesusta c'atishpa rircalla.

SAN LUCAS 14:33

Chashnallatac maijan cancunapish tucui charishcacunata mana saquishpaca, mana ñuca yachacuccuna cai pudinguichicchu.

SAN MATEO 9:9

Chaimanta Jesús rishpaca, Mateo runatami Roma*f** llactaman impuestota japishpa, chasquina mizapi tiyacucta ricurca. Chaipi tiyacucta ricushpami: —Jacu ñucahuan— nirca. Chashna nicpi, Mateoca jatarishcahuan c'atishpa rircallami.

1 CORINTIOS 4:7

Shinashpaca, ¿pitac cantaca: “Canmari chaishuccunata yalli alli cangui” ningayari? Tucui can charishcacunaca, ¿manachu Dios cushca? Cutin Dios cushcacunallahuantacca, ¿ima nishpatac can quiquinllatac charishca shina, jatun tucunguiyari?

1 CORINTIOS 1:29

Shina cashcamantami Taita Diospac ñaupapica pipish mana jatun tucunga.

SAN MATEO 19:26

Chashna nicpi Jesusca paicunata ricurashpaca: —Gentecunapac yuyaipica, maita mana quishpiripacchu, ashtahuanpish Taita Diosmanca imapish ruhuaipacllami— nirca.

SAN MATEO 19:28

Chaimantami Jesusca cashna nirca: —Cai pachata Taita Dios mushucta ruhuacucpimi, Runa Tucungapac shamushca*f** ñucaca, sumaimana achicllapi mandai callarisha. Chaipica cancunapish ñucata c'aticcuna cashcamantaca, chunga ishcai mandaccuna mandashpa tiyarinacunapi tiyarishpami, chunga ishcai Israel*f** aillucunata mandanguichic. Chaica chashnatacmi canga.