SAN MATEO 16:16 - Nuevo Testamento en Quichua Cañar 1996

¹⁶ Shina tapucpi Simón Pedroca: —Canca causac Diospac Churi, Quishpichic Cristomi cangui— nirca.

Dios Rimashcata Quillcashcami

¹⁶ Shina tapucpimi Simón Pedroca: —Canca causac Diospac Churi, Quishpichic Cristomi cangui— nirca.

SAN MATEO 16:16 Referans Kwoze

SAN MATEO 14:33

Chaimantami canoapi caccunaca Jesuspac ñaupapi cungurishpa: —Canca Diospac Churitacmi cangui— nishpa, alli nircacuna.

SAN JUAN 11:27

Shina nicpi paica: —Ari, Apunchic Jesús. Can Diospac Churi, shinallatac cai pachaman shamuna Quishpichic Cristo cashcataca crinimi— nirca.

1 JUAN 4:15

Maijanpish Apunchic Jesucristota “Diospac Churimi” nicca Taita Dioshuanmi causan, shinallatac Taita Diospish paihuanmi causan.

SAN MATEO 27:54

Pasac soldadocunata mandacpish, paihuan cuidaccunapish allpa chucchucpi, shinallatac shuctac ima tucushcacunata ricushpapish, munai manchaihuan cashpami: —Cai runaca Diospac Churitacmi cashca— nircacuna.

1 TIMOTEO 4:10

Ñucanchicca causac Diospimi shunguta churashcanchic. Paica tucui cai pachapi causaccunata Quishpichicmi. Ashtahuancarin paita criccunatami quishpichin. Chaimantami maijancuna p'iñacpipish, llaquita apashpa paipactaca ruhuashpa c'aticunchic.

HECHOS 9:20

Chaimanta Sauloca israelcuna*f** tandanacuna huasicunapi yaicushpami: “Jesusca Diospac Churimi” nishpa, huillai callarirca.

1 TESALONICENSES 1:9

Chaipac randica, paicunallatacmi ñucanchic chayacpi cancuna ima shina chasquishcata, shinallatac ima shina ruhuashcalla dioscunata alli ninata saquishpa, causac Taita Diostatac servingapac tigrarishcata parlancuna.

SAN MATEO 26:63

Chashna nicpipish, Jesusca imata mana nircachu. Chaimantami jatun mandac curaca: —Causac Diospac shutipimi huillachun nini. ¿Canchu Diospac Churi Quishpichic Cristoca cangui?— nirca.

1 JUAN 5:5

Maijanpish Jesusta Diospac Churi cashcata cricllami, cai pachapi tiyac millaicunataca mishan.

HEBREOS 10:31

Causac Diospac maquipi llaquichishca canaca, mai jatun llaquimi.

ROMANOS 1:4

Shina cacpipish pai huañushcacunapuramanta causaricpimi, Diospac Espirituca Diospac Churi imatapish ruhuaclla cashcata ricuchirca.

MARCOS 14:61

Chashna tapucpipish, Jesusca imata mana nishpa upalla carcallami. Chaimanta chai curacunata jatun mandac curaca Jesustaca: —¿Canca sumac Diospac Churi Quishpichic Cristochu cangui?— nishpa, cutin tapurca.

SAN JUAN 20:31

Chashna cacpipish cancuna Jesusta Quishpichic Cristo cashcatapish, Diospac Churi cashcatapish crichun, shinallatac paita crishpa huiñai causaita charichunmi, caicunataca quillcani.

SAN JUAN 1:49

Shina nicpi Natanaelca: —Yachachic, canca Diospac Churimi cangui, israelcunata Jatun Mandacpishmi cangui— nirca.

HEBREOS 12:22

Ashtahuanpish cancunaca Sión*f** urcuman, causac Diospac jahua pacha Jerusalén puebloman, chaipi huaranga angelcuna tandanacushpa, Taita Diosta alli nicucmanmi chayarcanguichic.

1 TIMOTEO 3:15

Ñuca unaiyacpipish, canca Taita Diospaclla tandanacushca criccuna ima shina causana cashcata yachachunmi caitaca quillcani. Huiñaita causacuc Taita Diosta criccunaca alli huillai chashnatac cashcata crishpami, pilar charicuc shina sinchita c'aticunchic.

