SAN MATEO 18:17 - Nuevo Testamento en Quichua Cañar 1996

¹⁷ Chashna paicunata manallatac uyacpica, tandanacushca criccunaman huillangui. Paicunatapish mana uyacpica, Diosta mana cazucta shina, Roma*f** llactaman impuestota japicta shina charinguichic.

Dios Rimashcata Quillcashcami

¹⁷ Paicunata mana uyacpica, tandanacushca criccunaman huillangui. Paicunatapish mana uyacpica, Diosta mana cricta shina, impuestota japicta shina charinguichic.

SAN MATEO 18:17 Referans Kwoze

2 TESALONICENSES 3:6

C'uyashca criccuna, Apunchic Jesuspac shutipimi ñucanchic yachachishcata mana cazushpa, mana trabajasha nishpa puric criccunahuanca ama tandarichun ninchic.

1 CORINTIOS 5:9

Utcaman ñuca quillcashpaca: “Maijanpish huaclliriccunahuanca ama tandanacunguichicchu” nircanimi.

1 TIMOTEO 6:5

Chaimantami paicunaca imami alli cashcata mana yachashpa, yuyai illac shina tucushpa p'iñanacuncunalla. Paicunaca chayucyana yuyaillahuanmi Diosta cric tucuncuna.

SAN LUCAS 15:1

Roma*f** llactaman impuestota japiccunapish, israelcuna*f** ch'icanyachishca caishuc juchayuccunapish, achcacunami Jesús huillashcata uyangapac paipacman cuchuyarcacuna.

SAN MATEO 11:19

Shinallatac Runa Tucungapac shamushca*f** ñuca chayamushpa imatapish micuc, vinotapish ubiac cashcamantaca: ‘Cai runaca imatapish yalli micuclla, vinotapish ubiaclla, Roma*f** llactaman impuestota japiccunahuanpish, caishuc juchayuccunahuanpish tandariclla’ ninguichicmi. Cancuna chashna nicucpipish, Taita Dios yachac cashcataca paita cazuccunami allita ruhuashpa ricuchicuncuna— nirca.

SAN LUCAS 18:11

Chai fariseo shayarishpaca: ‘Taita Dioslla, ñucaca mana shuccuna shina shuhua, millai, huaclliricchu cani, shinallatac cai impuestota japic runa shinapish mana canichu. Chaimantami cantaca pagui nini.

SAN MATEO 5:46

Cancuna maijan c'uyaccunallata c'uyashpaca, ¿ima allitatac Taita Diosmantaca japinguichicyari? Chashnacarin Roma*f** llactaman impuestota japiccunapish ruhuancunallami.

SAN MATEO 6:7

Shinallatac Taita Diosman mañashpaca, ama chai Diosta mana ricsiccuna shina imatapish cutin cutin chaillatatac nishpa mañaichicchu. Paicuna ashtahuan rimarishpa mañacpica, Taita Diosca ashtahuanmi uyanga yuyashpami, chashnaca mañancuna.

SAN MATEO 10:3

Shinallatac Felipe, Bartolomé, Tomás, impuestota*f** japic Mateo, Alfeopac churi Jacobo, Tadeo nishca Lebeopish carcami.

1 CORINTIOS 6:1

Cancunapurapi maijan p'iñanacucpica, Diospaclla cac criccuna allichichun ninapac randica, ¿ima nishpatac mana cric juezcunapacman allichichun nishpa ringuichicyari?