SAN MATEO 18:8 - Nuevo Testamento en Quichua Cañar 1996

⁸ Chaimanta cambac maqui, cambac chaqui ima juchapi urmachisha nicpica, p'itishpa shitangui. Ishcai chaquindic, ishcai maquindic mana huañuc ninapi shitashca canapac randica, chulla chaquilla, chulla maquilla jahua pachapi causangapac yaicunami canmanca ashtahuan alli canga.

Dios Rimashcata Quillcashcami

⁸ Chaimanta cambac maqui, cambac chaqui juchapi urmachicpica, pitishpa shitangui. Ishcai chaquindi, ishcai maquindi mana huañuc ninapi shitashca canapac randica, chulla chaquilla, chulla maquilla jahua pachaman yaicunami canmanca ashtahuan alli canga.

SAN MATEO 18:8 Referans Kwoze

ROMANOS 13:12

Tutapish ñami pacarimugrin. Chaimanta amsapi ima mana allicunata ruhuanata saquishpa, soldado macanacungapac churarinata churaric shina allita ruhuangapacca, Dios cushcacunata japishpa churarichic.

APOCALIPSIS 20:15

Huiñaita causangapac quillcachina libropi mana quillcashcacunataca, rupacuc nina cuchapimi shitashca carca.

APOCALIPSIS 14:10

Taita Diosmanta shamuc jatun llaquitami vinota ubiac shina chasquinga. Chaitaca vasopi t'allishpa chasquic shinami, Diospac p'iñaitaca chasquinga. Chaicunaca Pactalla Ovejapac ñaupapi, shinallatac Diospaclla cac angelcunapac ñaupapimi ninahuanpish, azufrehuanpish llaquichishca canga.

APOCALIPSIS 21:8

Ashtahuanpish manchaccunaca, mana criccunaca, yalli millaicunaca, huañuchiccunaca, huaclliriccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapi shitashcami canga. Chaica q'uipa huañuimi canga— nirca.

SAN LUCAS 14:33

Chashnallatac maijan cancunapish tucui charishcacunata mana saquishpaca, mana ñuca yachacuccuna cai pudinguichicchu.

SAN MATEO 25:46

Chashnacunaca, huiñaita jatun llaquimanmi shitashca canga. Ashtahuanpish cashcata ruhuaccunaca, huiñai causaitami japinga— nirca.

SAN MATEO 25:41

Chai q'uipami ñucaca lluqui ladoman caccunataca: ‘Caimanta anchurichic, Taita Dios mana allichu canguichic nishcacuna. Diabloman, shinallatac paipacta ruhuac angelcunaman allichishca, mana huañuc ninamanmi shitashca cana canguichic.

SAN LUCAS 16:24

Chaimantami: ‘¡Taita Abrahamlla, ñucata llaquiyari! Ñucaca cai ninapi ima mundo llaqui nanaitami apacuni. Chaimanta Lazarota cachashpa cui, paipac dedota yacupi satishpa, ñuca c'allullatapish chiriyachichun’ nishpa caparirca.

SAN MATEO 17:27

Ashtahuanpish impuestota japiccunata mana p'iñachingapacca, cuchaman ri. Chaiman chayashpaca, anzuelota shitangui. Maijan pescadoracmi japi tucun, chaipac shimipimi cullquita taringui. Chai cullquita apashpa, impuestota japiccunaman canmantapish, ñucamantapish cugringui— nirca.