SAN MATEO 18:15 - Nuevo Testamento en Quichua Cañar 1996

¹⁵ Maijanpish criccunapurapi canta ima mana allita ruhuacpica, pai ima mana alli ruhuashcata ricuchishpa, paillahuan allichingui. Chashna can rimashcata uyashpa alli tucucpica, canca cutinllatacmi paitaca Diospacman tigrachishcangui.

Dios Rimashcata Quillcashcami

¹⁵ Maijan cric canta llaquichishpa juchallicpica, paillata cayashpa, paillahuan rimangui. Pai can rimashcata uyashpaca, cutinllatacmi Diospacman cutinga.

SAN MATEO 18:15 Referans Kwoze

COLOSENSES 3:13

Caishuc chaishuchuan mana p'iñanacushpa, maipi mana allita ruhuacpipish perdonanacuichic. Ima shinami Apunchic Jesús cancunapac juchacunata perdonarca, chashnallatacmi cancunapish perdonanacuna canguichic.

GÁLATAS 6:1

C'uyashca criccuna, cancunapuramanta maijan juchapi urmashcata ricushpaca, pai allichirichun Diospac Espíritu yuyaita cushca causaccunaca ayudanami canguichic. Chashna ayudashpaca, c'uyac shunguhuan sumacta ayudangui. Pacta canpish chai shina tucunguiman.

2 TESALONICENSES 3:15

Chashna mana tandanacushpapish ama p'iñaichicchu, ashtahuanpish ima shinami shuc cric huauquita cunashpa yachachinguichic, chashnallatac yachachichic.

SAN MATEO 18:35

Shinallatac Jesusca: —Cancunapurapi shungumanta mana perdonanacucpica, jahua pachapi cac ñuca Taitapish, chashnallatacmi cancunataca ruhuanga— nirca.

ROMANOS 12:21

Millai mishachunca ama saquichu. Chaipac randica allita ruhuashpa millaita mishai.

1 PEDRO 3:1

Shinallatac huarmicuna, cancunapac quiquin cusacunata alli cazuichic. Chashna cazucpimi, mana cric cusapish Dios rimashca shimita mana uyasha nicushpapish,

1 CORINTIOS 8:12

Chai shina mana allita ruhuashpaca, manarac sinchi criccunapac yuyaita pandachishpami, Cristollatatac p'iñachishpa, juchata ruhuanguichic.

2 CORINTIOS 7:12

Shina cashpami chai quillcata ñuca quillcashpaca, chai llaquichicmantapish, shinallatac llaquichishca cacmantapish mana quillcarcanichu, ashtahuanpish Diospac ñaupapi ñucanchicmanta cancuna yuyariccuna cashcata ricuchingapacllami quillcarcani.

1 TESALONICENSES 4:6

Chaimanta pacta chashna mana allita ruhuashpa, maijan huauquita umashpa mana allita ruhuanguichicman. Chashna ruhuaccunataca tucui mashnatami Apunchic Jesusca yallita llaquichinga.

SAN MATEO 18:14

Chashnallatacmi jahua pachapi cac cancunapac Taitapish, cai uchilla huahua shinacunataca shucllapish ama chingarichun munan.

SAN MATEO 18:21

Chaimanta Pedroca Jesuspacman shamushpaca: —Apunchic Jesús, ¿mashna cutincamantac ñucata mana allita ruhuactaca perdonasha? ¿Canchis cutincamanchu perdonasha?— nishpa tapurca.

TITO 3:10

Maijanpish tandanacushca criccunapurapish p'iñanacuipi churacpica, ishcai cutincaman cunashpa rimangui. Chashna cunashcata mana uyacpica, tandanacushca criccunapuramanta llucchishpa cachangui.