1 JUAN 5:20

Diospac Churi shamushpa ñucanchicman yuyaita cushpami, cashcata nic Taita Diostaca ricsichirca. Chaimantami cashcata nic-huan shuc shinalla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

2 CORINTIOS 6:16

Dios causana huasihuan ruhuashcalla dioscunata adorana huasihuanca, ¡maitatac shuc shinalla tucungayari! Ñucanchicmari causac Dios causana huasica canchic. Diosllatacmi: “Ñucaca paicunahuanmi causasha, paicunahuanmi purisha. Ñucaca paicunapac Diosmi casha. Shinallatac paicunaca ñuca acllashcacunami canga” nishca.

2 CORINTIOS 3:3

Cancunataca Cristollatac quillcashca tucui gentecuna ricuna quillca shina cashcatami ricunchic. Chaitaca ñucanchicllatacmi cancunamanca curcanchic. Chai quillcaca mana tintahuan quillcashca shinachu, ashtahuanpish causac Diospac Espirituhuan quillcashcami. Chai quillcaca mana rumipi quillcashca shinallachu, ashtahuanpish cancunapac shungupimi quillcashca can.

HECHOS 14:15

—¡Uyaichic! ¿Imapactac chashna ruhuashun ninguichic? Ñucanchicca cancuna shina runacunallami canchic. Cancuna cashna yangalla ruhuanata saquishpa, causac Taita Diosman cutirichunmi, alli huillaita huillangapac shamurcanchic. Paica jahua pachatapish, cai pachatapish, mama cuchatapish, tucui ima tiyactapish ruhuacmi.

SAN MATEO 4:3

Chashna yarcaihuan cacpimi, diablo Jesuspacman cuchuyashpaca: —Can Diospac Churitac cashpaca, cai rumicunata tanda tucuchun nillari— nirca.

HECHOS 8:36

Ña yacu cuchuta ricushpami, chai runaca: —Riqui, caipica yacu tiyashcami. ¿Manachu ñucaca bautizari pudini?— nirca.

SAN JUAN 6:69

Ñucanchicca cantaca ña crishcanchicmi. Shinallatac canca Dios cachashca Jucha Illac cashcatapish yachanchicmi— nirca.

SAN MATEO 1:16

Jacoboca Josepac taitami carca. Joseca Mariapac cusami carca. Mariaca Jesuspac mamami carca. Jesusca Quishpichic Cristomi can.

SAN MATEO 16:15

Shina nicpi Jesusca: —Cutin cancunaca ñucataca, ¿pi cashcatatac yuyanguichic?— nishpa tapurca.

SAN LUCAS 2:11

Cunanmi David huacharishca Belén pueblopica, gentecunata Quishpichic huacharishca. Paimi tucuita Mandac, Quishpichic Cristo.

SAN JUAN 6:57

Ñucata cachac Taitaca causaiyucmi. Chaimantami ñucaca paimanta causani. Chai shinallatacmi ñuca aichata micucca, ñucamanta causanga.

SAN JUAN 6:68

Shina nicpi, Simón Pedroca: —Apunchic Jesús, ¿pipacmanta rishunyari? Cambac rimashca shimicunaca, huiñai causaita cuc shimicunami.

2 CORINTIOS 1:19

Silvanopish, Timoteopish shinallatac ñucapish cancunaman huillacushca, Diospac Churi Jesucristoca mana chai ratollatac “ari”, chai ratollatac “mana” nicchu carca. Jesucristoca Taita Dios ari nishcata pactachictacmi.

HEBREOS 3:12

C'uyashca criccuna, cancunapuramanta shucllapish millai yuyaihuan mana crisha nishpa, pacta causac Diosmanta caruyanguichicman.

HEBREOS 9:14

Shina cacpica, ¡Apunchic Jesuspac yahuarcarin, tucuimanta yalli valishcami! Paica huiñai huiñaita causacuc Diospac Espirituhuan cashpami, ima millaita mana ruhuac cashpapish, pai quiquinllatac Diosman curishpa huañurca. Paipac yahuarmi ñucanchic yuyaicunahuan mana allita ruhuashpa, huañuiman ricucpi p'ichashpa, causacuc Diosta servicta ruhuan.

APOCALIPSIS 7:2

Shinallatac inti llucshic ladomanta shuc ángel shamuctami ricurcani. Paica causac Diospac unanchinatami charicurca. Chai angelmi mama cucha yacutapish, cai pacha allpatapish huacllichiclla canata chasquic, chuscu esquinacunapi shayacuc angelcunaman caparishpaca:

HECHOS 8:37

Shina nicpi Felipeca: —Can tucui shunguhuan crishpaca, bautizarinallami cangui— nirca. Chashna nicpi: —Ari, Jesucristoca Diospac Churi cashcata crinimi— nirca.